NEHEMIA 10:39 - Ombibeli Iyapuki

³⁹ Osheshi Ovaisraeli nOvalevi ve nokweeta eeshaliyambo doilya nodomaviinyu nodomaadi keendjuwo omo oinima yotembeli i li mo, novapristeli ava ve li moshilonga novanangeli vopoivelo novaimbi ve li mo. Osheshi inatu hala okweefa ongulu yaKalunga ketu.

NEHEMIA 10:39 ပူးပေါင်းရင်းမြစ်များ

2 EEHAMBA 7:10

Ndele ve uya ndele tava ingida kovanangeli voposhivelo shoshilando ndele ve va hepaululila tava ti: “Fye twa ile konhanda yOvaarami, ndelenee taleni, kakwa li nande umwe, nande ondaka yomunhu. Ndelenee eenghambe da mangwa, neendongi da mangwa, omatwali a li ko ngaashi a kala.”

2 OMAFIMBO 31:11

Opo nee Hiskia e va lombwela va tungile mongulu yOmwene omalimba. Ndele va tunga.

2 OMAFIMBO 31:12

Neeshaliyambo noitimulongo neeshali diyapuki ve i twala mo nokudiinina. Nomukulunhu wayo ou a tulwa po Konanja, Omulevi, nomumwaina Simei ponho yaye.

NEHEMIA 12:47

NOvaisraeli aveshe vopomafiku aSerubbabel nopomafiku aNehemia va yandja oitimulongo kovaimbi nokovanangeli vopoivelo paemhumbwe defiku keshe. Ndele va yandja eeshali diyapuki kOvalevi, nOvalevi okOvaaron.

OMAPSALOME 122:9

molwongulu yOmwene, Kalunga ketu, onda hala, ndi ku kongele ouwa.

NUMERI 18:26

“Lombwela Ovalevi u tye kuvo: Nye eshi tamu tambula oitimulongo kovana vaIsrael ngaashi Ame nde va lombwelele, ve i mu pe oshitukulwa sheni shefyuululo hano muyo nye mu nokuyandja kOmwene oshitimulongo shomoitimulongo.

NUMERI 18:30

“Ove u noku va lombwela: Nye eshi tamu yandje eshi shiwelela, sho otashi talwa, osho oshaliyambo yOvalevi, ngaashi oilya yomoshipale nomaviinyu omoshikolelo.

DEUTERONOMION 12:17

Peenhu doye ino lila po oitimulongo yoilya yoye noyomaviinyu oye noyomaadi oye noiveli yeengobe doye noyoimuna yoye nomaudanekoyambo aeshe we a udaneka neeshaliyambo domake oye.

OVAHEBERI 10:25

Tuha efe eongalo letu vene, ngaashi vamwe ve li po hava ningi, ndelenee tu kumaidafaneni, unene eshi tamu mono efiku olo tali ehene popepi.