NEHEMIA 13:6 - Ombibeli Iyapuki

⁶ Ndelenee oinima oyo aishe fimbo tai ningwa, kanda li muJerusalem. Osheshi omudo omutimilongo nhatu nomutivali waArtasasta, ohamba yaBabilon, ame nde uya kohamba. Ndele eshi pa pita omafiku ame nda pula kohamba ndi itavelwe

NEHEMIA 13:6 ပူးပေါင်းရင်းမြစ်များ

ESRA 6:22

Vo ova dana yo nehafo omafiku aheyali oshivilo shomingome dihe nonhafi. Osheshi Omwene e va hafifa nokwa pungululila omutima wohamba yaAsiria kuvo, ya pameka omake avo moshilonga shongulu yaKalunga, Kalunga kaIsrael.

NEHEMIA 2:1

Ndele mohani yaNisan momudo omutimilongo mbali wohamba Artasasta, omaviinyu eshi a li koshipala shayo, ame nda kufa omaviinyu ndele handi pindile ohamba. Ndele inandi kala shito nda nyika oluhodi koshipala shayo.

NEHEMIA 5:14

Okudja kefiku linya nda tulwa po ndi ninge omupangeli wavo moshilongo shaJuda, okomudo omutimilongo mbali fiyo okomudo omutimilongo nhatu nomutivali wohamba Artasasta, oule womido omulongo nambali, ame novamwatate inatu lya oikulya yovapangeli.

EXODUS 32:1

Ovanhu eshi va mona nokutya Moses okwa kala ko, ina dja ko komhunda, ovanhu va ongala puAron ndele tava ti kuye: “Fikama u tu ningile oikalunga ei tai tu kwatele komesho, osheshi inatu shiiva oshike sha hanga Moses, omulumenhu tuu ou e tu pitifa mo medu laEgipiti.”

MATEUS 13:25

Ndelenee fimbo ovanhu va kofa, omutondi waye okwe uya, ndele ta kunu mo eu mokati koilya, ndele ta i.