NEHEMIA 1:3 - Ombibeli Iyapuki

³ Ndele va lombwela nge kutya, oonakuxupilwa venya va xupa po kokukwatwa, va fyaala moshilongo, ove li moluhepo linene nomefifohoni. Ohotekuma yaJerusalem oya ngumaunwa po noivelo yasho ya xwikwa po nomundilo.

NEHEMIA 1:3 ပူးပေါင်းရင်းမြစ်များ

1 EEHAMBA 9:7

opo nee Ame ohandi ka halakanifa Ovaisraeli medu lavo, nde li va pa, nongulu oyo Ame nde i yapulila edina lange, Ame ohandi ke i ekelashi koshipala shange, opo Israel tashi ka ninga oshitevo neimbilo lesheko mokati koiwana aishe.

2 EEHAMBA 25:10

Nomatanga aeshe ovakwaita Ovakaldea ovo va li pomukulunhu wovanangeli, ova ngumauna po ohotekuma yaJerusalem keembinga adishe.

2 OMAFIMBO 36:19

Ndele va xwika po ongulu yaKalunga ndele va ngumauna po ohotekuma yaJerusalem neengulu adishe doipuna domusho ve di xwika po nomundilo, noinima aishe iwa i nondilo ya hanaunwa po.

ESRA 2:1

Ndele oonakukalamo vomoshipangelwa shaJuda, ovo va dja mo moukwatwa weenghwate, odo Nebukadnesar, ohamba yaBabilon, ya twala kuBabilon, ndele va shuna kuJerusalem nokuJuda, keshe umwe momukunda wavo,

ESRA 5:8

“Ohamba tai shiivifilwa nokutya, fye twa ile koshilongo shaJuda kongulu yaKalunga omufimanekwa. Ndele yo oya tungwa nomamanya manene nomiti tadi tulwa komakuma, noshilonga osho tashi longwa nawa ndele tashi ehene komesho momake avo.

NEHEMIA 11:3

Novakulunhu voshitukulwalongo, ava va kala muJerusalem ovava: momikunda domuJuda keshe umwe a kala mepya laye lomoshilando shavo: Ovaisraeli ovapristeli nOvalevi novayakuli votembeli novana vovapiya vaSalomo.

NEHEMIA 2:13

Ndele nda pita mo mOshivelo shefilu oufiku, nda londa nda yuka kombinga yOfifiya yeyoka nokOshivelo shoushosho. Ndele nda konakona eehotekuma daJerusalem, odo da ngumaunwa po, noivelo yasho ya xwikwa nomundilo.

NEHEMIA 2:17

Opo nee handi ti kuvo: “Nye mu wete oluhepo eli tu li mulo, nokutya Jerusalem sha tokekwa noivelo yasho ya xwikwa nomundilo. Ileni tu tungululeni ohotekuma yaJerusalem, tuha kale vali oshitevo shokushekwa.”

NEHEMIA 2:3

ndele handi ti kohamba: “Ohamba nai kale nomwenyo fiyo alushe! Omolwashike oshipala shange shiha nyike oluhodi, eshi oshilando omo ootate va pakwa sha tokekwa noivelo ya xwikwa po nomundilo?”

NEHEMIA 7:6

Ava hano oonakukalamo moshitukulwalongo eshi, vo va dja moukwatwa weenghwate, odo Nebukadnesar, ohamba yaBabilon, ye di twala, ndele da aluka kuJerusalem nomuJuda, keshe imwe moshilando shayo.

ESTER 1:1

Pomafiku aAhasveros, nokutya Ahasveros ou a pangela okudja kuIndia fiyo okuEtiopia, oitukulwalongo efele nomilongo mbali naiheyali,

OMAPSALOME 79:4

Otwa ninga oiyolifa yovashiinda vetu, otwa ninga ovashekwa, hatu tukaelwa koilongo, ei ya shaama nafye.

OMAYELETUMBULO 25:28

Omulumenhu ehe shii kulipangela, e li ngaashi oshilando sha teywa po shihe nohotekuma.

JESAJA 43:28

Osho nee onda xutula ovakulunhu ovayapuki, ndele nda yandja Jakob mehanauno naIsrael mesheko.

JESAJA 5:5

Onda hala ndi mu hololele, eshi handi ningile oshikokola shange shomiviinyu; ongubu yasho ohandi i umbulula, shi lifwe po, nekuma lasho ohandi li ngumauna po, shi lyataulwe po.

JEREMIA 24:9

Ndele Ame ohandi ke va ninga noshitilifa nomupya koilongo aishe kombada yedu nokudinwa nokupopiwa nokuyeelwa nokufingwa meenhele adishe omo handi ke va tela mo.

JEREMIA 29:18

Ndele Ame ohandi ke va shikulifa eongamukonda nondjala noudu wolutapo, nohandi ke va ninga etilifohaluko momauhamba aeshe kombada yedu, notava ningi efingo noixuna nesheko noiyolifa mokati koiwana aishe oko handi va tumine ko,

JEREMIA 39:8

Ndele Ovakaldea ova xwika po nomundilo ouhamba nomaumbo ovanhu ndele va ngumauna po eehotekuma daJerusalem.

JEREMIA 42:18

“Osheshi Omwene womatanga ovakwaita, Kalunga kaIsrael ota ti ngaha: ‘Ngaashi ehandu lange noupyuhandu wange wa tililwa kombada yoonakukalamo muJerusalem, osho yo oupyuhandu wange otau ka tililwa kombada yeni, ngeenge tamu i kuEgipiti. Ndele nye otamu ka ninga efingo noshitondifa nondjovo yefingano nelengaifo, ndele itamu ka mona vali onhele ei.’

JEREMIA 5:10

Londeni kohotekuma yasho nye mu shi hanaune po, ndelenee inamu shi teyaula po sheke. Teteni po omashila omiviinyu, osheshi kae fi Omwene.

JEREMIA 52:14

Neehotekuma adishe odo da dingilila Jerusalem, oda ngumununwa po kongudu yOvakaldea aveshe ei ya li nelenga lovanangeli.

OMAIMBILOKEMO 1:7

Pomafiku oupongo washo nomowike washo Jerusalem otashi dimbulukwa oupuna washo aushe, ou sha li shi kwete okudja kefimbo lonalenale. Ovanhu vasho eshi ve liyandja momake ovatondi vavo, ove shi tala tave shi yolo molwomupya washo.

OMAIMBILOKEMO 2:9

Oivelo yasho ya ningina medu, omakumba asho Ye e a tatula po nokwa teyaula po. Ohamba yasho novakulunhu vasho ve li mokati kovapaani. Kape nomalombwelo vali, novaxunganeki vasho ihava tambula vali omamoniko kOmwene.

OMAIMBILOKEMO 3:61

Omwene, omashekondjovo avo Ove we a uda, omadiladilo avo aeshe oo e nondubo naame.

OMAIMBILOKEMO 5:1

Akutu Omwene, dimbulukwa eshi twa ningwa; tala, Ove u mone okudinwa kwetu.

LEVITIKUS 26:31

Noilando yeni Ame ohandi ke i ninga eenduba doikulukuma, neetembeli deni handi ke di tokeka ndele itandi hokwa edimba loitwiminifo yeni.

LEVITIKUS 26:33

Ndele Ame ohandi ke mu halakanifila mokati koiwana noku mu taataa neongamukonda. Noshilongo sheni tashi ka ninga omuulu noilando yeni tai ka ninga eenduba doikulukuma.