NEHEMIA 10:37 - Ombibeli Iyapuki

³⁷ twa udafana nokutya hatu ka eta moufila woshipe nomeeshali deyambo nomoiimati yomiti di lili nadi lili, momaviinyu nomomaadi kovapristeli momalimba ongulu yaKalunga ketu noitimulongo yomomapya etu kOvalevi. Ovalevi voovene hava ongele oitimulongo momikunda detu adishe.

NEHEMIA 10:37 ပူးပေါင်းရင်းမြစ်များ

2 OMAFIMBO 31:6

Novana vaIsrael ovo va kala moilando yaJuda naavo yo va eta oitimulongo yomeengobe noyomeedi noitimulongo yeeshali diyapuki odo da yapulilwa Omwene Kalunga kavo ndele ve di tula meenduba.

NEHEMIA 13:10

Ndele nda dimbulukwa vali, nokutya inava yandja kOvalevi oitukulwa yavo, onghee hano Ovalevi novaimbi ava ve nokudiinina oshilonga, keshe umwe okwa faduka po a ya kepya laye.

NEHEMIA 13:12

NOvajuda aveshe va eta oitimulongo yoilya noyomaviinyu noyomaadi komalimba.

NEHEMIA 13:5

okwa longekidila Tobia ondjuwo inene, omo va tuvikila nale eendjayambo, oitwiminifo noilongifo noitimulongo yoilya noyomaviinyu noyomaadi, oitukulwa yopamhango yOvalevi noyovaimbi noyovanangeli vopoivelo neeshaliyambo dovapristeli.

NEHEMIA 13:9

ndele nda lombwela ve nokuyapula eendjuwo; ndele nda shunifa mo oinima yomongulu yaKalunga eendjayambo noitwiminifo.

EXODUS 13:12

opo nee ove u nokuyandja kOmwene, keshe eshi tashi yeulula oshidalelo shaina. Noshiveli keshe yo shoshindume shomoimuna yoye, oshOmwene.

EXODUS 13:2

“Yapulile nge oiveli aishe. Keshe umwe womOvaisraeli ta yeulula oshidalelo shaina, ngeenge omunhu ile oshimuna, sho oshange.”

LEVITIKUS 23:17

Oko tamu kala nye mu nokweeta omingome mbali dokudungadungifwayambo, da telekwa noufila wa nakwa u fike peekilograma mbali, da telekwa di nonhafi ngaashi oshipe kOmwene.

MALAKIA 3:10

Eteni oitimulongo aishe ya wana kelimba lange, opo mongulu yange mu kale eendja. Ndele yelekeni nge nye mu tale, Omwene womatanga ovakwaita ta ti, ngeenge ihandi ke mu yeululila omakende keulu ndele handi ke mu lokifila enangekonoupuna la wanenena.

MALAKIA 3:8

Omunhu ota nyeka tuu Kalunga? Osheshi nye otamu nyeka nge ndele tamu ti: Mushike twe ku nyeka? Moitimulongo nomoiyandjiwa.

NUMERI 18:15

“Keshe eshi tashi yeulula oshidalelo shaina, ombelela aishe tai etelwa Omwene, ovanhu ile oinamwenyo, otai ningi yoye. Ndelenee oiveli yovanhu ove u noku i kulila shili. Nosho yo u nokukulila oiveli yoinamwenyo inai koshoka.

NUMERI 18:18

Nombelela yayo tai ningi yoye, ngaashi ombadja yedungadungifwayambo noshilama shokolulyo nai ninge yoye.

NUMERI 18:21

Ndele tala, ovana vaLevi Ame ohandi va pe oitimulongo aishe muIsrael i kale oshitukulwafyuululwa omolweyakulwalonga vo tave li longo, eyakulwalonga letwali leongalo.

OVAROMA 11:16

Ndele ngeenge omungome wotete omuyapuki nosho yo olumbololo lomungome alishe oliyapuki, nomudi ngeenge omuyapuki, noitai yo oiyapuki.

DEUTERONOMION 14:22

“Keshe omudo u nokuyandja shili oshitimulongo shoimeno aishe we i kuna, ya mena mepya,

DEUTERONOMION 18:4

Oshipe shoilya yoye noshomaviinyu oye noshomaadi oye nolududi leedi doye mokukulula kwotete ove u noku mu pa.

DEUTERONOMION 26:2

opo nee ove u nokukufa moiimati aishe yotete yomomapya oye to i toola moshilongo eshi Omwene Kalunga koye te ke shi ku pa, ndele u noku i tula moshimbale, ndele ove u nokuya konhele oyo tai ka hoololwa kOmwene Kalunga koye, opo edina laye li kale mo,