MIKA 7:8 - Ombibeli Iyapuki

⁸ Omutondi wange, ino kala nokuhafela nge! Nande nda punduka, ohandi yambuka po vali. Nande ndi kale omutumba momilaulu, Omwene Oye ouyelele wange.

MIKA 7:8 ပူးပေါင်းရင်းမြစ်များ

JOB 31:29

“Ame nda hafela tuu omupya womutondadi wange ile nda shambukwa komwenyo oshiponga eshi she mu hanga?

OMAPSALOME 112:4

Ovayuki ote va pitile ngaashi ouyelele momulaulu, omunalukeno nomunanghenda nomuyuki.

OMAPSALOME 143:3

Akutu, omutondi ta taataa omwenyo wange, ote u lyataulile poshi, ota telatele nge momulaulu, ndi fe ava va fya nale.

OMAPSALOME 20:8

Vo kave na apa tava kwatelele, ndele tava natwa po, ndelenee fye otu li ofika, itatu tengauka vali.

OMAPSALOME 27:1

Omwene, Oye ouyelele wange nexupifolao lange; Olyelye ndi tile ngeno? Omwene, Oye ohote yokukalamwenyo kwange; olyelye ta mbadapalifa nge vali?

OMAPSALOME 35:19

Ava tava twifa nge eemhata epwanga, ino efa va yole nge, ava tava tondo nge oshimha, ino efa, va fiikile nge omesho.

OMAPSALOME 37:21

Omunawii ota li ongele, ndele ite i futu, ndelenee omuyuki oku na onghenda, ta dulu okuyandja oshali.

OMAPSALOME 37:24

Ngeenge ta punduka, ita wililile po, osheshi Omwene ote mu yakele.

OMAPSALOME 38:16

Osheshi onda tya: Ngeno uhe va efe, va lengaife nge, neemhadi dange, ngeenge tadi fenhuka, vo vaha shiive okufulalalela nge.

OMAPSALOME 84:11

Osheshi Kalunga Omwene, Oye etango noshikelelifo; Omwene oha yandje ouwanghenda nefimano; ava tava ende moshili, ite va kelele nande osha shiwa.

OMAPSALOME 97:11

Ouyelele wa kuminwa komuyuki, nehafo okovanamadiladilo a yuka.

JESAJA 2:5

Yambuka, oove eumbo laJakob, natu kaleni nokweenda mouyelele wOmwene.

JESAJA 49:9

Nokulombwela eenghwate: ‘Djeni mo!’ Naava va kala momilaulu: ‘Ileni pouyelele!’ Ndele vo otava ka lifa pomalila, keemhunda adishe da yela otapa ka kala oulifilo wavo.

JESAJA 50:10

Olyelye womokati keni ha tila Omwene ndele ta udu ko ondaka yomupiya waye? Ou ta ende momilaulu noku he na eenhe douyelele, ne lineekele edina lOmwene, ye ne liameke kuKalunga.

JESAJA 9:2

Oshiwana hashi endaenda momulaulu, osha mona ouyelele muhapu, naava hava kala medu lomudile wefyo, ouyelele otau va minikile.

JEREMIA 48:27

Ile ove ino yola Israel? Ile okwa hangikile vati mokati kovalunga, eshi ho mu popi keshe efiku, ndele to mu pukapukile komutwe ndele to mu dini?

JEREMIA 50:11

Heeno, nyakukweni hano heeno, hafeni, onye ovaxuuli vefyuululo lange, heeno, nhukeni nokuhafa, ngaashi ondema tai xu moshipale, nye mu kwene ngaashi eenghambe eemhedi.

JEREMIA 8:4

Ndele ove va lombwela u tye: Omwene ota ti: Ou e lidenga poshi, ita penduka po ngeno? Naau a puka ondjila, ita pukuluka mbela?

HESEKIEL 25:6

Osheshi Omwene Kalunga ota ti ngaha: “Nye eshi mwa pandula nokudenga omake nokututulifa eemhadi, ndele mwa hafela oshilongo shaIsrael nomwenyo u yadi odino.

HESEKIEL 35:15

Oove ngaashi wa hafela okutokekwa kwefyuululo ledu leumbo laIsrael, osho ngaha Ame handi ke ku ningila: Ove to ka ninga omuulu, akutu, oove omhunda yaSeir, naEdom ashishe, nye amushe, ndele vo otava ka shiiva nokutya, Aame Omwene.”

HESEKIEL 36:5

Onghee hano, Omwene Kalunga ta ti ngaha: Oshili, moupyuhandu wange Ame ohandi popi koixupe yoiwana nokoshilongo ashishe shaEdom, sho she linunina okukufa po edu lange li ninge lasho, nehafo linene lomutima nodino inene, opo oulifilo womulo u ninge oshihakanwa.

AMOS 9:11

Mefiku tuu olo ohandi ka dikulula onduda ya nyonauka yaDavid. Ame ohandi ka fitika po omifya dayo nokutungulula omakulukuma ayo, ndele handi ke i tungulula i kale ngaashi ya li mefimbo lonale.

OBADJA 1:12

Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu.

MIKA 4:10

Lialangatifa, pitifa mo, ngaashi omudali, ove omona okakadona kaSion! Osheshi paife ove u nokudja moshilando nokukala moixwa. Ndele to ka fika kuBabilon. Oko tuu oko ove to ka xupifwa, heeno, oko tuu oko Omwene te ke ku kulila meke lovatondi voye.

MIKA 7:10

Nomutondadi wange yo, ote ke shi mona, nohoni otai ka tuvika ou, ta ti kwaame: “Omwene Kalunga koye oku li peni?” Nokuhokwa omesho ange otae ke mu tala, opo nee ota ka lyatwa ngaashi onhata yomomapandavanda.

SAKARIA 12:8

Mefiku tuu olo Omwene ota ka amena oonakukalamo muJerusalem. Nomupunduki mokati kavo ta ka kala mefiku tuu olo ngaashi David, neumbo laDavid tali ka kala ngaashi omukwaulu, ngaashi omweengeli wOmwene komesho yavo.

MALAKIA 4:2

Ndelenee nye ava hamu tila edina lange, etango louyuki tali ke mu pitila, neveluko koshi yomavava alo. Ndele nye tamu ka pita mo nokunhuka ngaashi eenhaanguda, da dja moshinyongo.

MATEUS 4:16

Ndele oshiwana osho sha li omutumba momilaulu, osha mona ouyelele uhapu, naavenya va li va kala omutumba moshilongo nomomudidimbe wefyo, ouyelele we va yelela.”

JOHANNES 16:20

Oshilishili handi mu lombwele: otamu kala nokulila nokunyemata, ndele ounyuni otau hafe. Onye tamu kala nokunyika oluhodi, ndelenee oluhodi leni tali ka shituka ehafo.

JOHANNES 8:12

Ndele Jesus okwe va lombwela vali, ta ti: “Aame ouyelele wounyuni; ou ta shikula nge, ita ende momulaulu, ndele ota kala e nouyelele womwenyo.”

OILONGA YOVAYAPOSTOLI 26:18

okupashukifa omesho avo, va dje mo momulaulu, ve uye mouyelele, va efe epangelo laSatana, nove uye kuKalunga, ndele mokwiitavela nge, va mone ekufilo lomatimba nefyuululo mokati kovayapulwa.’

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

2 OVAKORINTO 4:9

ohatu tewatewa, ndele inatu ekelwashi, twa natwa poshi, ndele inatu nyonwa po.

EHOLOLO 21:23

Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona.

EHOLOLO 22:5

Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.