NEHEMIA 5:1 - Ombibeli Iyapuki

¹ Ndele ovafyoona novakainhu vavo va popyaana pombada ovakwao Ovajuda;

NEHEMIA 5:1 ပူးပေါင်းရင်းမြစ်များ

NEHEMIA 4:23

Ndele ame mwene noovakwetu novanhu vange novalumenhu ovanangeli ava va shikula nge, inatu lidula oikutu yetu. Keshe umwe e kwete eonga meke laye.

JOB 34:28

ndelenee va kuwifa eehepele onghuwo koshipala shaye, ndele Ye a uda onghuwo yovakwanaluhepo.

EXODUS 3:7

NOmwene ta ti: “Ame onda mona okuhepekwa kwoshiwana shange, eshi shi li muEgipiti. Naame onda uda onghuwo yavo omolwovafininiki, heeno, ondi wete oudjuu wavo.

JESAJA 5:7

Osheshi oshikokola shOmwene womatanga ovakwaita osho eumbo laIsrael, novalumenhu vaJuda oshikunino shehafo laye. Okwa li a teelela ouyuki, ndele tala, edipaafano nohonde, nokwa li a teelela omatokolo a yuka, ndele tala, ekuwaano lopombada.

JEREMIA 34:8

Ondjovo yOmwene oya hanga Jeremia, ohamba Sedekia eshi a ninga ehangano novanhu vaye aveshe vomuJerusalem, nokwe va ingidila emangululo,

HESEKIEL 45:9

Omwene Kalunga ta ti ngaha: “Sha wana, nye eehamba daIsrael! Efeni enyeko nefininiko, diinineni etokolo la yuka nouyuki. Efeni okutaataa mo ovanhu vange momapya avo, Omwene Kalunga ta ti.

MALAKIA 2:13

Ndele natango ohava ningi ngaha: Nye otamu tuvike oaltari yOmwene nomahodi nokulila nokufudaana, osho ngaha Ye ita punguluka vali komayambo noita dulu vali oku a tambula nohokwe momake eni.

LUKAS 18:7

Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa?

OILONGA YOVAYAPOSTOLI 7:26

Ndele mefiku lomongula eshi a holoka kuvo fimbo tava patafana tave lidenge, opo a hetekela oku va anuna va kalafane nombili, eshi ta ti: ‘Ovalumenhu nye, nye ovanhu vaxe imwe, oshike tamu ningafana nai?’

JAKOB 5:4

Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita.