NEHEMIA 13:22 - Ombibeli Iyapuki

²² Ame nda lombwela vali Ovalevi, nokutya ve nokuliyelifa nokuuya va nangele oivelo opo efiku lEshabata li yapulwe. Dimbulukwe nge molwoshinima eshi yo, Kalunga kange, u file nge onghenda omolwouwanghenda woye uhapu.

NEHEMIA 13:22 ပူးပေါင်းရင်းမြစ်များ

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

2 EEHAMBA 23:4

Opo nee ohamba tai lombwele omupristeli omukulunhu Hilkia novapristeli ve mu shikula novanangeli vopoivelo, va kufe mo motembeli oinima aishe ya ningilwa Baal naAsera neengudu adishe dokeulu. Ndele ve i xwika po pondje yaJerusalem kepumbu laKidron ndele omute wayo ve u twala kuBetel.

2 OMAFIMBO 29:24

Novapristeli ve i dipaa, nohonde yayo ngaashi etimbayambo ve i tila koaltari va kwatakanife Ovaisraeli aveshe. Osheshi ohamba ye va lombwela va yambele Israel ashishe exwikiloyambo netimbayambo.

2 OMAFIMBO 29:27

Ndele Hiskia okwa lombwela va yambe exwikiloyambo koaltari. Ndele eshi va hovela okuyamba exwikiloyambo, eimbilo lokuhambelela Omwene, nokushika omanghuma kwa hovela pawiliko loishikomwa yaDavid, ohamba yaIsrael.

2 OMAFIMBO 29:30

Opo nee ohamba Hiskia novakulunhu va lombwela Ovalevi va hambelele Omwene neendjovo daDavid nodaAsaf, omumonikokule. Ndele va hovela nehafo eimbilo lehambelelo ndele ve linyongamena ndele tava ilikana.

NEHEMIA 12:10

Ndele Josua okwa li xe yaJehoiakim. Ndele Jehoiakim okwa li xe yaEljasib, naEljasib okwa li xe yaJehoiada,

NEHEMIA 12:30

Novapristeli nOvalevi ve lifetifa nova yelifa ovanhu noivelo nekuma.

NEHEMIA 13:14

Omolwaashi, dimbulukwe nge, Kalunga kange, ndele ino dima po oilonga yange iwa, oyo nde i ningila ongulu yaKalunga kange noilonga yayo.

NEHEMIA 13:31

nosho yo omafiku oo ve na okutyava oikuni nooshipe yo. Kalunga kange, dimbulukwe nge ndi mone ouwa!

NEHEMIA 5:19

Kalunga kange, dimbulukwa ashishe osho nda ningila ovanhu ava, shi etele nge ouwa.

OMAPSALOME 130:7

Akutu Israel, teelela Omwene! Osheshi pOmwene ope nouwanghenda, nekulilo puye oli yadi po ndoo;

OMAPSALOME 5:7

Ndelenee ame molwefilonghenda loye onda pewa omhito yokuuya meumbo loye, ndi liwitike poshi, nda taalela kotembeli yoye iyapuki moku ku tila.

OMAPSALOME 51:1

Akutu, Kalunga, file nge onghenda molwouwanghenda woye. Molwefilonghenda loye linene dima po omatimba ange.

JESAJA 38:3

ndele ta ti: “Akutu Omwene, dimbulukwa nhumbi nda kala nokweenda koshipala shoye moudiinini nomutima wange aushe, ndele nda longa, eshi sha wapalela omesho oye.” Ndele Hiskia okwa kwena unene.

JESAJA 49:23

Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni.

JESAJA 55:7

Omudinikalunga na efe ondjila yaye nomukolokoshi omadiladilo aye, ye a alukile Omwene, opo nee Ye ote mu file onghenda; ye na ehene kuKalunga ketu, osheshi puye ope nedimepo lomatimba mahapu.

2 OVAKORINTO 1:12

Osheshi elitango letu oleli: Ehepaululo leliudo letu oleli kutya, fye otwa enda mounyuni naunene mokati keni, mouyapuki nomoukoshoki waKalunga, hamounongo wopambelela, ndele mefilonghenda laKalunga.

DEUTERONOMION 5:12

“ ‘Dimbulukwa efiku lEshabata, u li yapule, Omwene Kalunga koye ngaashi e ku lombwela.