MIKA 7:6 - Ombibeli Iyapuki

⁶ Osheshi omona omumati ta dini xe, nomona okakadona otaka tu eemhata naina, noshitenya shomwalikadi otashi tu ondubo nainamweno. Ovanaita nomunhu, ovo ovaneumbo vaye.

MIKA 7:6 ပူးပေါင်းရင်းမြစ်များ

GENESIS 49:4

Wa fuluka ngaashi omeva; ndelenee ove ito ka kala omukulunhu, osheshi owa londa kombete yaxo; osho we i nyateka—ove wa londa kombete yange.

2 SAMUEL 16:11

David okwa tya vali kuAbisai novapiya vaye aveshe: “Taleni, omumwange ou a dja molutu lange ta kongo omwenyo wange. Oshike Omukwabenjamin ou ite shi ningi? Mu efa, a tuke nge, osheshi Omwene e shi mu lombwela.

OMAPSALOME 41:9

Neume lange nokuli, eli nde lineekela nomutima aushe, nola li hali li eendja dange, olo la yelulila nge oshififinwa, li fangule nge.

OMAYELETUMBULO 30:11

Ope nepupi tali tula omutima xe, ndele itali nangeke ina yalo noupuna;

OMAYELETUMBULO 30:17

Ou ta sheke xe, ndele ita yavala okudulika kuina, omesho aye taa shomonwa komakola omefilu, novana vonhwa tave a li po.

JESAJA 3:5

Ndele ovanhu otava ka hepekafana, omunhu nomunhu, omukwao nomukwao; okaana otaka tu ondubo nomukulunhu weenghwakutoka, omufyoona ota tu ondubo nomutumbalekwa.

JESAJA 9:19

Edu ola xwama omolwoupyuhandu wOmwene womatanga ovakwaita, novanhu va ninga oikulya yomundilo, ndele vo itava filafana onghenda.

JEREMIA 12:6

Osheshi novamwaxo neumbo laxo navo yo otava ende nomakoto naave, navo yo otave ku ingida pombada konima yoye. Ino ve lineekela nande nave ku popife noukaume.

JEREMIA 20:10

Osheshi ame onda uda omalundilo avahapu, omatilifo keembinga adishe! Mu hololeni! Natu mu holole! Nookaume kange aveshe tava kala nokunangela nge, ndi punduke. Vo otava ti: Kashiimba tashi dulika a tulwe moulai, nena hatu mu dulu eenghono ndele hatu polifile muye ehandu letu.

JEREMIA 9:4

Kaleni mwa lungama, keshe umwe okaume kaye, ndele inamu lineekela omukweni nande umwe, osheshi omumwanyoko ote ku kengelele nokeshe omukweni ota ende nomalundilo.

HESEKIEL 22:7

Vo ova dina xe naina mwoove, va fininika omunailongo mwoove, eefiye novafiyekadi mwoove ve va hepeka.

OBADJA 1:7

Ove wa tewatewa fiyo okongaba, aveshe ovo mwa hangana navo, ve ku kengelela. Ookaume koye ve ku dule. Omungome oo to u pumbwa ve u lukile elulo kwoove. Kamu neendunge muyo.

MATEUS 10:21

“Ndelenee omumwaxe ta yandje omumwaxe mokufya, naxe omona waye, nounona otava ka twa ondubo novakulunhu vavo, ndele tave va dipaifa.

MATEUS 26:23

Oye okwa nyamukula, ta ti: “Ou a twa eke laye metiti pamwe naame, oye ta kengelele nge.

LUKAS 12:53

xe nomona omumati, nomumati naxe, ina nomona okakadona, nokakadona naina, inamweno noshitenya, noshitenya nainamweno.”

LUKAS 21:16

Ndele nye otamu yandjwa kooxo nokoonyoko nokovamwanyoko nokovakweni nokookaume keni, vamwe vomunye tava ka dipawa kuvo,

JOHANNES 13:18

“Itandi mu tongo onye amushe, ondi va shii ava nde va hoolola. Ndele eshangelo eli opo li wanifwe: ‘Ou ta li pamwe naame eendja, oye ta yelulile nge oshififinwa shaye.’