NEHEMIA 5:4 - Ombibeli Iyapuki

⁴ Ndele vamwe vali tava ti: “Fye otwa yandja omapya etu noikokola yetu yomiviinyu eengele tu mone oimaliwa yefendelo lohamba.

NEHEMIA 5:4 ပူးပေါင်းရင်းမြစ်များ

1 EEHAMBA 9:21

vavo ava va fyaala moshilongo, ava Ovaisraeli va nyengwa okudipaa, ovo tuu ovo Salomo okwa fininika okulonga, fiyo efiku eli lonena.

ESRA 4:13

Ohamba nai kale i shi shii, oshilando nge sha tungululwa neehotekuma nge da pwa okutungwa, vo itava ka futa oimaliwa, noilya ile okuyandja efuto longaba, osho ngaha eehamba tadi lumbulwa emona.

ESRA 4:20

Neehamba di neenghono da li muJerusalem do da pangela edu alishe lokouninginino waEufrat, ndele da etelwa oimaliwa, noilya yefendelo nofuto yeengaba.

ESRA 7:24

Ndele ohatu mu shiivifile nokutya kaku na ou ta dulu okufendelifa ovapristeli nOvalevi aveshe novaimbi novanangeli poivelo novayakuli votembeli ile ovapiya vongulu ei yaKalunga: oimaliwa ile oilya ile efuto longaba.

NEHEMIA 5:3

Ndele vakwao tava ti: “Fye twa li tu nokuyandja omapya noikokola yetu yomiviinyu neengulu detu ombabyona, tu dule okulanda oilya mondjala!”

NEHEMIA 9:37

Oshishipo shasho tashi pewa eehamba odo we di tula po di tu pangele omolwomatimba etu, ndele do otadi pangele omalutu etu noimuna yetu pahalo lavo, ndele fye otu li moudjuu munene.”

OMAYELETUMBULO 22:7

Oshipuna tashi pangele eehepele. Naau e noikolo ta ningi omupika waau e mu pa eengele.

JOSUA 16:10

Ndelenee vo inava ta mo Ovakaanan, oonakukalamo muGeser. Osho ngaha hano Ovakaanan va kala mokati kOvaefraim fiyo onena eli. Ndelenee vo ova li ve nokulongela Ovaisraeli.