NEHEMIA 12:27 - Ombibeli Iyapuki

²⁷ Nohotekuma yaJerusalem eshi ya li i nokuyapulwa, Ovalevi va kongwa meenhele davo adishe, va etwa kuJerusalem va dane oshivilo sheyapulo nehafo nomaimbilo epandulo, nokwiimba nokushika ounghuma nouxumbafeta neenyalilo.

NEHEMIA 12:27 ပူးပေါင်းရင်းမြစ်များ

2 SAMUEL 6:12

Ndele ohamba David eshi ya shiivifilwa nokutya, Omwene okwa nangeka noupuna eumbo laObed-Edom naashishe shaye omolwoshikefa shaKalunga, David okwa ya nokwa kufa oshikefa shaKalunga meumbo laObed-Edom nokwe shi eta nehafo koshilando shaDavid.

1 EEHAMBA 8:63

Oya yamba omayambo eengobe omayovi omilongo mbali naavali needi omayovi efele nomayovi omilongo mbali. Nohamba novanhu aveshe va yapula ongulu yaKalunga.

1 OMAFIMBO 13:8

Ndele David nOvaisraeli aveshe va dana neenghono koshipala shOmwene nomaimbilo nouxumbafeta neenyalilo noungoma noosimbale nomanghuma.

1 OMAFIMBO 15:12

ndele ta ti kuvo: “Nye ovakulunhu vomapata Ovalevi: Liyapuleni, nye vene novakweni, mu ete oshikefa shOmwene, Kalunga kaIsrael, konhele oyo nde i shi longekidila.

1 OMAFIMBO 15:16

Ndele David okwa lombwela ovakulunhu Ovalevi nokutya, vo va tule po oovakwao ovaimbi nouxumba nouxumbafeta neenyalilo noosimbale, va shike nokuyelula ondaka yomaimbilo ehafo.

1 OMAFIMBO 15:28

NOvaisraeli aveshe va ya va ka tale ko oshikefa shehangano lOmwene nehafo nokushika omanghuma nomanghuma oshikushu nousimbale, fimbo vakwao hava shiki eenyalilo nouxumbafeta.

1 OMAFIMBO 15:4

Ndele David okwa ongela oludalo laAron nOvalevi:

1 OMAFIMBO 16:42

Ndele Heman naJedutun va diinina omanghuma noushandje vovashiki nouxumba vamwe molwomalwiimbo okufimaneka Kalunga. Ndelenee ovana ovamati vaJedutun va li poshivelo.

1 OMAFIMBO 16:5

Asaf, omukulunhu, naSakaria e mu shikula metumbalo; Jeiel naSemiramot naJehiel naMatitia naEliab naBenaja naObed-Edom naJeiel ve neenyalilo nouxumbafeta, fimbo Asaf e nenghuma

1 OMAFIMBO 23:5

Novanangeli voivelo omayovi ane, novaimbi omayovi ane, va hambelele Omwene nouxumba, ava ndele va ningila ehambelelo.

1 OMAFIMBO 26:31

Jeria okwa li omukulunhu wOvahebroni (momudo omutimilongo nhee wepangelo laDavid mwa ningwa epanapano mOvahebroni pamaludalo avo, pamapata avo, ndele muvo mwa monika ovaladi muJaeser shomuGilead).

2 OMAFIMBO 29:25

Nokwa tula po Ovalevi mongulu yOmwene ve noosimbale nouxumbafeta neenyalilo pashipango shaDavid noshaGad, omumonikokule wohamba noshomuxunganeki Natan, osheshi Omwene e shi lombwela ovaxunganeki.

2 OMAFIMBO 29:30

Opo nee ohamba Hiskia novakulunhu va lombwela Ovalevi va hambelele Omwene neendjovo daDavid nodaAsaf, omumonikokule. Ndele va hovela nehafo eimbilo lehambelelo ndele ve linyongamena ndele tava ilikana.

2 OMAFIMBO 5:13

novashiki vomanghuma oivela novaimbi aveshe kumwe va hovela nondaka imwe okuhambelela nokupandula Omwene, ndele opo vo eshi va yelula ondaka pamwe nomanghuma oivela nomanghuma eembinga noishikomwa, va imba: “Hambeleleni Omwene, osheshi Ye omuwa, osheshi ouwanghenda waye tau kala fiyo alushe!” Ongulu, nokutya ongulu yOmwene ya yadifwa oshilemo.

2 OMAFIMBO 7:6

fimbo ovapristeli va kala ofika meenhele davo nOvalevi yo noishikomwa yOmwene oyo ya ningwa kohamba David okuhambelela Omwene nomaimbilohambelelo aDavid nokutya ouwanghenda waye tau kalelele fiyo alushe. Ovapristeli va kala ofika ve va taalela ndele va shika omanghuma oshikushu, nOvaisraeli aveshe va kala ofika.

ESRA 6:16

Novana vaIsrael, ovapristeli nOvalevi novakwao ava va dja moukwatwa, va dana nehafo oshivilo sheyapulo longulu yaKalunga.

NEHEMIA 11:20

NOvaisraeli vamwe, ovapristeli nOvalevi ova li moilando aishe yomuJuda, keshe umwe moshitukulwafyuululwa shaye.

NEHEMIA 12:43

Ndele mefiku tuu olo va yamba omayambo manene ndele va hafa, osheshi Kalunga e va hafifa unene. Novalikadi yo nounona va hafa, onghee hano ondaka yehafo lokuJerusalem la udika kokule.

NEHEMIA 8:17

Noshiongalele ashishe shaava va aluka va dja moukwatwa, ova ninga omatwali ndele va kala momatwali. Osheshi okudja komafiku aJosua yaNun fiyo okefiku olo, ovana vaIsrael inave shi ninga. Ndele pa li ehafo linene.

OMAPSALOME 149:3

Nava fimaneke unene pombada edina laye nokutanha, vo ve mu shikile eengoma nouxumbafeta.

OMAPSALOME 30:1

Omwene, nda hala ndi ku fimaneke pombada, osheshi Ove wa shila nge movayelani vange, noino va pa omhito, va hafele nge.

DEUTERONOMION 16:11

ndele ove u nokunyakukwa koshipala shOmwene Kalunga koye, ove nomona woye omumati nomona woye okakadona nomupika woye omulumenhu nomukainhu nOmulevi ou e li peenhu doye nomunailongo nofiye nomufiyekadi, ava ve li pwoove, monhele tuu oyo Omwene Kalunga koye ta ka hoolola, opo edina laye li kale ko.

DEUTERONOMION 20:5

“Nomalenga naa popife ovanhu ndele naa tye: ‘Ou e lidikila eumbo lipe, ndele ine li yapula, ye na shune keumbo, opo aha file molwoodi, nomukwao te li yapula.

OVAFILIPPI 4:4

Hafeni alushe mOmwene! Navali handi ti: Hafeni!

EHOLOLO 5:8

Ndele eshi ya kufa omushangwatonywa, oinamwenyo ei ine, novakulunhu venya omilongo mbali navane ova wila koshipala shOdjona; keshe umwe oku kwete onyalilo nomatiti oshingoldo e yadi omwifi womatwiminino, oo omailikano ovayapuki.