NEHEMIA 3:26 - Ombibeli Iyapuki

²⁶ Novayakuli votembeli va li va kala koshikulundu Ofel fiyo okonhele ya shaama nOshivelo shomeva, kombinga yokoushilo noposhungongulu tai tumbu.

NEHEMIA 3:26 ပူးပေါင်းရင်းမြစ်များ

1 OMAFIMBO 9:2

Ndele oonakukalamo shito, ava va kala momafyuululwamapya nomoilando, ova li: Ovaisraeli, novapristeli nOvalevi naava hava yakula moshilonga shomotembeli.

2 OMAFIMBO 27:3

Ye okwa tunga oshivelo shopombadelela shongulu yOmwene nokwa tunga unene ohotekuma yopuOfel.

2 OMAFIMBO 33:14

Ndele konima yaashi okwa tunga ohotekuma yopondje yoshilando shaDavid, kouninginino waGihon mefilu fiyo okomhito yokuya kOshivelo sheeshi, nokwe i tunga tai dingilile Ofel, ndele te i ningi ile ya ya pombada. Nokwa tula ovakulunhu vomatanga novakwaita moilando aishe yomuJuda i neehotekuma.

NEHEMIA 10:28

Noshixupe shoshiwana, ovapristeli nOvalevi, ovanangeli vopoivelo, ovaimbi, ovayakuli votembeli naaveshe ovo ve likufa moiwana yoilongo nova ame komhango yaKalunga ovalikadi vavo novana vavo ovamati noukadona, keshe umwe, ou e neendunge doku i uda ko,

NEHEMIA 11:21

Novayakuli votembeli va kala koshikulundu shaOfel. Ndele Siha naGispa va li ovapashukili vovayakuli votembeli.

NEHEMIA 12:37

Ndele va enda nokuyuka va koya Oshivelo Shefifiya ndele va londa keendodo doshilando shaDavid konhele apa ohotekuma tai tumbu kombada yongulu yaDavid, fiyo okOshivelo shomeva shokoushilo.

NEHEMIA 3:27

Komesho yavo Ovatekoa va tungulula onhele onhivali, okudja konhele ya shaama noshungo inene ya tumba fiyo okEkuma laOfel.

NEHEMIA 8:1

Ndele ohani onhiheyali eshi ye uya, Ovaisraeli fimbo va kala moilando yavo, oshiwana ashishe sha ongala ngaashi omunhu umwe ponhele ya andjuka komesho yOshivelo shomeva ndele ovanhu va lombwela Esra, omunongo womishangwa, a ete embo lomhango yaMoses, ei Omwene e i pa Ovaisraeli.

NEHEMIA 8:16

Novanhu va ya ndele ve i eta ndele ve li ningila omatwali, keshe umwe konduda yaye nomoluumbo longulu yaKalunga nomonhele ya andjuka yopOshivelo shomeva nomonhele ya andjuka yopOshivelo shaEfraim.

NEHEMIA 8:3

Nokwa lesha mo muyo ponhele ya andjuka komesho yOshivelo shomeva, oketendo leluwa fiyo opokati komutenya moipafi yovalumenhu noyovakainhu ava ve neendunge okushiiva. Nomatwi ovanhu aveshe ve a pakalekela embo lomhango.

JESAJA 32:14

Osheshi ongulu yohamba oya efiwa, nepiyaano loshilando ola mwena filu. Omhunda yaOfel nenangeloshungo loshilando ola ninga omakololo fiyo alushe, ola ninga ehafo leengolo nowandjelo woimuna.