NEHEMIA 6:13 - Ombibeli Iyapuki

¹³ Okwa pewa ombubo opo a mbadapaleke nge, ndi ninge ngaha ndele ndi nyone opo va mone sha va lundile nge nokusheka nge.

NEHEMIA 6:13 ပူးပေါင်းရင်းမြစ်များ

NEHEMIA 6:12

Osheshi onda dimbulukwa, nokutya Kalunga ine mu tuma, ndelenee ye okwa lombwela nge exunganeko olo, shaashi a futwa kuSanballat naTobia.

NEHEMIA 6:6

Omo mwa shangwa: “Moiwana hamu popiwa, ngaashi Gesem ta ti: Ove nOvajuda tamu diladila okutwila ohamba ondubo. Onghee ove to tungu ohotekuma, ndele wa hala u ninge ohamba yavo, osho taku tiwa.

OMAYELETUMBULO 22:1

Edina li nondilo li dule oupuna uhapu, nohokwe i dule oshisiliveli noshingoldo.

OMAYELETUMBULO 29:5

Omulumenhu ou ta heke mukwao, ote litele omwiyo keenghatu daye.

OMUUDIFI 7:1

Edina la fimana li dule omaadi mawa, nefiku lokufya li dule efiku lokudalwa.

JESAJA 51:7

Pwilikineni kwaame, onye ava mwa shiiva ouyuki, oshiwana shi na omhango yange momutima washo: inamu kala mwa tila odino yovanhu, nye inamu haluka kesheko lavo.

JESAJA 57:11

Ndelenee olyelye ou hano we mu lungama nowe mu tila? Eshi wa ninga omunaipupulu ndele ino dimbulukwa nge vali, ndele ino shi tula momutima woye? Handi ti: Onda mwena nokumwenenena efimbo lile, onghee hano ove wa kala ino tila nge?

JEREMIA 1:17

Ove hano limangeleka moshiya shoye, fikama u tonge kuvo adishe handi di ku lombwele. Ino va tila, opo Ame ndihe ku halukife moipafi yavo.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

JEREMIA 20:10

Osheshi ame onda uda omalundilo avahapu, omatilifo keembinga adishe! Mu hololeni! Natu mu holole! Nookaume kange aveshe tava kala nokunangela nge, ndi punduke. Vo otava ti: Kashiimba tashi dulika a tulwe moulai, nena hatu mu dulu eenghono ndele hatu polifile muye ehandu letu.

HESEKIEL 2:6

Ndele ove, kaana komunhu, ino va tila noino tila eendjovo davo, nande eeshosholo nomakiya e li pwoove, nou li mokati keendje. Ino tila eendjovo davo noino haluka oipala yavo, osheshi vo epata ihali dulika.

MATEUS 10:28

Ndele inamu tila ava tava dipaa olutu, vo itava dulu okudipaa omwenyo; ndele tileni shili ou ta dulu okunyonaunina moheli omwenyo nolutu.

MATEUS 22:15

Opo nee Ovafarisai va ya ndele va kundafana nhumbi tave mu yulu meendjovo.

MATEUS 26:59

Ndele ovapristeli ovakulunhu noshiongalele ashishe shovakulunhu ova li tava kongele Jesus oihokolola yoipupulu, va shiive oku mu dipaa,

OILONGA YOVAYAPOSTOLI 6:13

Ndele vo ova eta po eendobwedi doipupulu edi tadi ti: “Omulumenhu ou ita efa okupopyaana nokusheka onhele ei iyapuki nomhango

2 OVAKORINTO 11:12

Ndelenee eshi handi shi ningi, ohandi shi ningi nokomesho, opo ndi kufe onhele kwaava tava kongo onhele yokumonika ve tu fa mwaashi tave shi litangele.

1 TIMOTEUS 5:14

Onghee ame onda hala ovafiyekadi ava ovanyasha va hombolwe vo va dale ounona nova lele omaumbo avo, ndele vaha pe omunandubo omhito yokusheka.

2 TIMOTEUS 1:7

Osheshi Kalunga ine tu pa omhepo youmbada, ndelenee oyeenghono noyohole noyelididimiko.

TITUS 2:8

neendjovo doye nadi kale diwa nodihe noshipo, omunandubo a fifwe ohoni eshi ina mona omhito oku tu popila molwii.

JAKOB 4:17

Hano, ou e shii okulonga ouwa, ndele ye ite shi ningi, oye e netimba.

EHOLOLO 21:8

Ndelenee ovambadanhu naava vehe na eitavelo novalinyateki novadipai novahaeli novakomeni voudiyo novafimaneki voikalunga novanaipupulu aveshe, oshipewa shavo otashi kala mombwili ya xwama omundilo nosulfuri, olo efyo etivali.”