MIKA 6:2 - Ombibeli Iyapuki

² Udeni oihokolola yOmwene, eemhunda, onye omakanghameno edu a pama akushe. Osheshi Omwene oku na oihokolola noshiwana shaye, ndele ta ka hokololifa Israel.

MIKA 6:2 ပူးပေါင်းရင်းမြစ်များ

2 SAMUEL 22:16

Noukukutu woposhi womefuta wa monika, omakanghameno ounyuni a holoka poluhaela omolwomahanyeno Omwene, okefudaano lomhepo yeyulu laye.

2 SAMUEL 22:8

Opo nee edu la yakita nokukakama, nomakanghameno eulu a dekweta nokuyakita, shaashi Ye a li a handuka.

OMAPSALOME 104:5

Edu owe li shitila keengudi dalo, lo liha tengauke nande fiyo alushe,

OMAYELETUMBULO 8:29

Ye eshi a ningila efuta ongaba yalo, omeva aha tauluke oshipango shaye. Ye eshi a pameka omakanghameno edu,

JESAJA 1:18

Tu yeni tu ka hokololeni Omwene ta ti: “Omatimba eni nande naa tilyane ngaashi ohonde, otaa ka toka ngaashi outokele weemhawe; nonande naa kale a tilyana pyu, otaa yela ngaashi omalududi a toka.

JESAJA 3:13

Omwene ota fikama okutokola, ta fikama a tokole oiwana

JESAJA 43:26

Ndelenee dimbulukife nge, tu ka hokololeni. Ove popya, u holole ouyuki woye.

JESAJA 5:3

Hano osho ngaha, nye Ovajerusalem novalumenhu muJuda, tokoleni pokati ketu noshikokola shange shomiviinyu.

JEREMIA 2:9

Onghee hano natango nda hala oku mu hokololifa, Omwene osho ta ti, ndele handi ka hokolola noludalo lovatekulu veni.

JEREMIA 25:31

Ekolokoto loita otali udika fiyo okomaxulilo ledu, osheshi Omwene ota tu eemhata noiwana, Ye ota hokololifa ombelela aishe. Ovakolokoshi ote va efele eongamukonda, Omwene osho ta ti.”

JEREMIA 31:37

Omwene ta ti ngaha: “Omaulu opombadambada ngeenge taa yelekwa apa e fike, nomikangha dedu ngeenge tadi konakonwa meni mwi, noda shiivika, opo nee naame yo ohandi ka ekelashi oludalo laIsrael molwaayo aishe ve i ninga, Omwene ta ti.

HOSEA 12:2

Efraim ta lalakanene omhepo, ndele ta shikula omhepo yokoushilo. Efiku alishe ye ota hapupalifa oipupulu nehanauno, ndele otava ningi ehangano naAsiria, fimbo omaadi taa twalwa kuEgipiti.

HOSEA 12:3

Omwene ota tu eemhata naJuda, ndele ta handukilile Jakob eendjila daye, ndele te mu pe pailonga yaye. Medimo laina okwa kwata oshififinwa shomumwaina, ndele mefimbo leenghono daye okwa kondja naKalunga.

HOSEA 4:1

Udeni ondjovo yOmwene, akutu, nye ovana vaIsrael! Osheshi Omwene oku na oihokolola noonakukalamo moshilongo, osheshi moshilongo kamu noudiinini nokamu nohole nokamu nokushiiva Kalunga.

MIKA 6:1

Udeni ko, Omwene eshi te shi ti: Fikama ove, u hokolole, neemhunda noikulundudu nai pwilikine ondaka yoye!

DEUTERONOMION 32:22

Osheshi omundilo wa tema mehandu lange, ndele tau ka xwama fiyo omoshovafi shokoshi, ndele tau ka lungwinifa edu alishe nouyadi walo ndele tau ka tema omakanghameno eemhunda.

DEUTERONOMION 4:26

Opo nee edu neulu nali ninge ondobwedi yange nena eli oku mu pa oushima nokutya, otamu ka tewa mo divadiva moshilongo, omo tamu i mokutauluka Jordan, mu shi nangale. Ndele itamu ka kala omafiku mahapu, ndelenee tamu ka halakanifwa shili.