NEHEMIA 3:1 - Ombibeli Iyapuki

¹ Nomupristeli omukulunhu Eljasib okwa fikama pamwe noovakwao, ovapristeli, ndele vo ova tunga Oshivelo sheedi. Vo ove shi yapula, ndele va pangelela po omivelo. Navali fiyo okoshungo Hammea, osho ve shi yapula fiyo okoshungo Hananel.

NEHEMIA 3:1 ပူးပေါင်းရင်းမြစ်များ

NEHEMIA 12:10

Ndele Josua okwa li xe yaJehoiakim. Ndele Jehoiakim okwa li xe yaEljasib, naEljasib okwa li xe yaJehoiada,

NEHEMIA 12:30

Novapristeli nOvalevi ve lifetifa nova yelifa ovanhu noivelo nekuma.

NEHEMIA 12:39

navali twa koya Oshivelo shaEfraim nOshivelo shikulu nOshivelo sheeshi noshungongulu Hananel noshungongulu Hammea fiyo okOshivelo sheedi. Ndele va kanghama, va kala ofika pOshivelo shodolongo.

NEHEMIA 13:28

Nomona umwe omumati womovana vaJehoiada omona womupristeli omukulunhu Eljasib, okwa li oshitenya shaSanballat, Omuhoroni. Onghee hano ame nde mu taataa pwaame.

NEHEMIA 13:4

Ndelenee nale omupristeli Eljasib, ou a tulwa po a pashukile eendjuwo domongulu yaKalunga nokwa li haukwe waTobia,

NEHEMIA 3:20

Komesho yaye Baruk yaSabbai okwa tungulula noudiinini unene onhele onhivali: okudja kokolonela yomekuma fiyo okoshivelo shongulu yomupristeli omukulunhu Eljasib.

NEHEMIA 3:21

Komesho yaye Meremot yaUria yaHakkos okwa tungulula onhele onhivali okudja koshivelo shongulu yomupristeli omukulunhu Eljasib fiyo opexulilo longulu yaEljasib.

NEHEMIA 3:32

Ndele pokati kondjuwo yokombada yokolonela nOshivelo sheedi ovahambwidi voingoldo novalandifi va tungulula.

NEHEMIA 6:1

Ndele Sanballat naTobia naGeshem Omuarabi novatondadi vetu vamwe eshi va kundana, nokutya nda tunga ohotekuma ndele inapa fyaala nande omufya inau vandekwa, nande pefimbo olo inandi tula mo omipito domoivelo natango,

NEHEMIA 7:1

Nohotekuma eshi ya tungwa, ame nda tula mo omivelo. Novanangeli vopoivelo novaimbi nOvalevi va tulwa po.

OMAPSALOME 30:1

Omwene, nda hala ndi ku fimaneke pombada, osheshi Ove wa shila nge movayelani vange, noino va pa omhito, va hafele nge.

OMAPSALOME 48:12

Dingilileni Sion, shi ningileni okalovolovo, nye mu vale eengulu dasho.

OMAYELETUMBULO 3:6

Mu shiiva meendjila doye adishe, opo nee Ye ota ka lalakanifa omalila oye.

OMAYELETUMBULO 3:9

Omwene mu fimaneka neliko loye noshipe shoye shomukeshe to shi likola,

JEREMIA 31:38

“Tala, omafiku otae uya, Omwene osho ta ti, oshilando eshi shOmwene otashi ka tungululwa vali, otashi tungwa okudja kOshungo yaHananel fiyo okOshivelo shokekololo.

DANIEL 9:25

Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu.

SAKARIA 14:10

Oshikandjo ashishe tashi ka kala sha lalakana okudja kuGeba fiyo okuRimmon, kombinga yokoumbuwanhu waJerusalem, ndelenee Jerusalem shoovene tashi ka kala she litumba ponhele yasho naava va tula musho okudja koshivelo shaBenjamin fiyo okonhele yoshivelo shonale fiyo okoshivelo shokolonela nokoshungo yaHananel, fiyo omakolelo omaviinyu ohamba.

JOHANNES 5:2

Ndele muJerusalem, oposhivelo sheedi, omu netale la ifanwa mOshiheberi Betesda, ndele li neenduda nhano dinene.

DEUTERONOMION 20:5

“Nomalenga naa popife ovanhu ndele naa tye: ‘Ou e lidikila eumbo lipe, ndele ine li yapula, ye na shune keumbo, opo aha file molwoodi, nomukwao te li yapula.