NEHEMIA 1:7 - Ombibeli Iyapuki

⁷ Fye twa nyona unene kwoove, ndele inatu diinina oipango neenghedimhango nomalombwelo, aa wa lombwela omupiya woye Moses.

NEHEMIA 1:7 ပူးပေါင်းရင်းမြစ်များ

1 EEHAMBA 2:3

diinina omhango yOmwene Kalunga koye mokweenda neendjila daye nomokuwanifa eenghedimhango daye noipango yaye nomalombwelo aye nomahepaululo aye, ngaashi a shangelwa momhango yaMoses, opo u kale nelao mwaashishe to longo nokeshe apa to ende po.

2 OMAFIMBO 25:4

Ndelenee ina dipaa ovana vovadipai, ngaashi pa shangwa momhango yaMoses, omo Omwene ta ti: “Ooxe itava ka fila ovana vavo, novana itava ka fila ooxe. Ndelenee keshe umwe ota file etimba laye mwene.”

2 OMAFIMBO 27:2

Nokwa ninga osho sha yuka momesho Omwene ngaashi xe Ussia a ninga. Ashike ina ya mo motembeli yOmwene. Ndelenee ovanhu va enda natango nokunyona.

ESRA 7:6

Esra oye tuu ou, a fikama a dja muBabilon. Ye okwa li omunongo womishangwa, omukoneki womhango yaMoses, oyo ya yandjwa kOmwene, Kalunga kaIsrael. Nohamba ye mu pa ashishe ye e shi hala, shaashi eke lOmwene, Kalunga kaye, la li kombada yaye.

OMAPSALOME 106:6

Fye nootate, atushe otwa nyona, twe livilikita ndele twa longa oidinifikalunga.

OMAPSALOME 89:31

ndele tava nyono eemhangela dange, ndele itava diinine oipango yange,

OMAPSALOME 89:32

opo nee eliteeko lavo, Ame ohandi li va alulile noshokoto noku va dengela owii wavo;

JESAJA 1:4

Woo, oshiwana shovalunde, ovanhu vomatimba mahapu, noludalo laava ihava udu ko, ounona ovanyoni. Ova efa Omwene, va dina Omuyapuki waIsrael ndele ve mu pilamena.

DANIEL 9:11

Ndelenee Ovaisraeli aveshe ova tauluka omhango yoye, ndele ova yapuka mo, osheshi inava pwilikina ondaka yoye. Onghee hano nefingo neano le tu tililwa eli la shangelwa momhango yaMoses, omupiya waKalunga, osheshi ofye twa nyona kuye.

DANIEL 9:13

Ngaashi mwa shangwa momhango yaMoses, osho yo omupya aushe ou we uya kombada yetu. Ndele fye inatu indila onghenda kOmwene, Kalunga ketu, opo fye tu lidilulule mowii wetu notu tale nawa oshili yaye.

HOSEA 9:9

Ova duka mokunyona ngaashi pomafiku aGibea. Oye ta ka dimbulukwa oulunde wavo, ta ka handukila omatimba avo.

LEVITIKUS 27:34

Oyo hano oipango Omwene e i pa Moses komhunda yaSinai e i lombwele ovana vaIsrael.

SEFANIA 3:7

Ame nda tile: “Ngeno ove ho tila nge nokutambula epukululo, ngeno onhele yokukala kwoye itai ka hanaunwa po. Ashishe eshi nde shi ku nunina, itashi ka ningwa.” Nande ngaha vo ova kala nokunyona neenghono moilonga yavo aishe.

MALAKIA 4:4

Dimbulukweni omhango yaMoses, omupiya wange, ei Ame nde i mu lombwela kuHoreb, i ninge eenghedimhango noipango kuIsrael ashishe.

DEUTERONOMION 4:1

“Israel, pwilikina hano paife eenghedimhango nomalombwelo aa ame handi mu longo mu a wanife, opo mu kale nomwenyo nokuya medu olo Omwene Kalunga kooxo te ke mu pa, mu li nangale.

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

DEUTERONOMION 5:1

Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili.

DEUTERONOMION 6:1

“Ei oyo hano omhango neenghedimhango nomalombwelo Omwene Kalunga keni a lombwela nge ndi i mu longe, opo mu shiive oku i wanifa medu olo tamu i mo, mu li nangale,

EHOLOLO 19:2

Osheshi omatokolo aye oo oshili nokwa yuka, osheshi Ye okwa tokola ombwada inene, ei ya nyonaunifa edu koluhaelo layo, okwe i handukilila ohonde yovapiya vayo noku i pula meke layo.”