MIKA 7:14 - Ombibeli Iyapuki

¹⁴ Oshiwana shoye shi lifa nodibo yoye, ongudu youfita wefyuululo loye tai kala ya tongolwa moixwa yomuKarmel. Nai wandjele muBasan nomuGilead ngaashi pomafiku oshito.

MIKA 7:14 ပူးပေါင်းရင်းမြစ်များ

OMAPSALOME 100:3

Shi dimbulukweni, nokutya Omwene Oye Kalunga. Oye tuu, e tu shita, fye ovaye, oshiwana shaye needi doufita waye.

OMAPSALOME 143:5

Ohandi dimbulukwa omafimbo onalenale, oilonga yoye aishe ohandi i shipulula, ame ndi shipaashipe okulonga kwoye akushe.

OMAPSALOME 28:9

Xupifa oshiwana shoye, nangeka noupuna oshitukulwafyuululwa shoye; va lifa noku va humbata fiyo alushe.

OMAPSALOME 95:7

Osheshi Oye Kalunga ketu, ndele fye oshiwana shoufita waye, needi domeke laye. Akutu ngeno nena nye mu ude ondaka yaye:

EXODUS 33:16

Osheshi omoshike ngeno mwa shiivika nokutya, ame nda filwa onghenda momesho oye, ame noshiwana shoye? Hakusho ngeno, Ove eshi ho ende pamwe nafye? Osho ngaha hano ame noshiwana shoye twa tongoka moiwana aishe yokombada yedu.”

EIMBILOELELA 4:1

Omuholike wange, owa wapala ngahelipi, heeno, ove wa wapala! Omesho oye a fa eenghuti, taa monika momaluviluvi oshiuvikoyata. Eexwiki doye dokomutwe di li ngaashi ongudu yoikombo, tai koloka komhunda yaGilead.

JESAJA 27:13

Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.

JESAJA 35:2

otai ka eta eenhemo nokuhafa, heeno, tai nyakukwa nokukuwilila pombada. Otai pewa oshingefimano shaLibanon, ndele tai mono ewapalo laKarmel nolaSaron. Otava kala nokutala oshinge shOmwene newapalopuna laKalunga ketu.

JESAJA 37:24

Ove owa tukifa Omwene kovapiya voye, ndele wa tya: Kouhapu womatemba oita ange onda londa keexulo deemhunda, kominghulo daLibanon; ndele ame nda hala okuka po omisederi dayo dile, nomisipresi dayo da hoololwa, nonda pita, nda ya fiyo okouxulonyonyo wayo, nomuulu wayo wa wapalelela unene;

JESAJA 40:11

Ngaashi omufita ta lifa oimuna yaye, ta ongele oudjona momaoko aye ndele te va papatele ponhulo yaye, neenyali ote di findaeke nawa.

JESAJA 49:10

Itava ka fya ondjala noitava ka fya enota, nomutenya womombuwa netango itali ke va xwika, osheshi Omufinghenda wavo ote ke va endifa ndele te ke va twala keefifiya domeva.

JESAJA 65:10

Ndele Saron otashi ka ninga oulifilo weedi, nefilu laAkor otali ka ninga onhele yokwoomba eengobe, oloshiwana shange eshi sha konga nge.

JEREMIA 49:31

Fikameni! Ka homoneni oshiwana sha kala nombili kashi noshisho shasha, Omwene osho ta ti, sho shihe nomivelo ile oiidilifo noshe likalela.

OMAIMBILOKEMO 1:7

Pomafiku oupongo washo nomowike washo Jerusalem otashi dimbulukwa oupuna washo aushe, ou sha li shi kwete okudja kefimbo lonalenale. Ovanhu vasho eshi ve liyandja momake ovatondi vavo, ove shi tala tave shi yolo molwomupya washo.

OMAIMBILOKEMO 5:21

Tu alulila kwoove, Omwene, opo fye ohatu ka alukila ko; shitukifa omafiku etu a kale ngaashi shito.

HESEKIEL 36:11

Heeno, Ame ohandi ka hapupalifa ovanhu noimuna kunye, ndele vo otava ka hapupala nokudala. Ndele nye otamu ka kala mu novanhu ngaashi nale, noku mu ningila ouwa u dule ouwa wopomafimbo onale, ndele nye otamu ka shiiva nokutya, Aame Omwene.

LEVITIKUS 27:32

Oitimulongo aishe yeengobe noyeedi, heeno, aishe ei tai lifwa, oitimulongo i nokuyapulilwa Omwene.

AMOS 9:11

Mefiku tuu olo ohandi ka dikulula onduda ya nyonauka yaDavid. Ame ohandi ka fitika po omifya dayo nokutungulula omakulukuma ayo, ndele handi ke i tungulula i kale ngaashi ya li mefimbo lonale.

OBADJA 1:19

Ndele vo otava ka kufa efyuululo edu laumbuwanhu, eemhunda daEsau, nedu la yelakana lOvafilisti. Ndele vo otava ka kufa efyuululo edu laEfraim nedu laSamaria nosho yo Benjamin naGilead.

MIKA 5:4

Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu.

SEFANIA 3:13

Oixupe yaIsrael itai nyono vali, ndele itai popi vali oipupulu nomomakanya avo itamu kala elaka lokukengelelafana. Ndelenee vo otava ka kala nokulifa oimuna nokunangala ndele itava halukifwa nande kulyelye.

SAKARIA 10:10

Ohandi ke va alula mo medu laEgipiti. Ndele handi ke va kongolola muAsiria, ndele handi va eta koshilongo shaGilead nokuLibanon. Ndelenee vo itava ka wana mo.

SAKARIA 11:7

Ndele nda lifa eedi tadi dipawa, eedi da hepelela shili. Ame onda kufa eenhaili mbali. Imwe nde i luka Ounyenye. Naikwao nde i luka Ekwatafano, ndele Ame nda lifa eedi.

MALAKIA 3:4

Opo nee eyambo laJuda nolaJerusalem tali ka wapalela Omwene, ngaashi momafiku onale nongaashi momido domounyuni wonale.

NUMERI 23:9

Osheshi apa okonhele yomamanya ohandi shi tale nokeemhunda handi shi mono. Tala, oshiwana tashi likalele, itashi valwa moiwana yovapaani.

NUMERI 32:1

Ndelenee ovana vaRuben novana vaGad ova li ve noimuna ihapu, omaufita manene. Ndele vo eshi va lava edu laJaeser nedu laGilead, ova mona olo onhele iwa yoimuna.

NUMERI 32:4

oshikandjo Omwene e shi nunina eongalo laIsrael oshiwa noimuna, novapiya voye ve noimuna.

MATEUS 2:6

‘Naave yo Betlehem medu laJuda, haave munininini mokati kovapangeli vomuJuda, osheshi mwoove tamu di Omwene ou ta lifa oshiwana shange shaIsrael.’ ”

JOHANNES 17:16

Vo kave fi vomounyuni, ngaashi Ame ndihe fi womounyuni.

DEUTERONOMION 33:28

Osho ngaha hano Israel ta ka kala nombili. Ofifiya yaJakob, ya tongoka mo, medu li noilya nomaviinyu, neulu laye yo tali eta omata omume.