MIKA 5:6 - Ombibeli Iyapuki

⁶ Ndele edu laAsiria vo otave li lifa neongamukonda, nedu laNimrod poivelo yalo. Osho ngaha ote ke tu mangulula muAsiria, ngeenge te ke uya moshilongo shetu ndele ta lyata edu letu.

MIKA 5:6 ပူးပေါင်းရင်းမြစ်များ

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

1 OMAFIMBO 1:10

Ndele Kus okwa dala Nimrod, ou a li omunaenghono nomunapangelo wotete kombada yedu.

2 OMAFIMBO 33:11

Onghee hano Omwene a tuma ovakulunhu vomatanga novakwaita vohamba yaAsiria, ve va lwife. Ndele vo ova kwata Manasse neengona ndele ve mu manga nomalyenge oshikushu ndele ve mu twala kuBabilon.

JOB 29:22

Ame eshi nda popya inava tonga nande ondjovo imwe vali, neendjovo dange de va ndodela.

OMAPSALOME 110:3

Oshiwana shoye oshe lilongekidila nehalo liwa unene, mefiku lehomono loye: momidjalowapeko diyapuki ovanyasha voye tava iluka ngaashi omume mekolo leluwa.

OMAPSALOME 72:6

Nai ehene poshi, ngaashi odula tai loko kombada yomwiidi womaulifilo, ngaashi omudimbi tau yovele edu.

JESAJA 14:2

Ndele oiwana otai va kufa ndele tai va twala monhele yokukala navo, neumbo laIsrael otali va kwata medu lOmwene, ndele tava ka ninga ovapikalumenhu novapikakainhu vavo, ndele tava ka kwata ovakwati vavo, ndele tava ka pangela ovapangeli vavo.

JESAJA 14:25

Ame onda hala okuteyaula Asiria medu lange nohandi ke va lyataulila keemhunda dange, nondjoko yaye otai di ko kuvo nomutengi waye otau u ko komapepe avo.

JESAJA 33:1

Woo, omuhanauni oove; ove mwene ino hanaunwa po! Oshimhulu oove, ou ino tinhwa po! Ngeenge wa mana okuhanauna, ove oto ka hanaunwa, nongeenge wa mana okutinha, naave oto ka tinhwa po.

JESAJA 37:36

Opo nee omweengeli wOmwene okwa ya ko ndele ta dipaele meenhanda daAsiria ovalumenhu omayovi efele nomafele omilongo hetatu naatano. Nongula eshi kwa sha, aveshe ova li oimhu ihe na omwenyo.

JESAJA 37:37

Ndele Sanheerib, ohamba yaAsiria, okwa fikama, ndele ta i, ta shuna, ndele a kala muNinive.

JESAJA 6:13

Nongeenge tamu xupu oshitimulongo, nasho yo otashi hanaunwa po; ndele tashi kala ngaashi omufyaati nomwandi, ngeenge da kewa po, oshifidi otashi kala mo, noshifidi osho oludalo liyapuki.”

JEREMIA 14:22

Oikalunga yongaho yoiwana otai shiiva mbela okulokifa odula, ile omu shii eulu loovene otali lokifa odula? Haave Omwene, Kalunga ketu? Ove hatu teelele! Osheshi aishe ei Ove we i ninga.

NAHUM 2:11

Onghalelo yonghoshi oi li peni? Onhele yokulila yonghoshi onyasha oi li peni? Muyo onghoshi nonghoshi onghadi nonghoshona da kala nokulyangela nopehe na ou te di halwifa?

SEFANIA 2:13

Opo Ye ota ka aneka okwooko kwaye langhele koumbangalanhu, ndele ta ka hanauna po Asiria, ndele ta tokifa Ninive, shi kale ngaashi ombuwa.

SEFANIA 3:12

Ndelenee Ame ohandi ka fiya mo mokati koye oshiwana sha xupa nosha nghundipala tashi lineekele edina lOmwene.

LUKAS 1:71

oku tu xupifa movanaita nafye nomomake aaveshe ovo ve tu tonda,

LUKAS 1:74

e tu pe omhito, opo eshi twa xupifwa momake ovatondi vetu, tu mu longele tuhe na oumbada

LUKAS 24:27

Ndele Ye okwa hovela muMoses nomovaxunganeki aveshe, ndele okwe va fatululila adishe de mu tiwa momishangwa adishe.

DEUTERONOMION 32:2

Elongo lange nali ndodele ngaashi odula, neendjovo dange nadi kunguluke ngaashi omume, ngaashi odula yomudimbi tai loko oxuluxulu ndele ngaashi oshikungulu shodula kombada yoimeno.