MIKA 7:9 - Ombibeli Iyapuki

⁹ Nda hala okuhumbata ehandu lOmwene, osheshi ame nda nyona kuye; fiyo ta yukifa oshinima shange, ndele ta ningile nge ouyuki. Ye ota ka twala nge mouyelele nohandi mono omhito okutala ouyuki waye.

MIKA 7:9 ပူးပေါင်းရင်းမြစ်များ

2 SAMUEL 24:17

David eshi a mona nhumbi omweengeli ta dipaa ovanhu, ye okwa lombwela Omwene ndele ta ti: “Tala, ame nda nyona, naame nda ninga osho inashi yuka, ndelenee eedi odo oda ninga shike? Eke loye nali denge nge nepata lange yo.”

JOB 23:10

Osheshi okweenda kwange kwa shiivika kuye. Ngeno Ye ta konakona nge ngeno handi monika nda yela ngaashi oshingoldo.

JOB 35:14

“Unene ngeenge to ti kutya ove ku mu wete ko. Etokolo leendjovo oli li koshipala shaye, hano mu teelela.

OMAPSALOME 119:154

Yukifile nge, u kulile nge. Pe nge omwenyo mupe paudaneko loye.

OMAPSALOME 37:6

ndele ta ka holola ouyuki woye ngaashi ouyelele, neyukifilo loye ongaashi omutenya.

OMAPSALOME 43:1

Kalunga, yukifile nge, u popile nge kovanhu vehe na onghenda, Omwene, Ove u xupife nge kovanhu ve noipupulu noumbudi.

OMAPSALOME 7:6

Omwene, va tukulukila nehandu loye! Ove yambukila onya yovafininiki vange! Penduka u xupife nge, Oove ou wa pangela omatokolo.

OMAPSALOME 94:15

Etokolo lopauyuki otali kala pauyuki: aveshe ava ve hole ouwa, otava ame kulo.

JESAJA 42:16

Ndele ovapofi ohandi ke va endifa mondjila vehe i shii, ohandi ke va endifa melila inali shiivika kuvo. Omilaulu Ame ohandi ke di va ningila ouyelele, noitunhu ohandi i yelakanifa. Oinima tuu ei ohandi i shakenifa, itandi i efa, inandi i wanifa.

JESAJA 42:7

okupashula omesho ovapofi nokupitifa eenghwate modolongo, nokumangulula meti ava hava kala omutumba momilaulu.

JESAJA 46:13

Ame onda ehenifa popepi ouyuki wange, kau li kokule vali, nexupifo lange itali kala ko. Ndele onda hala okuyandja exupifo muSion noshinge shange muIsrael.

JESAJA 51:22

Omwene woye ota ti ngaha: “Omwene Kalunga koye ou ota popile oshinima shoshiwana shaye: Tala, ohandi kufa meke loye onheka yokukolwifa neholo loupyuhandu wange, ito li nu vali.

JESAJA 56:1

Omwene osho ota ti ngaha: “Diinineni epangelo liyuki ndele ningeni ouyuki, osheshi exupifo lange oli li popepi, nouyuki wange otau ka holoka.

JEREMIA 10:19

Woo aame, omolwomupya wange, oshipute shange tashi luluma. Ndelenee ame ohandi ti: Eshi oudjuu wange, ondi noku u humbata.

JEREMIA 14:7

Oilonga yetu ii nande tai tu tomhele oulunde, wanifa oshilonga shoye, Omwene, omolwedina loye, osheshi omaliteeko etu omahapu, fye twa nyona kwoove.

JEREMIA 51:10

Ouyuki wetu Omwene e u eta poluhaela. Ileni, tu ka udifile muSion oilonga yOmwene, Kalunga ketu!

OMAIMBILOKEMO 1:18

Omwene Oye omuyuki, osheshi ame inandi dulika keendjovo daye. Pwilikineni hano oiwana aishe, nye mu tale ouyehame wange. Oukadona vange novamati vange va ya moupika.

LEVITIKUS 26:41

Opo naame yo nda li ndi noku va anya noku va twala medu lovatondadi vavo. Opo omitima davo inadi pita etanda ngeenge tadi lininipike, va mone ekwatakanifo lomatimba avo.

MALAKIA 3:18

Opo nee nye tamu ka mona vali etongolo pokati kovayuki novadinikalunga, pokati kaau ha longele Kalunga naau ihe mu longele.

1 OVAKORINTO 4:5

Hano inamu tokola sha manga efimbo inali fika, fimbo Omwene ine uya, ou ta holola ei ya holekwa momulaulu, nomadilongo omutima ote a holola; opo nee keshe umwe ota pewa epandulo laye kuKalunga.

2 TIMOTEUS 4:8

Opo nee nda tuvikililwa oshishani shouyuki handi ke shi pewa mefiku linya kOmwene, omutokoli omuyuki, ndelenee haame andike, naaveshe ava ve hole eholoko laye.

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

1 SAMUEL 24:15

Ndelenee Omwene na kale omutokoli, Ye na tokole pokati ketu. Heeno, Ye na tale nokuyukifa oshinima shange. Ye na xupife nge meke loye.

1 SAMUEL 25:39

David eshi a uda nokutya, Nabal okwa fya, ye ta ti: “Omwene na hambelelwe ou a handukila Nabal okushekwa kwange, ndele a kelela omupiya waye okuninga owii nokwa alula owii waNabal komutwe waye mwene.” Opo nee David okwa tuma kuAbigail, ye e mu hala, a ninge omwalikadi waye.

1 SAMUEL 26:10

David ta ti vali: Oshili ngaashi Omwene e nomwenyo, Omwene te ke mu denga, ile efiku laye lefyo tali ke uya ile ta ka ya molwoodi ndele ta dipawa!

1 SAMUEL 3:18

Ndele Samuel okwe mu hepaululila eendjovo adishe, ine mu holeka nande sha. Ndele ye ta ti: “Oye Omwene. Ye na ninge eshi tashi mu wapalele.”