NEHEMIA 2:3 - Ombibeli Iyapuki

³ ndele handi ti kohamba: “Ohamba nai kale nomwenyo fiyo alushe! Omolwashike oshipala shange shiha nyike oluhodi, eshi oshilando omo ootate va pakwa sha tokekwa noivelo ya xwikwa po nomundilo?”

NEHEMIA 2:3 ပူးပေါင်းရင်းမြစ်များ

1 EEHAMBA 1:31

Ndele Batseba okwe linyongamena oshipala shaye poshi nokwa wila eombe koshipala shohamba ndele ta ti: “Omwene wange, ohamba David, na kale nomwenyo fiyo alushe!”

2 EEHAMBA 25:8

Ndele mohani onhinhano mefiku etiheyali lohani nokutya, momudo omutimulongo nomutimugoi wohamba Nebukadnesar, ohamba yaBabilon, Nebusaradan, ondjai yomatanga ovaengeli, omupiya wohamba yaBabilon, e uya kuJerusalem.

2 OMAFIMBO 21:20

Omido daJehoram da li omilongo nhatu nambali, eshi a ninga ohamba, nokwa pangela omido hetatu muJerusalem. Nokwa fya, ndele kape na ou e mu pongola. Nokwa pakwa moshilando shaDavid, ndelenee hameembila deehamba.

2 OMAFIMBO 28:27

Ndele Ahas okwa ka nangala pooxe nokwa pakwa moshilando muJerusalem, osheshi inave mu paka meembila deehamba daIsrael. Nomona waye Hiskia okwa ninga ohamba ponhele yaye.

2 OMAFIMBO 32:33

Ndele Hiskia okwa ka nangala pooxe, nokwa pakwa moshikulundu kusho taku londwa eshi taku iwa keembila doludalo laDavid. Ndele Juda ashishe noonakukala muJerusalem ve mu fimaneka pokufya kwaye. Nomona waye Manasse okwa ninga ohamba ponhele yaye.

2 OMAFIMBO 36:19

Ndele va xwika po ongulu yaKalunga ndele va ngumauna po ohotekuma yaJerusalem neengulu adishe doipuna domusho ve di xwika po nomundilo, noinima aishe iwa i nondilo ya hanaunwa po.

NEHEMIA 1:3

Ndele va lombwela nge kutya, oonakuxupilwa venya va xupa po kokukwatwa, va fyaala moshilongo, ove li moluhepo linene nomefifohoni. Ohotekuma yaJerusalem oya ngumaunwa po noivelo yasho ya xwikwa po nomundilo.

NEHEMIA 2:13

Ndele nda pita mo mOshivelo shefilu oufiku, nda londa nda yuka kombinga yOfifiya yeyoka nokOshivelo shoushosho. Ndele nda konakona eehotekuma daJerusalem, odo da ngumaunwa po, noivelo yasho ya xwikwa nomundilo.

ESTER 8:6

Osheshi ohandi dulu ngahelipi okutala omupya ou tau ka hanga oshiwana shange? Ndele handi dulu ngahelipi okutala ehanauno loludi letu?”

OMAPSALOME 102:14

Osheshi ovapiya voye ove hole pomamanya aSion, nomakulukuma asho tave a nyikile oufiye.

OMAPSALOME 102:15

Opo nee opo ovapaani otava ka tila edina lOmwene, neehamba dokombada yedu efimano loye.

OMAPSALOME 137:6

Elaka lange ngeno nali kanyatele kondakona, ngeenge ihandi ku dimbulukwa, ngeenge itandi ku tetekelifa, Jerusalem, komesho yoihafifi yange aishe.

OMAPSALOME 38:7

Eenho dange oda fulila tadi pi, nomolutu lange kamu na nande onhumba itai vele.

JEREMIA 52:12

Ndele mohani onhinhano mefiku etimulongo, omudo omutimulongo nomutimugoi wepangelo laNebukadnesar, ohamba yaBabilon, Nebusaradan, elenga lakula lovanangeli vohamba yaBabilon, ou a kala ofika koshipala shohamba, okwe uya kuJerusalem,

OMAIMBILOKEMO 2:9

Oivelo yasho ya ningina medu, omakumba asho Ye e a tatula po nokwa teyaula po. Ohamba yasho novakulunhu vasho ve li mokati kovapaani. Kape nomalombwelo vali, novaxunganeki vasho ihava tambula vali omamoniko kOmwene.

DANIEL 2:4

Opo Ovakaldea va popya nohamba mOshiaramea: “Ohamba nai kale alushe i nomwenyo! Hepaululila ovapiya voye ondjodi, ndele fye ohatu ke ku hololela efatululo layo.”

DANIEL 3:9

Ovo va lombwela ohamba Nebukadnesar, tava ti: “Tatekulu ohamba nai kale alushe nomwenyo!

DANIEL 5:10

Ina yohamba eshi a uda eenghundafana dohamba nomalenga ayo, oye okwe uya kolupale. Ina yohamba okwa popya ndele ta ti: “Ohamba nai kale nomwenyo alushe! Ino halukifwa ashike komadiladilo oye, ino shitukifa oshipala shoye.

DANIEL 6:21

Opo nee Daniel okwa nyamukula ohamba ta ti: “Tatekulu ohamba, kala alushe u nomwenyo!

DANIEL 6:6

Ndele omalenga makula nomalenga ova endelela va ya kohamba, tava ti: Ohamba Darius, kala alushe u nomwenyo!

LEVITIKUS 26:31

Noilando yeni Ame ohandi ke i ninga eenduba doikulukuma, neetembeli deni handi ke di tokeka ndele itandi hokwa edimba loitwiminifo yeni.