MIKA 7:10 - Ombibeli Iyapuki

¹⁰ Nomutondadi wange yo, ote ke shi mona, nohoni otai ka tuvika ou, ta ti kwaame: “Omwene Kalunga koye oku li peni?” Nokuhokwa omesho ange otae ke mu tala, opo nee ota ka lyatwa ngaashi onhata yomomapandavanda.

MIKA 7:10 ပူးပေါင်းရင်းမြစ်များ

2 SAMUEL 22:43

Opo nee ame nde va nyanyaula ngaashi ondwi yedu, ngaashi ondova yomomapandavanda nde va lyataula, nde va nyanyaula.

OMAPSALOME 109:29

Ovatondi vange nava dikwe elengwa, ve liuvike odino ngaashi oshidjalomwa.

OMAPSALOME 115:2

Ovapaani otave ya okutya ngahelipi: “Kalunga kavo oku li peni hano?”

OMAPSALOME 18:42

Onde va lyataula va fa ondwi tai i omhepo, nongaashi oushosho tau kombwa momaluvanda.

OMAPSALOME 35:26

Ava tava hafele oudjuu wange, aveshe kumwe, va fifa ohoni, va dinde omitwe, ava tave lishiivile nge oukengeli, va djaleka elengwa nodino.

OMAPSALOME 42:10

Onda fa nda tukwa momakipa ange, eshi ovanandubo naame va sheka nge, alushe tava ti kwaame: “Kalunga koye oku li peni paife?”

OMAPSALOME 42:3

Omahodi ange okwa ninga eendja dange omutenya noufiku, osheshi efiku keshe otava pulapula nge tava ti: “Kalunga koye oku li peni paife?”

OMAPSALOME 58:10

Omuyuki eshi a mona ehandukilo lavo, otashi mu hafifa, neemhadi daye ote di koshele mohonde yovahenakalunga.

OMAPSALOME 79:10

Ongahelipi mbela ovapaani va pewe va tye: “Kalunga kavo paife oku li nee peni?” Koipala yetu natu talifwe ehandukilo lovapaani molwohonde yovapiya voye, ei va tilashi.

OMAPSALOME 92:12

Omukoshoki ota kulifwa, a fa omuti womulunga, ota mene ta i pokule, ngaashi omuti womusederi wokuLibanon.

JESAJA 26:11

Omwene, eke loye ola yeluka, vo kave li wete. Ndelenee ouladi woye molwoshiwana nave ke u mone nokufifwa ohoni, nomundilo wa xwamena ovatondi voye nau ke va lafe po yo.

JESAJA 41:25

Ame onda pendula umwe moumbangalanhu nokwe uya, nomedu leluwa ou ta ka ifana edina lange; ndele ta ka lyata ovapangeli ngaashi omunoko, ngaashi omuhongi woitoo ta myanghe elova.

JEREMIA 49:15

Osheshi tala, Ame ohandi ku ninipike mokati koiwana nohandi ku dinifa mokati kovanhu.

JEREMIA 51:24

Ndelenee omoipafi yeni ohandi ka alulila Babilon noonakukalamo aveshe muKaldea owii oo aushe ve u longa muSion, Omwene osho ta ti.

JEREMIA 51:51

Fye otwa fifwa shili ohoni, osheshi otwa li tu nokupwilikina omasheko; ohoni ya tuvika oshipala shetu, osheshi ovanailongo ova nangala eenhele diyapuki dongulu yOmwene.

HESEKIEL 7:18

Otava ka djala eeshako noumbada tau ke va tuvika. Noipala yavo aishe tai ka fya ohoni nomitwe davo da tenda ongwala.

DANIEL 3:15

Paife eshi, ngeenge tamu udu ondaka yomanghuma noyeenyalilo noyouyaayaa noyoushandja noyouxumbafeta noyoumbulumbubwa nondaka youxumba ve lili nove lili, kaleni mwe lilongekidila okulinyongamena poshi nokwiilikana oshitelekwafano eshi nde shi ninga, opo nawa. Ndelenee ngeenge itamu ilikana, opo tuu opo tamu ekelwa mediko lomundilo. Ndele Kalunga ou te mu xupifa momake ange, olyelye?”

JOEL 2:17

Ovapristeli, ovapiya vOmwene, nava kale nokulila pokati koshivelo noaltari, nava tye: “Akutu Omwene, xupifa oshiwana shoye, noshifyuululifwa shoye, ino shi efa shi fifwe ohoni, vaha shekwe koiwana. Oshike tava ka tya mokati koiwana: ‘Kalunga kavo oku li peni?’ ”

OBADJA 1:10

Omolwoupwidi we u ningila omumwanyoko Jakob, ohoni tai ku tuvike to hanaunwa po fiyo alushe.

OBADJA 1:12

Ndele ino tala nokuhafela efiku lomumwanyoko, efiku lomupya waye, ndele ino shambukwa molwovana vaJuda mefiku lehanauno lavo, ndele ino popya elinenepeko mefiku loudjuu.

MIKA 4:11

Ndele paife oiwana ihapu tai ku hangakene, ei tai ti: “Nashi nyatekwe. Omesho etu naa tale nokuhafela Sion!”

MIKA 7:8

Omutondi wange, ino kala nokuhafela nge! Nande nda punduka, ohandi yambuka po vali. Nande ndi kale omutumba momilaulu, Omwene Oye ouyelele wange.

SEFANIA 3:15

Okuhandukilwa kwoye, Omwene okwa kufa po omatokolo oye nokwa taataa po ovatondadi voye. Ohamba yaIsrael, Omwene, e li mokati koye. Ove ito ka tila vali owii washa.

SAKARIA 10:5

Ndele ohava ka kala ngaashi ovaladi ava hava lyataula onhata yomomapandavanda moita, ndele vo otava ka lwa, osheshi Omwene oku li pamwe navo, novalondi veenghambe tava ka fifwa ohoni.

MALAKIA 1:5

Ndele omesho eni otae ke shi tala, ndele tamu ka tya: Omwene Ye omunene kombada yeengaba daIsrael!

MALAKIA 4:3

Ndele nye otamu ka lyataula ovadinikalunga, osheshi vo otava ka ninga ngaashi ondwi koshi yeemhadi deni mefiku olo Ame handi shiti, Omwene womatanga ovakwaita ta ti.

MATEUS 27:43

Oye okwe lineekela Kalunga; Kalunga ne mu xupife hano paife, ngeenge okwe mu hokwa; osheshi Oye mwene okwa tile: Aame Omona waKalunga.”

JOSUA 7:9

NOvakaanan noonakukalamo aveshe vomoshilongo ngeenge tave shi udu, otave tu dingilile ndele tava dimi po edina letu kombada yedu. Ove oto ka ninga shike omolwedina loye linene?”

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”