NEHEMIA 2:20 - Ombibeli Iyapuki

²⁰ Opo nee nde va nyamukula ndele handi ti kuvo: “Kalunga komeulu, Ye ote ke shi tu wanifila, nafye, ovapiya vaye, ohatu ka fikama tu tunge. Ndele nye kamu na nande oshitukulwa ile oshipewa ile oshidimbulukifo muJerusalem.”

NEHEMIA 2:20 ပူးပေါင်းရင်းမြစ်များ

2 OMAFIMBO 26:5

Nokwa konga Kalunga fimbo Sakaria okwa li e nomwenyo, ou a li e nounongo wokushiiva omamoniko aKalunga. Ndele pomafiku oo ye eshi a konga Omwene, Kalunga e mu pa elao.

ESRA 4:3

Ndelenee Serubbabel naJosua novakulunhu vamwe vomapata aIsrael ve va nyamukula: “Ahowe, itashi dulika mu tungile Kalunga ketu ongulu pamwe nafye, ndelenee fye atuke hatu ke i tungila Omwene Kalunga kaIsrael ngaashi ohamba Kores, ohamba yaPersia, ye tu lombwela.”

NEHEMIA 1:4

Ndele eshi nda uda eendjovo edi, ame nda kala omutumba nokulila ndele nda nyika oluhodi omafiku mahapu. Ndele nde lidilika nonda indila koshipala shaKalunga komeulu,

NEHEMIA 2:4

Opo nee ohamba tai pula nge: “Ove wa hala shike hano?” Ndele ame nda indila Kalunga komeulu

ESTER 4:11

“Ovapiya aveshe vohamba novanhu vomoitukulwalongo yohamba ve shi shii, nokutya keshe omulumenhu ile omukainhu ta i kohamba kehale lomeni ngeenge ina ifanwa, ta tokolelwa pamhango imwe: e nokudipawa, okuninga ohamba tai mu ulike nepangelodibo layo loshingoldo, a kale e nomwenyo. Ndele pomafiku omilongo nhatu inandi ifanwa ndi ye mo kohamba.”

OMAPSALOME 102:17

ote liameke komaindilo ovaefiwa, ndele ita dini omakweno avo.

OMAPSALOME 122:6

Haleleni Jerusalem ombili! “Ava ve ku hole, nava kale nepunapalo.

OMAPSALOME 20:5

Opo nee twa hala okukalukila efindano, nomedina laKalunga ketu omo hatu dungadungifa omapandela etu; Omwene na shakenife omaindilo oye aeshe.

OMAPSALOME 35:27

Ava, va halela nge eyukifilo, vo nava nyakukifwe va hafe, alushe vo va tye: “Omwene, Oye omunene, ou ta halele omupiya waye ouwa.”

OMAPSALOME 51:18

Ningila Sion ouwa monghenda yoye. Ove tungulula eehote daJerusalem.

EXODUS 28:29

Osho ngaha hano Aron e nokuhumbata omadina ovana vaIsrael kombada yomutima mokapapa koponhulo komanyamukulo, ye ngeenge ta i metwali liyapuki, opo e va dimbulukifife koshipala shOmwene alushe.

OMUUDIFI 7:18

Oshe ku wapalela ngeenge ho kala nokwaama kushimwe, ndelenee eke loye liha efe shinya, osheshi ou ha tila Kalunga, ota xupifwa mwaaishe oyo.

JESAJA 56:5

Ame ohandi ke va dikila meumbo lange nomoluumbo lange edidiliko ledimbulukifo, nedina li dule ovana ovamati noukadona ohandi li va luku edina laalushe itali dimwa mo.

LEVITIKUS 2:2

ndele e noku i twaalela ovapristeli, ovana ovamati vaAron. Nomupristeli e noku kufa mo muyo shi fike peke limwe moufila wa nakwa, pamwe nomaadi noitwiminifo aishe i li mo, ndele ye e noku i xwikila po koaltari edimbulukifoyambo nokutya, omundiloyambo wedimba liwa kOmwene.

LEVITIKUS 24:7

Ndele kombada yoikuki monhele keshe u nokutula oitwiminifo, oyo edimbulukifoyambo lomingome ngaashi omundiloyambo wOmwene.

SAKARIA 6:14

Ndele omutumbo u nokukala motembeli yOmwene u ninge edimbulukifo laHeldai nolaTobia nolaJedaja nolaJosia yaSefania.”

NUMERI 10:10

Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”

OILONGA YOVAYAPOSTOLI 10:31

ndele ta ti: ‘Kornelius, eilikano loye ola udika noikwafa yoye oya dimbulukiwa koshipala shaKalunga.

OILONGA YOVAYAPOSTOLI 10:4

Ndele ye okwe mu tala, a tila, ta ti: “Omwene, oshike?” Omweengeli ta ti kuye: “Omailikano oye noikwafa yoye oya fika koshipala shaKalunga noya dimbulukiwa.

OILONGA YOVAYAPOSTOLI 8:21

Ove ku kwete nande oshitukulwa ile oshipewa mondjovo ei, osheshi omutima woye inau yuka koshipala shaKalunga.