NEHEMIA 13:15 - Ombibeli Iyapuki

¹⁵ Pomafiku enya nda mona muJuda ovanhu tava kolo moshikolelo ndele tava eta mo mefiku lEshabata omakutu oilya a londekwa keendongi, nosho yo omaviinyu, eeviinyu neenghwiyu neefulaxa di lili nadi lili tava eta mefiku lEshabata muJerusalem. Ame onde va londwela, vo eshi va landifa oinima yeendja mefiku olo.

NEHEMIA 13:15 ပူးပေါင်းရင်းမြစ်များ

2 OMAFIMBO 24:19

Ndele Ye okwe va tumina ovaxunganeki ve va alule kOmwene. Ndele ove va londwela, ndelenee inave va uda.

NEHEMIA 10:31

Novanhu voilongo eshi tava eta oipindi noilya i lili nai lili ve i landife mefiku lEshabata, fye itatu lande sha kuvo mEshabata ile mefiku liyapuki. Ndele momudo omutiheyali hatu efa omapya a tulumukwe, neengele itatu di pula.

NEHEMIA 10:32

Ndele twa udafana oshinakuwanifwa eshi, nokutya tu yandje momudo keshe okatitatu kosekeli molweyakulo lomotembeli yaKalunga.

NEHEMIA 13:16

NOvatirus yo ava va kala mo, va eta mo eeshi noipindi i lili nai lili ndele ve i landifa kOvajuda muJerusalem shoovene mEshabata.

NEHEMIA 13:21

Ndelenee ame nde va londwela ndele handi ti kuvo: “Omolwashike tamu nangala pondje yohotekuma? Ngeenge tamu shi ningi vali efiku limwe, handi mu kwata.” Okefimbo linya inave uya vali efiku lEshabata.

NEHEMIA 9:29

Ndele Ove we va londwela va aluke komhango yoye, ndelenee ve linenepeka ndele inava pwilikina oipango yoye, ndele va nyona keenghedimhango doye, nande: omunhu ou te di diinine, ota ka kala e nomwenyo molwado. Ndelenee vo ove ku pilamena, ve ku pa ombuda ndele va kukutika eefingo davo ndele inava pwilikina.

JOB 39:12

To i lineekele tuu nokutya, tai aluka ndele tai ongele oilya yoye moshipale shoye?

OMAPSALOME 50:7

“Oshiwana shange, pwilikineni nge, ndi mu popife, Israel, ove ndi ku londwele neaneko: Aame Kalunga, Kalunga koye.

EXODUS 31:12

Omwene okwa popya vali naMoses ndele ta ti:

EXODUS 31:16

Novana vaIsrael ve nokudiinina Eshabata va dane Eshabata momaludalo avo ngaashi ehangano laalushe.

EXODUS 34:21

“Omafiku ahamano u nokulonga oilonga yoye, ndelenee mefiku etiheyali u nokutulumukwa. Mefimbo lokulima nomefimbo leteyo u nokutulumukwa.

EXODUS 35:2

Omafiku ahamano oilonga nai longwe, ndelenee mefiku etiheyali olo liyapuki efiku lEshabata la wana kunye okufimaneka Omwene. Keshe umwe ta longo sha mulo, e nokudipawa.

OMAYELETUMBULO 28:4

Ovaliteeki vomhango tava tange ovahenakalunga, ndelenee ovawanifi vomhango otave va hanyene.

JESAJA 58:13

Ngeno oto kelele eemhadi doye okunyona efiku lEshabata, uha longe oilonga yoye mefiku lange liyapuki, ndele ngeenge to ifana Eshabata olo efiku lehafo, ndele efiku liyapuki lOmwene ove to li fimaneke, ndele to li fimaneke, uha longe oyiikililwalonga, ndele ito kondjele oinima yoye ndele ito popi eendjovo dongaho.

JEREMIA 17:24

Nongeenge onye tamu pwilikine nge, Omwene ta ti, noitamu eta mo nande omutengi moivelo yoshilando mefiku lEshabata, ndele tamu yapula efiku lEshabata, muha longe nande oshilonga mefiku olo,

JEREMIA 17:27

Ndelenee ngeenge itamu pwilikine nge, nye itamu yapula efiku lEshabata noku li diinina notamu humbata omitengi mefiku lEshabata nokweenda moivelo yaJerusalem mefiku lEshabata, opo ohandi ka shakala omundilo moivelo yasho, tau lafa po eengulu doipuna domuJerusalem ndele itau dimi po.

JEREMIA 42:19

Omwene te mu lombwele, nye oixupe yomuJuda, ndele ta ti: ‘Inamu ya ko kuEgipiti!’ Kaleni mu shi shii shili, Ame onde mu londwela nena eli.

HESEKIEL 20:13

Ndelenee eumbo laIsrael la li li nondubo naame mombuwa. Vo inava shikula eenghedimhango dange, ndele va ekelashi omalombwelo ange, oo e nokudiininwa komunhu, ye opo a kale e nomwenyo. Nomashabata ange ove a xutulifa unene. Opo nee nda tile nokutya, ohandi ka tilila kombada yavo oupyuhandu wange mombuwa, ndi va mane po.

AMOS 8:5

eshi tamu ti: “Ohani ipe onaini tai fi ko, opo fye tu shiive okulandifa oilya, nEshabata, opo tu shiive okumatula okaanda, fye tu ninipike oshiyelekifo sheefa, ndele tu nenepeke oshiyelekifo shasekeli nokufufya noshiyelekifo shoipupulu,

MIKA 6:3

Onde ku ninga shike, ove oshiwana shange, nonde ku lolokifa nashike? Nyamukule nge hano!

OILONGA YOVAYAPOSTOLI 2:40

Ndele neendjovo dihapu di lili ye a hepaulula nokwe va kumaida ta ti: “Liyandjeni nye mu xupifwe mo moludalo eli la pilalala.”

OILONGA YOVAYAPOSTOLI 20:21

fimbo nda hepaululila Ovajuda nOvagreka, ve nokulidilulula nokwaalukila kuKalunga nokwiitavela Omwene wetu Jesus Kristus.

OVAGALATI 5:3

Ndele keshe tuu omunhu te lipitififa etanda, ohandi mu lombwele, oye oku nokuwanifa omhango aishe.

OVAEFESO 4:17

Hano eshi ohandi shi mu lombwele noku mu kumaida mOmwene: Inamu kala vali nokweenda ngaashi ovapaani hava ende moulai womadiladilo avo,

DEUTERONOMION 8:19

“Ndelenee ove ngeenge ho dimbwa Omwene Kalunga koye ndele to tondokele koikalunga imwe ndele to i longele ndele to i linyongamene, opo nee ame ohandi mu lombwele shili nena eli nokutya, nye otamu ka kombwa po sheke.

1 OVATESSALONIKI 4:6

ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila.