NEHEMIA 2:17 - Ombibeli Iyapuki

¹⁷ Opo nee handi ti kuvo: “Nye mu wete oluhepo eli tu li mulo, nokutya Jerusalem sha tokekwa noivelo yasho ya xwikwa nomundilo. Ileni tu tungululeni ohotekuma yaJerusalem, tuha kale vali oshitevo shokushekwa.”

NEHEMIA 2:17 ပူးပေါင်းရင်းမြစ်များ

ESRA 9:9

Osheshi fye ovapika. Ndelenee moupika wetu Kalunga ketu ine tu ekelashi, ndele okwe tu fila onghenda koshipala sheehamba daPersia, onghee hano ode tu pa okafudo tu tungulule ongulu yaKalunga ketu nomakulukuma ayo tu a longolole, nokwe tu pa ohotekuma muJuda nomuJerusalem.

NEHEMIA 1:3

Ndele va lombwela nge kutya, oonakuxupilwa venya va xupa po kokukwatwa, va fyaala moshilongo, ove li moluhepo linene nomefifohoni. Ohotekuma yaJerusalem oya ngumaunwa po noivelo yasho ya xwikwa po nomundilo.

NEHEMIA 2:13

Ndele nda pita mo mOshivelo shefilu oufiku, nda londa nda yuka kombinga yOfifiya yeyoka nokOshivelo shoushosho. Ndele nda konakona eehotekuma daJerusalem, odo da ngumaunwa po, noivelo yasho ya xwikwa nomundilo.

NEHEMIA 2:16

Ndelenee ovakomesho inava shiiva apa nda ile naashi nda ninga. Osheshi natango tuu inandi shiivifila Ovajuda novapristeli novanamadina novakomesho novakwao ovo va li ve nokukala moshilonga.

NEHEMIA 3:15

Ndele Sallum yaKolhose, omukulunhu woshitukulwa Mispa, okwa tungulula Oshivelo shofifiya. Ye okwe shi tungulula nokwe shi tungila onduda nokwa pangela omivelo dasho noiti ya shindjakana noiidilifo yasho. Nosho yo ekuma tali di kEtale laShela lekungulukilo lomeva poshikunino shohamba, nofiyo okeendodo tadi di koshilando shaDavid.

OMAPSALOME 102:15

Opo nee opo ovapaani otava ka tila edina lOmwene, neehamba dokombada yedu efimano loye.

OMAPSALOME 44:13

Owe tu etelifa odino kovashiinda vetu, nokwaava twa shaama navo, otwa ninga oiyolifa novadinwa kuvo.

OMAPSALOME 44:14

Owa efa, fye tu ningwe etewo leengano dii komaludi ovapaani, nomokati koiwana ohatu pukapukilwa komitwe.

OMAPSALOME 79:12

Ovashiinda vetu, esheko lavo, eli ve ku sheka nalo Omwene, li va shunifila meenhulo davo luheyali.

OMAPSALOME 79:4

Otwa ninga oiyolifa yovashiinda vetu, otwa ninga ovashekwa, hatu tukaelwa koilongo, ei ya shaama nafye.

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

OMAIMBILOKEMO 2:2

Omwene okwa hanauna nokuhenonghenda eenhele adishe dokukala kwaJakob, moupyuhandu waye Ye okwa hanauna po eehotengulu domona okakadona kaJuda nokwe di ngumaunina poshi; okwa xutula ouhamba neehamba dao.

OMAIMBILOKEMO 3:51

Eisho lange tali etele nge ouyehame molwoukadona aveshe vomoshilando shange.

HESEKIEL 5:14

Ndele Ame ohandi ke ku ninga omakulukuma nesheko mokati koiwana yovapaani ye ku dingilila, moipafi yaaveshe tava ende po.

MIKA 7:11

Efiku tali uya lokutungulula omakuma oye. Mefiku tuu olo eengaba tadi ka ehena kokule.

1 SAMUEL 11:2

Ndelenee Nahas Omuammoni okwe va lombwela: “Ame ohandi ka ninga ehangano nanye ashike ngeenge handi mu twiyula eisho lokolulyo leni amushe nosho handi fifa Israel ashishe ohoni.”