NEHEMIA 4:2 - Ombibeli Iyapuki

² nokwa popya moipafi yavakwao noyomatanga aye ovakwaita vomuSamaria ndele ta ti: “Ovajuda vehe neenghono otava ningi shike? Ohatu va efa tuu ngaho? Otava ka yamba tuu? Otava ka xulifa tuu diva oshilonga shavo? Otava dulu tuu okushitulula omamanya omomakulukuma a ninge omwenyo, nande a xwikwe nomundilo?”

NEHEMIA 4:2 ပူးပေါင်းရင်းမြစ်များ

ESRA 4:4

Opo nee ovanhu vomoshilongo va tyololokifa omake ovanhu Ovajuda ndele ve va halukifa vaha tunge.

NEHEMIA 12:27

Nohotekuma yaJerusalem eshi ya li i nokuyapulwa, Ovalevi va kongwa meenhele davo adishe, va etwa kuJerusalem va dane oshivilo sheyapulo nehafo nomaimbilo epandulo, nokwiimba nokushika ounghuma nouxumbafeta neenyalilo.

NEHEMIA 12:43

Ndele mefiku tuu olo va yamba omayambo manene ndele va hafa, osheshi Kalunga e va hafifa unene. Novalikadi yo nounona va hafa, onghee hano ondaka yehafo lokuJerusalem la udika kokule.

NEHEMIA 4:10

Ndelenee Juda ta ti: “Eenghono dovahumbati vomitengi da nyengwa nomakulukuma omahapu unene, onghee itatu dulu okutunga ekuma.”

NEHEMIA 6:15

Nohotekuma ya pwa okutungwa mefiku etimilongo mbali netitano mohani Elul, eshi pa pita omafiku omilongo nhano nambali.

OMAPSALOME 83:4

tava ti: “Ileni tu yeni, tu ke va hanauneni po, vo vaha ifanwe vali oshiwana, opo edina lOvaisraeli liha tumbulwe vali.”

JEREMIA 26:18

Pomafiku aHiskia, ohamba yaJuda, opa holoka Mika Omumoreset, a xunganeka nokwa lombwela oshiwana ashishe shaJuda, ndele ta ti ngaha: Omwene womatanga ovakwaita ota ti ngaha: “Sion otai limwa epya, Jerusalem otashi ningi oshala shoimbodi nomhunda yotembeli otai shituka oshikulundudu shi noixwa.”

JEREMIA 33:24

Ino koneka oshiwana eshi tashi shi popi, tashi ti: “Omapata aa avali, Omwene e a hoolola, okwe a ekelashi?” Ndele tava dini oshiwana shange sha fa kashi fi vali oshiwana moipafi yavo.

DANIEL 9:25

Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu.

HABAKUK 3:2

Omwene, onda uda ondaka yoye ndele nda tila! Omwene, oshilonga shoye shi tula omwenyo pokati komido, ndele shi holola pokati komido. Mehandu dimbulukwa efilonghenda.

SAKARIA 12:8

Mefiku tuu olo Omwene ota ka amena oonakukalamo muJerusalem. Nomupunduki mokati kavo ta ka kala mefiku tuu olo ngaashi David, neumbo laDavid tali ka kala ngaashi omukwaulu, ngaashi omweengeli wOmwene komesho yavo.

SAKARIA 4:10

Osheshi olyelye ta dini efiku lomahovelo manini, omesho enya aheyali Omwene oo haa kevauka edu alishe, eshi taa tale nehafo oholongodi meke laSerubbabel?”

1 OVAKORINTO 1:27

ndelenee ei oilai yomounyuni, oyo ya hoololwa kuKalunga, a fife ohoni ovanongo, naai oingone mounyuni oyo Kalunga e i hoolola, a fife ohoni eshi shi neenghono,