NEHEMIA 10:29 - Ombibeli Iyapuki

²⁹ va ama kuvakwao ovalumenhu ovanamadina mokati kavo ndele va ana nokwaanenena nokutya, oshinakuwanifwalonga shavo osho okudiinina omhango yaKalunga ya pelwe Moses, omupiya waKalunga, nokudiinina nokuwanifa oipango aishe yOmwene, Kalunga ketu nomalombwelo aye neenghedimhango daye.

NEHEMIA 10:29 ပူးပေါင်းရင်းမြစ်များ

2 EEHAMBA 10:31

Ndelenee Jehu ina diinina nokweenda nomutima aushe momhango yOmwene Kalunga kaIsrael. Ye ina yapuka mo momatimba aJerobeam ou a hongaula Israel okunyona.

2 EEHAMBA 23:3

Nohamba ya kala ofika pongudi ndele tai ningi ehangano nOmwene koshipala shOmwene, nokutya vo ve nokudiinina nomutima aushe nomwenyo aushe oipango yaye neendobwedi daye neenghedimhango daye, opo va diinine eendjovo odo da shangelwa membo olo. Novanhu aveshe ve uya mehangano olo.

1 OMAFIMBO 9:2

Ndele oonakukalamo shito, ava va kala momafyuululwamapya nomoilando, ova li: Ovaisraeli, novapristeli nOvalevi naava hava yakula moshilonga shomotembeli.

2 OMAFIMBO 34:31

Nohamba oya ya tai kala ofika ponhele yayo ndele ya ninga ehangano koshipala shOmwene nokutya, yo tai shikula Omwene ndele tai diinine oipango yaye neendobwedi daye neenghedimhango daye nomutima aushe wayo nomwenyo aushe wayo, i wanife eendjovo dehangano, odo da shangwa membo olo.

2 OMAFIMBO 6:16

Wanifa yo, Omwene Kalunga kaIsrael, omaudaneko makwao aa wa udanekela tate David, nokutya: ‘Itapu ka pumbulukwa ohamba moludalo loye, oyo tai pangele Ovaisraeli, ngeenge tava diinine ondjila yange nokweenda momhango yange ngaashi ove wa enda koshipala shange.’

NEHEMIA 13:25

Onghee hano nde va twifa eemhata ndele nde va tula omutima ndele vamwe vomuvo nde va denga, ndele nde va shila keexwiki ndele nde va anifa puKalunga: “Inamu yandja ovana veni oukadona kovana vavo ovamati, ndele inamu kufa movana vavo oukadona va hombolwe kovana veni ovamati ile kunye vene.

NEHEMIA 7:46

Ovayakuli votembeli: ovana vaSiha, ovana vaHasufa, ovana vaTabbaot;

NEHEMIA 8:2

Ndele omupristeli Esra okwa eta omhango komesho yoshiongalele shovalumenhu noshovakainhu naaveshe ve neendunge oku i uda. Eshi osha ningwa mefiku lotete mohani onhiheyali.

NEHEMIA 8:3

Nokwa lesha mo muyo ponhele ya andjuka komesho yOshivelo shomeva, oketendo leluwa fiyo opokati komutenya moipafi yovalumenhu noyovakainhu ava ve neendunge okushiiva. Nomatwi ovanhu aveshe ve a pakalekela embo lomhango.

NEHEMIA 9:2

Noludalo laIsrael le likufa mo movanailongo aveshe li likalele, ndele va kala ofika tava hepaulula omatimba avo noulunde wooxe.

NEHEMIA 9:38

Ndelenee molwoinima aishe ei ohatu ningi ehangano la pama ndele hatu li pameke mokushanga omadina etu. Momushangwa wa hakwa ovakulunhu vetu nOvalevi vetu novapristeli vetu va shanga.

OMAPSALOME 105:45

opo vo va anyene moipango yaye, nova shakenife eenghedi daye. Halleluya!

OMAPSALOME 119:106

Onda ana, ndele ohandi limangele mo, nokutya momayukifo oye mayuki ohandi anyene mo.

OMAPSALOME 8:1

Omwene, Omwene wetu, edina loye la tumbalekwa shi fike nee peni kombada yedu alishe, Ove ou oshingepangelo shoye we shi tula kombada yomaulu.

OMAPSALOME 8:9

Omwene, omupangeli wetu, edina loye la tumbalekwa shi fike peni kombada yedu alishe!

JESAJA 14:1

Osheshi Omwene ota ka fila Jakob onghenda, nota hoololulula Israel ndele te va nangeke medu lavo; ovanailongo otave litula puvo ndele tava ngudumana meumbo laJakob.

JEREMIA 26:4

Ndele va lombwela: ‘Omwene ota ti ngaha: Ngeenge itamu pwilikine nge nokweenda pamhango yange ei nde i mu pa,

JEREMIA 34:15

Ndelenee paife nye omwe lidilulula nomwa longa eshi sha wapala momesho ange, eshi mwa mangulula keshe umwe omupika waye, ndele mwa ninga ehangano koshipala shange motembeli ya lukilwa edina lange.

HESEKIEL 36:27

Ndele meni leni handi pake mo Omhepo yange nohandi mu wapaleke mu ende paenghedimhango dange notamu diinine omalombwelo ange noku a wanifa.

LEVITIKUS 20:26

Ndele nye mu nokukala ovayapuki, osheshi Aame Omwene Omuyapuki; ndele Ame onde mu tongola mo moiwana, mu kale vange mwene.

MALAKIA 4:4

Dimbulukweni omhango yaMoses, omupiya wange, ei Ame nde i mu lombwela kuHoreb, i ninge eenghedimhango noipango kuIsrael ashishe.

NUMERI 5:21

opo nee omupristeli e nokwaanifa omukainhu neano lefingo, nomupristeli e nokulombwela omukainhu: Omwene ne ku ninge efingo netukano mokati koshiwana sheni, Omwene eshi ta fipatelifa oiya yoye ndee ta dindike edimo loye;

JOHANNES 1:17

Osheshi omhango ya yandjwa kuMoses; efilonghenda noshili olo la etwa kuJesus Kristus.

JOHANNES 15:14

Onye ookaume kange, ngeenge tamu ningi eshi handi shi mu lombwele.

JOHANNES 7:19

Moses haye e mu pa omhango hamba, ndele nande umwe mokati keni ite i wanifa. Oshike mwa hala okudipaa nge?”

OILONGA YOVAYAPOSTOLI 11:23

Ye eshi a fika ko, ndele ta mono onghenda yaKalunga, okwa hafa ndele te va kumaida aveshe va kale mOmwene noku mu diinina momitima davo.

OILONGA YOVAYAPOSTOLI 17:34

Ndele ovalumenhu vamwe va ama kuye, ndele va ninga ovaitaveli. Mokati kaava mwa li Dionisius, Omuareopagi nomukainhu umwe, edina laye Damaris noovakwao pamwe navo.

OILONGA YOVAYAPOSTOLI 23:21

Ndele ove ino va itavela, osheshi oku na ovalumenhu mokati kavo, ve dule omilongo ine, tave mu nangele, ndele vo ova ana eano, itava li sha noitava nu sha fimbo inave mu dipaa, ndele paife ove lilongekida ndele tava teelele eitavelelo loye.”

OVAROMA 12:9

Ohole inai kala noihelele, tileni owii, dameni ouwa.

DEUTERONOMION 33:4

Moses okwe tu lombwela omhango, yo oshifyuululo sheongalo laJakob.

DEUTERONOMION 5:1

Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili.

DEUTERONOMION 5:32

“Kala hano u noshisho nye mu ninge ngaashi Omwene Kalunga keni e mu lombwela. Inamu yapukila kolulyo ile kolumosho.