MIKA 7:2 - Ombibeli Iyapuki

² Ovadiinini va pwa mo moshilongo, ndele kape nomuyuki vali mokati kovanhu. Vo aveshe ohava nangele va tileshi ohonde. Ohava kongo, keshe umwe, mukwao e mu yule.

MIKA 7:2 ပူးပေါင်းရင်းမြစ်များ

OMAPSALOME 10:9

Oye ta hondama mengade ngaashi onghoshi monhele yayo; ta nangele a kwate epongo; ta kwata epongo moku li yula meendjadja daye;

OMAPSALOME 12:1

Omwene, kwafa, osheshi ovayuki va xula po, novadiinini va pwa mo movana vovanhu.

OMAPSALOME 12:2

Otava popyafana oipupulu namukwao, nomokupopya omilungu davo odi nomufenhu, nomitima davo di li pavali.

OMAPSALOME 57:6

Eemhadi dange ove di tela eendjadja, ova polimanifa omwenyo wange. Ekelo, ove li fa komesho yange, ndele voovene tava wile mo. Sela

OMAYELETUMBULO 1:11

Vo eshi tava ti: “Ila, tu endeni pamwe, natu nangele ohonde, natu nangele ngaho omuhenashipo,

OMAYELETUMBULO 12:6

Eendjovo dovahenakalunga odo okunangela ohonde, ndelenee okanya kovayuki otake va xupifa.

JESAJA 3:5

Ndele ovanhu otava ka hepekafana, omunhu nomunhu, omukwao nomukwao; okaana otaka tu ondubo nomukulunhu weenghwakutoka, omufyoona ota tu ondubo nomutumbalekwa.

JESAJA 57:1

Omuyuki ota nyonauka po, ndele kape na ou te shi diladila komutima waye; ovayuki otava nakulwa po, ndele kape na ou te shi pula, osheshi omuyuki ota nakulwa mo aha hangike koukolokoshi.

JESAJA 59:7

Eemhadi davo otadi tondokele okuninga owii noda endelela okutilashi ohonde ihe na etimba; omadiladilo avo oo oulunde, nomeendjila davo omu na ehanauno nomateyaulo.

JESAJA 9:19

Edu ola xwama omolwoupyuhandu wOmwene womatanga ovakwaita, novanhu va ninga oikulya yomundilo, ndele vo itava filafana onghenda.

JEREMIA 16:16

Tala, Ame ohandi tumu ovayuli vahapu veeshi, Omwene osho ta ti, tave ke va yula nokomesho ohandi ka tuma ovakongi vahapu ava tave ke va konga komhunda keshe nokoshikulundudu keshe nomomakololo omamanya.

JEREMIA 5:16

Eenywa davo da fa ombila ya ekama. Vo aveshe ovaladi.

JEREMIA 5:26

Osheshi movanhu vange omu novadinikalunga; vo ohava hondjaunine ngaashi ovakongi veedila have likoko, vo ohava tele omiyo ndele hava kwata ovanhu.

JEREMIA 8:6

Ame onda pwilikina nonda uda ko, vo eshi tava popi eshi inashi yuka. Kape na nande umwe e uditile owii waye ouyehame ye a tye: ‘Woo, onda ninga shike?’ Aveshe otava pilamene ko, otava tondoka omatondoko avo, ngaashi onghambe omhedi tai tondoka molwoodi.

OMAIMBILOKEMO 4:18

Vo ova hondjaunina eenghwate detu, opo fye tuha shiive okweenda momapandavanda etu. Exulilo letu ole uya popepi, omafiku etu a wana, heeno, exulilo letu la fika.

HESEKIEL 22:12

Vo ova tambula mwoove eembubo dokutilashi ohonde. Oikolo nye mwe i kwatifa eliko, ndele tamu tambula oshishoshela, ndele mwa futifa mukweni moku mu fininika, ndelenee mwa dimbwa nge, Omwene Kalunga ta ti.”

HESEKIEL 24:6

Onghee hano, Omwene Kalunga ta ti ngaha: “Woo oshilando shohonde, ombiya i noilemo ya kanyatela mo. Kufa mo oshikambi noshikambi, inashi umbilwa oshihoololifo.

HOSEA 5:1

Woo, nye ovapristeli, pwilikineni! Woo, oove eumbo laIsrael, didilika! Woo, eumbo lohamba, pwilikina nomatwi! Osheshi etokolo tali mu hange, osheshi nye omwa ninga omwiyo kuMispa, neendjadja da tandavelifwa, da telwa kuTabor.

HOSEA 6:9

Nongudu yovapristeli oi li ngaashi oimhulu ya holamena. Ohava dipaele mondjila yaSekem, heeno, ova longa oilonga yoixuna.

MIKA 2:8

Ndelenee nokuli konalenale oshiwana shange osha kala nokutwa ondubo. Onye tamu kufa elwakani kombada yoikutu kwaavo tava ende vehe nambudi, tava henuka oita.

MIKA 3:10

Onye ava tamu tungifa Sion nohonde naJerusalem nowii.

MIKA 3:2

Ovatondadi vouwa nye, novaholi vowii, ava hamu yuvu oshipa shovanhu, ndele hamu tenge ombelela yavo komakipa avo,

SAKARIA 11:6

Osheshi Ame ihandi ka udila vali oonakukala vokombada yedu olukeno, Omwene ta ti. Ndelenee tala, Ame ohandi ka efela ovanhu, keshe umwe, meke lamukwao nomeke lohamba yaye, ndele vo otava ka hanauna edu, ndele itandi ka xupifa nande umwe momake avo.”

OILONGA YOVAYAPOSTOLI 24:9

Ndele Ovajuda ova ya meendjovo edi dokuhokololifa ndele tave di pameke.

1 SAMUEL 24:11

Ndele tala, tate, heeno, tala okavando komunghulo woshikutu shoye meke lange! Osheshi ame eshi nda teta okavando komunghulo woshikutu shoye, ame inandi ku dipaa. Kala hano u shi shii nokutya, mwaame kamu na owii ile etauluko ndele inandi nyona kwoove, nande ove ho holamene nge u shiive okudipaa nge.

1 SAMUEL 26:20

Ohonde yange iha tilwe poshi kokule noshipala shOmwene, osheshi ohamba yaIsrael ya fikama i ka konge ona imwe, ngaashi onghanga tai kongwa meemhunda.”