MIKA 6:4 - Ombibeli Iyapuki

⁴ Heeno, Aame tuu nde ku pitifa mo muEgipiti nomeumbo loupika onde ku kulila, ndele Ame nda tuma Moses, Aron naMirjam ve ku kwatele komesho.

MIKA 6:4 ပူးပေါင်းရင်းမြစ်များ

2 SAMUEL 7:23

Ndele oshiwana shilipipo kombada yedu sha fa oshiwana shaIsrael, osho sha xupifwa kuKalunga shi ninge oshiwana shaye, opo e liningile edina linene, eshi e shi ningila oinima inene noitilifa mounyuni, moipafi yovanhu vaye, eshi e shi xupifa mo muEgipiti, movapaani nomoikalunga yavo?

OMAPSALOME 77:20

Owa endifila oshiwana shoye ngaashi eedi, keke laMoses naAron.

EXODUS 12:51

Ndele mefiku tuu olo Omwene okwa pitifa mo medu laEgipiti Ovaisraeli pamatanga avo.

EXODUS 20:2

“Aame Omwene Kalunga koye, ou nde ku pitifa mo medu laEgipiti, meumbo loupika.

EXODUS 3:10

Hano inda ko, Ame ohandi ku tumu kuFarao, u pitife mo muEgipiti oshiwana shange Ovaisraeli.”

EXODUS 4:10

Opo nee Moses okwa lombwela Omwene: “Akutu Omwene, ame nghi shii kupopya; onghela nongheleinya nonena eli, eshi wa popifa omupiya woye; osheshi okutumbula kwange taku nyenge nge nelaka lange olidjuu.”

EXODUS 4:16

Ndele ye e nokupopya novanhu ponhele yoye, noye ota ka ninga okanya koye naave to ningi kalunga kuye.

EXODUS 6:27

Ovo tuu venya va popya naFarao, ohamba yaEgipiti, a pitife mo Ovaisraeli muEgipiti, Moses naAron.

JEREMIA 32:21

Ove owa tembula oshiwana shoye Israel medu laEgipiti noilongadidiliko noikumwifa tai nyenge eendunge, neke loye lidjuu nokwooko kwa yeluka nomatilifo manene,

AMOS 2:10

Nosho yo nde mu kufa medu laEgipiti ndele nde mu endifa omido omilongo ine mombuwa, opo mu nangale edu lOvaamori.

NUMERI 12:1

Ndele Mirjam naAron va twa eemhata naMoses omolwomwalikadi Omukushiti, ou a hombolwa kuye; osheshi ye okwa hombola omwalikadi Omukushiti.

NUMERI 33:1

Odo hano eenhanda domolweendo lovana vaIsrael, ava va dja medu laEgipiti pamatanga avo ovakwaita va kwatelwa komesho kuMoses naAron.

OILONGA YOVAYAPOSTOLI 7:36

Ye okwe va tembula mo nokulonga oinyengandunge noilongadidiliko medu laEgipiti nomEfuta Litilyana nomombuwa omido omilongo ine.

DEUTERONOMION 15:15

Dimbulukwa nokutya, ove mwene owa li omupika medu laEgipiti, ndele Omwene Kalunga koye e ku xupifa mo. Onghee hano ame ohandi ku lombwele eshi.

DEUTERONOMION 24:18

Dimbulukwa ove wa li omupika muEgipiti, Omwene Kalunga koye okwe ku xupifa mo. Onghee hano ame ohandi ku lombwele u wanife eshi.

DEUTERONOMION 4:20

Ndelenee Omwene okwe mu kufa nokwe mu pitifa mo meleva loivela muEgipiti, mu kale oshiwana shaye shefyuululo ngaashi mu li nena.

DEUTERONOMION 4:34

Ile Kalunga umwe okwa hetekela tuu okulikufila oshiwana shomoshiwana shikwao nomayelekoponga, nomadidiliko noikumwifa noita neke li neenghono nokwooko kwa yeluka noilonga tai tilifa ngaashi Kalunga keni a ninga muEgipiti momesho eni?

DEUTERONOMION 5:6

“ ‘Aame Omwene Kalunga koye, ou nde ku pitifa mo medu laEgipiti meumbo loupika.

DEUTERONOMION 7:8

Ndelenee Omwene eshi e mu hole nokwa li a hala okudiinina eano Ye e li anenene ooxo, onghee hano Omwene e mu pitifa mo neke li neenghono meumbo loupika, meke laFarao, ohamba yaEgipiti.

DEUTERONOMION 9:26

Ndele ame nda indila kOmwene ndele handi ti: Omwene Kalunga, ino hanauna po ovanhu voye nefyuululo loye, olo we li kulilifa eenghono doye, nowe li pitifa muEgipiti neke li neenghono.

1 SAMUEL 12:6

Samuel okwa lombwela vali ovanhu ndee ta ti: “Ondobwedi Oye Omwene ou a ifana Moses naAron, ndele a pitifa mo ooxo medu laEgipiti.