NEHEMIA 1:2 - Ombibeli Iyapuki

² Hanani, umwe womovakwetu ye novalumenhu vamwe va dja kuJuda ve uya kwaame. Ndele nde va pula Ovajuda, ovaxupifwa va xupa po kokukwatwa ve li ngahelipi, naJerusalem oshi li ngahelipi.

NEHEMIA 1:2 ပူးပေါင်းရင်းမြစ်များ

GENESIS 14:10

Ndelenee olufilu laSiddim ola li li yadi omalambo eka ledu. Eehamba daSodom naGomorra, eshi da ya onhapo, oda wila muo, noshixupe osha ya onhapo keemhunda.

2 EEHAMBA 24:14

Ndele yo oya twala oonakukalamo aveshe vomuJerusalem novakulunhu aveshe, noipuna aishe, eenghwate omayovi omulongo novahambwidi aveshe novapangeli voipatifo. Inapa fyaala nande umwe ponho yomapongo omoshilongo.

2 EEHAMBA 25:12

Ndelenee ovakwanaluhepo vomoshilongo, omukulunhu wovanangeli a efa, va fyaale po, va ninga ovalongi voikokola yomiviinyu novalongi vomapya.

ESRA 9:14

Tu tauluke vali ngeno oipango yoye ndele tu ninge haukwe noiwana oyo tai longo oixuna? Ehandu loye itali ka kala ngeno kombada yetu fiyo twa kombwa po, ndele itapa fyaala nande oshixupe ile ovamangululwa?

NEHEMIA 7:2

Ndele omumwatate Hanani, naHanania, omukulunhu wohotengulu, nde va lenga ovapangeli vaJerusalem, osheshi ye okwa li omulumenhu e shii kulineekelwa ndele ha tila Kalunga, e dule vahapu,

JEREMIA 44:14

Opo paha kale nande umwe ou ta i onhapo ile te lixupifa mokati koshixupe shaJuda, mwaava ve uya va ka kale medu laEgipiti ovanailongo. Ndele itava shuna kedu laJuda oko eemwenyo davo tadi djuulukwa, va kale ko, osheshi ovainhapo vamwe aveke tava ka shuna ko.”

HESEKIEL 6:9

Opo ava vomuvo tava xupu po, otava dimbulukwa nge moiwana omo va twalwa eenghwate, shaashi handi tatula omitima davo dokahalu, edi de liteeka nge, nomesho avo a shikula oikalunga yavo mokuhola oluhaelo. Ndele vo tave ke linyonyodola voovene molwoilonga ii ve i ninga omolwoixuna yavo aishe.

HESEKIEL 7:16

Ngeenge ku na vamwe vavo tava xupu, ndele tava i onhapo, otava ka kala keemhunda ngaashi eenghuti domomalufilu, ava aveshe tava keme, keshe umwe ta kemene oulunde waye.