NEHEMIA 10:31 - Ombibeli Iyapuki

³¹ Novanhu voilongo eshi tava eta oipindi noilya i lili nai lili ve i landife mefiku lEshabata, fye itatu lande sha kuvo mEshabata ile mefiku liyapuki. Ndele momudo omutiheyali hatu efa omapya a tulumukwe, neengele itatu di pula.

NEHEMIA 10:31 ပူးပေါင်းရင်းမြစ်များ

2 OMAFIMBO 36:21

Opo ondjovo yOmwene e i lombwela Jeremia, i wanifwe nokutya: “Fiyo oshilongo sha mona eshakenifo molwomashabata asho. Osha tulumukwa omafiku aeshe etokeko, opo omido omilongo heyali di wanifwe.”

NEHEMIA 13:23

Pomafiku enya nda mona Ovajuda va hombola ovakainhu Ovaasdod nOvaammoni nOvamoab.

NEHEMIA 13:27

Ndele paife tu nokuuda molweni, nokutya mwa ninga owii aushe ou munene, eshi mwe liteeka Kalunga mokuhombola ovakainhu ovanailongo.”

EXODUS 12:16

Nomefiku lotete omu nokwoongala oshiongalele shiyapuki, nosho mefiku etiheyali omu nokwoongala oshiongalele sheni shiyapuki. Momafiku enya inamu longa nande oshilonga. Ashike osho omunhu keshe te shi pumbwa okulya, nashi longekidwe.

EXODUS 20:10

ndelenee efiku etiheyali olo Eshabata lOmwene Kalunga koye, opo nee inamu longa sha, oove mwene ile omona woye omumati ile omona woye okakadona ile omupiya woye omulumenhu ile omupiya woye omukainhu ile oshinamwenyo shoye ile omweenda e li peenhu doye.

EXODUS 34:16

novana voye oukadona novamati tava ka kala nokuhombolofana novana vavo oukadona tava ka longela oikalunga yavo moluhaelo novana voye ovamati tave va hongaula okulongela oikalunga yavo moluhaelo.

JESAJA 58:6

Ndi shii elidiliko olo nde li hokwa oleli, kutya mu mangulule eemhango doukolokoshi nokuditula omiya deendjoko nokweefa oonakuhepekwa nokuteya po keshe ondjoko?

LEVITIKUS 16:29

“Ndele oyo nai ninge kunye onghedimhango yaalushe nokutya: mohani onhiheyali mefiku etimulongo lohani, mu nokunyika oluhodi, ihamu longo oilonga yeni, ngee omudalelwamo moshilongo ile omunailongo ha kala mokati keni.

LEVITIKUS 23:21

Mefiku tuu olo mu nokushiva oshiongalele sheni shiyapuki. Inamu longa sha. Oyo onghedimhango yaalushe komaludalo eni meenhele deni adishe.

LEVITIKUS 23:3

Napa longwe omafiku ahamano, ndelenee efiku etiheyali olo efiku letulumuko, efiku loshiongalele shiyapuki. Inamu longa sha, osheshi lo Eshabata lOmwene meenhele deni adishe.

MATEUS 6:12

tu kufila po omatimba etu, ngaashi nafye yo hatu kufile po ovanamatimba nafye;

OVAKOLOSSI 2:16

Inamu itavela mu tokolwe hano nande okomunhu omolwokulya nokunwa, ile omolwoshivilo ile omolwohani ipe ile omolwEshabata,

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.