NEHEMIA 13:1 - Ombibeli Iyapuki

¹ Efiku tuu olo va leshela momatwi ovanhu momhango yaMoses. Ndele omo mwa shangwa nokutya, nande Omuammoni ile Omumoabi umwe ita itavelelwa okuuya fiyo alushe meongalo laKalunga.

NEHEMIA 13:1 ပူးပေါင်းရင်းမြစ်များ

2 EEHAMBA 23:2

Nohamba ya ya mongulu yOmwene novalumenhu aveshe vaJuda noonakukalamo aveshe vomuJerusalem va ya pamwe nayo, nosho yo ovapristeli novaxunganeki novanhu aveshe, ounona novakulunhu. Ndele yo oya lesha eendjovo adishe domembo lehangano, lo la monika mongulu yOmwene, yo oye li leshela momatwi avo.

NEHEMIA 13:23

Pomafiku enya nda mona Ovajuda va hombola ovakainhu Ovaasdod nOvaammoni nOvamoab.

NEHEMIA 2:10

Ndelenee Sanballat, Omuhoroni, naTobia, omupiya Omuammoni, eshi va uda, nokutya umwe e uya okukongela ovana vaIsrael ouwa, ova ninga omwenyo mwii.

NEHEMIA 2:19

Ndelenee Sanballat, Omuhoroni, naTobia, omupiya Omuammoni, naGesem, Omuarabi, eshi ve shi uda, vo ove tu dina noku tu sheka ndele tava ti: “Oshike osho tamu ningi? Mwa hala hamba okutwa ondubo nohamba?”

NEHEMIA 4:3

Ndele Omuammoni Tobia okwa kala ofika puye ndele ta ti: “Nava tunge, ndelenee okavandje ngeenge taka nhuka kulo, ko otaka ngumauna po ekuma lavo lomamanya!”

NEHEMIA 8:2

Ndele omupristeli Esra okwa eta omhango komesho yoshiongalele shovalumenhu noshovakainhu naaveshe ve neendunge oku i uda. Eshi osha ningwa mefiku lotete mohani onhiheyali.

NEHEMIA 9:3

Ndele va kala ofika peenhele davo ndele va leshelwa membo lomhango yOmwene Kalunga kavo mokafimbo okatine komefiku, ndele va hepaulula omatimba nokwiilikana Omwene Kalunga kavo mokafimbo okatine komefiku.

JESAJA 34:16

Konakoneni momushangwa wOmwene, nye mu leshe, kape na nande oshinamwenyo shimwe tashi wile pedu, ndele kape na nande shimwe tashi yepa shikwao, osheshi okanya kange oke shi tonga. Ye okwe shi lombwela nOmhepo yaye Oye i ongela mumwe.

JEREMIA 48:1

Moab tashi popiwa: Omwene womatanga ovakwaita, Kalunga kaIsrael, ota ti ngaha: Woo Nebo, osheshi osha nyonaunwa po. Kiriataim sha tewa po, sha fifwa ohoni. Epopilongulu la lengaifwa ndele la haluka.

AMOS 1:13

Omwene osho ta ti: “Omolwomatauluko atatu, naane ovana vaAmmoni, Ame ihandi ka alula ehandukilo. Osheshi ova tanda ovakainhu ovafimba vomuGilead, opo va tandavelife oshilongo shavo.

NUMERI 22:5

Onghee hano ye okwa tuma ovatumwa kuBileam yaBeor muPetor sha kala puEufrat moshilongo shOmavite, oku mu ifana ndee ta ti: “Tala, ovanhu va dja muEgipiti. Tala ova pwipwikila oshilongo ashishe, ndele ve li meenhanda da yukilila nge.

LUKAS 10:26

Ndele Ye okwa tya kuye: “MOmhango omwa shangwa ngahelipi? Oho lesha mo ngahelipi?”

OILONGA YOVAYAPOSTOLI 13:15

Ndele omhango novaxunganeki eshi ya leshwa, oovene voshinagoga ova tuma kuvo ndele tava ti: “Ovalumenhu nye ovamwatate, ngeenge mu nondjovo yekumaido yokulombwela ovanhu, popyeni hano.”

OILONGA YOVAYAPOSTOLI 15:21

Osheshi Moses e novaudifi vaye noshito nale omoilando aishe, ngaashi omishangwa daye tadi leshwa meeshinagoga omashabata aeshe.”