MIKA 7:12 - Ombibeli Iyapuki

¹² Mefiku tuu olo vo otave ke uya kwoove tava di kuAsiria nomoilando yomuEgipiti, nokudja kuEgipiti fiyo okoshikandjo shaEufrat, nokefuta fiyo okefuta likwao, nokomhunda fiyo okomhunda ikwao.

MIKA 7:12 ပူးပေါင်းရင်းမြစ်များ

JESAJA 11:11

Nomefiku tuu olo Omwene ota ka twalulula eke laye lutivali a kulile ovanhu vaye ovo va fyaala muAsiria nomuEgipiti nomuPatros nomuEtiopia nomuElam nomuSinear nomuHamat nomeenhunhu adishe defuta.

JESAJA 11:16

Ndele otau ka kala oshitauwa shinene shokweendwa koonakuxupa vaye, ava va xupa muAsiria, ngaashi kuIsrael mefiku tuu linya a dja muEgipiti.

JESAJA 43:6

Ame ohandi ka lombwela oumbangalanhu: ‘Eta!’ Nombuwanhu: ‘Ino anyena!’ Eta oku ovamwange ovamati vokokulekule, novamwange oukadona vokominghulo dounyuni,

JESAJA 49:12

Tala, ava tava di kokule! Tala, venya koumbangalanhu navenya vokouninginino, navenya vokedu laSinim.”

JEREMIA 23:3

Ndele Ame mwene ohandi ka kongolola oshixupe sheedi dange koilongo noilongo, oko nda li nde di taataela ko, ndele handi ke di alulila moufita wado, di dale nodi hapupale.

JEREMIA 3:18

Pomafiku enya eumbo laJuda otali ende neumbo laIsrael, taa di pamwe kedu lokoumbangalanhu, tae uya kedu nde li pa ooxekulu yavo efyuululo.

JEREMIA 31:8

Tala, Ame ohandi ke va kufa medu lokoumbangalanhu nohandi va kongolola kominghulo dounyuni. Mokati kavo omu novapofi noingudu, ovafimba novamwali, ngaashi ve li, otava alukile apa ongudu inene.

JEREMIA 46:27

“Ndelenee oove omupiya wange Jakob, ino tila, naIsrael, ino kala wa haluka! Osheshi tala, Ame ohandi ku xupifa meenhele dokokule noludalo loye omoshilongo shoupika woye. Ndele Jakob ota ka alukila ndele ta kala nombili netulumuko, ehe na nande ombudi nokape na nande omunhu te mu halwifa.

HESEKIEL 29:21

“Mefiku tuu olo ohandi ka tumifila eumbo laIsrael oluvinga, ndele handi ku pe eenghono u shiive okumakula okanya koye mokati kavo. Ndele vo otava ka shiiva nokutya, Aame Omwene.”

HESEKIEL 37:21

“Ndele tya kuvo: Omwene Kalunga ta ti ngaha: Tala, Ame ohandi ka kufa mo ovana vaIsrael moiwana muyo va elaela, nohandi ke va ongela keembinga adishe noku va eta moshilongo shavo.

HOSEA 11:11

Otave uya nokukakama tava di muEgipiti ngaashi eedila, moshilongo shaAsiria ngaashi eenghuti. Ndele ohandi va alulile momaumbo avo, Omwene osho ta ti.