NEHEMIA 6:10 - Ombibeli Iyapuki

¹⁰ Ndele eshi nde uya mongulu yaShemaia yaDelaja yaMehetabel, ye fimbo a li a fitikininwa mo, ye ta ti: “Tu ye pamwe mongulu yaKalunga, meni lotembeli, ndele tu idileni po oivelo yotembeli; osheshi tave uya oku ku dipaa, heeno, tave uya oufiku ve ku dipae!”

NEHEMIA 6:10 ပူးပေါင်းရင်းမြစ်များ

GENESIS 36:39

Ndele konima yefyo laBaal-Hanan yaAkbor, Hadar okwa pangela ponhele yaye. Nedina loshilando ola li Pau. Nedina lomwalikadi waye ola li Mehetabel, omona okakadona kaMatred, omona waMesahab.

1 EEHAMBA 6:5

Ndele okwa tunga ongulu yokomunghulo tai dingilile ekuma longulu, tali dingilile olupale linene nalinya lomeni; i yadi omadimo a londekafana.

2 EEHAMBA 11:3

Ndele oko ka li ka holekwa mongulu yOmwene omido hamano, fimbo Atalia a pangela oshilongo.

2 EEHAMBA 9:8

nepata alishe laAhab tali ka kombwa po, naame ohandi ka mana po sheke muIsrael omulumenhu keshe womepata laAhab.

2 OMAFIMBO 28:24

Ndele Ahas okwa ongela oinima aishe yomongulu yaKalunga, noinima yomongulu yaKalunga e i teyaula po nokwa vika oivelo yongulu yOmwene, nokwe litungila eealtari monhele keshe yomuJerusalem.

2 OMAFIMBO 29:3

Momudo wotete wepangelo laye, mohani yotete ye okwa vikulula oivelo yongulu yOmwene nokwe i wapeka,

2 OMAFIMBO 29:7

Ova idila po yo oivelo yolupale lokomesho ndele va dima po eelamba ndele inava twimina oitwiminifo ndelenee inava yambela Kalunga kaIsrael omaxwikiloyambo motembeli.

ESRA 10:31

ndele movana vaHarim: Elieser, Jissia, Malkia, Shemaia, Simeon,

ESRA 8:16

Onghee hano nda tuma ovakulunhu Elieser, Ariel, Shemaia naElnatan naJarib naElnatan naNatan naSakaria naMesullam novalongi Jojarib naElnatan,

NEHEMIA 6:12

Osheshi onda dimbulukwa, nokutya Kalunga ine mu tuma, ndelenee ye okwa lombwela nge exunganeko olo, shaashi a futwa kuSanballat naTobia.

OMAPSALOME 12:2

Otava popyafana oipupulu namukwao, nomokupopya omilungu davo odi nomufenhu, nomitima davo di li pavali.

OMAPSALOME 37:12

Omuhenakalunga ota dutile omuyuki owii, ndele te mu kweshele omayoo;

OMAYELETUMBULO 11:9

Nokanya kaye omupopi wowii ta nyono po omukwao, ndelenee eshiivo tali xupifa omuyuki.

JEREMIA 36:5

Ndele Jeremia okwa lombwela Baruk ndele ta ti: Ame nghi nomhito, itandi dulu okuya motembeli yOmwene.

HESEKIEL 3:24

Opo nee omhepo ye uya mwaame ndele ya kaleka nge ofika neemhadi dange. Ndele Ye okwa popya naame, ndele ta ti: “Inda mo, liidilila mo meumbo loye.

MALAKIA 1:10

Ngeno mokati keni mu kale umwe ou ta idile oivelo, muha shiive okutema omundilo oshimha koaltari yange! Ame inandi mu hokwa nande, Omwene womatanga ovakwaita ta ti, ndele itandi tambula eyambo tali di momake eni.

MATEUS 7:15

“Ndelenee lungameni ovaxunganeki ovanaipupulu, ava have uya kunye moipa yeedi, ndele meni lavo ovo omambungu haa lyaana.

JOHANNES 3:20

Osheshi keshe ou ta longo owii, ota tondo ouyelele, ndele ite uya pouyelele, oilonga yaye iha hanyenwe.

OILONGA YOVAYAPOSTOLI 21:30

Oshilando ashishe osha hovela okukulukuta, ovanhu ova tondokela ko ndele va kwata Paulus, ndele tave mu kokolola mo motembeli, opo nee oivelo oya idilwa po.