NEHEMIA 2:7 - Ombibeli Iyapuki

⁷ ndele nda lombwela ohamba: Ngeenge tashi wapalele ohamba, nandi pewe eenhumwafo kovapangeli vokouninginino waEufrat, vo va itavelele nge okutaulula fiyo handi fiki kuJuda;

NEHEMIA 2:7 ပူးပေါင်းရင်းမြစ်များ

ESRA 6:6

“Hano, Tattenai, ove omupangeli wombinga yokouninginino waEufrat, naSetar-Bosenai novakwanepangelo vakwao vokouninginino waEufrat: nye paife kaleni kokule noshilonga osho.

ESRA 7:21

“Ndele ame ohamba Artasasta, ohandi lombwele ovapashukili aveshe vomalimba omamona vombinga yokouninginino waEufrat, nokutya, ashishe osho omupristeli Esra, omunongo womishangwa domhango yaKalunga komeulu, te mu pula, osho shi nokuwanifwa shili,

ESRA 8:22

Osheshi nda li nda fya ohoni okupula kohamba etanga lovakwaita novalondi veenghambe, ve tu kwafe okulwifa ovatondadi mondjila, shaashi twa lombwela ohamba, twa tya: Eke laKalunga oli li kombada yaaveshe ovo have mu kongo, ndelenee eenghono daye nehandu laye li li kombada yaaveshe tave mu liteeka.

ESRA 8:36

Ndele va yandja onhumwafo omo mwa shangwa oshipango shohamba kovapangeli vohamba nokomalenga ombinga yokouninginino waEufrat, ndele vo ova kwafa ovanhu nongulu yaKalunga.

NEHEMIA 2:9

Ndele nde uya kovapangeli ovo ve li mouninginino waEufrat neenhumwafo dohamba onde di va pa. Ohamba ya tuma pamwe naame ovakulunhu vomatanga ovakwaita novalondi veenghambe.

NEHEMIA 3:7

Ndele polwamba lavo Melatja, Omugibeon, naJadon, Omumeroni, ovalumenhu vaGibeon novaMispa va tungulula fiyo okolukalwapangelo lomupangeli woshilongo shOkouninginino waEufrat.