MIKA 5:5 - Ombibeli Iyapuki

⁵ Ndele Ye ota ka kala nombili. Asiria ngeenge te uya moshilongo shetu, ndele a hala okuuya mo meengulu detu doupuna, fye ohatu tula po ovafita vaheyali novakulunhu vahetatu vomovanhu.

MIKA 5:5 ပူးပေါင်းရင်းမြစ်များ

JOB 5:19

Momaudjuu ahamano Ye ote ku xupifa mo, heeno, momaudjuu aheyali, oshiponga nande shimwe itashi ku hange.

OMAPSALOME 72:7

Momafiku ayo omuyuki ta kala a temuna, nombili oi yadi mo, fiyo ohani ya fya ko.

OMAYELETUMBULO 30:18

Oinima itatu onde i kuminwa. Heeno, ine oya nyenga nge okushiiva:

OMAYELETUMBULO 30:29

Ope na itatu hai katuka nokutuwalala, naine hai ende nokutuwalala:

OMAYELETUMBULO 6:16

Oinima ei iheyali Omwene te i tondo, noinima iheyali oyo oixuna komwenyo waye:

OMUUDIFI 11:2

Oshitukulwa shi yandjela vaheyali, heeno, vahetatu yo, osheshi inamu shiiva omupya washike tau ka kala kombada yedu.

JESAJA 14:25

Ame onda hala okuteyaula Asiria medu lange nohandi ke va lyataulila keemhunda dange, nondjoko yaye otai di ko kuvo nomutengi waye otau u ko komapepe avo.

JESAJA 44:28

Aame ou, handi lombwele Kores: ‘Omufita wange! Ndele ye ota fikifa ehalo lange la wana’, eshi ta ti kuJerusalem: ‘Ove tungwa!’ Nokotembeli: ‘Omakanghameno oye naa dikwe!’ ”

JESAJA 59:19

Ndele vo otava ka kala nokutila edina lOmwene kouninginino, nokepito letango oshinge shaye. Osheshi ota kungulula po ngaashi omulonga mudjuu pokati komutune nomutune, tau shingwa komufudo wOmwene.

JESAJA 65:8

Omwene osho ota ti ngaha: Ngaashi omeva a monika meshila lomuviinyu, ndele tapa tiwa: Ino li nyona po, omu nenangeko noupuna, osho yo handi ningi molwovapiya vange, ndihe va nyone po aveshe.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

JEREMIA 33:15

Pomafiku enya nomefimbo tuu olo ohandi ka tutumifila David oshitutumine shouyuki, ndele ye ota ka longa oshili nouyuki moshilongo.

AMOS 1:3

Omwene ota ti ngaha: “Omolwomatauluko atatu, naane aDamaskus, Ame ihandi ka alula ehandukilo. Osheshi vo ova xwifa Gilead noixwifo yoivela.

AMOS 1:6

Omwene ota ti ngaha: “Omolwomatauluko atatu, naane aGasa, ihandi ka alula ehandukilo. Osheshi vo ova twala oonakukalamo aveshe moukwatwa nove va yandjela Edom.

SAKARIA 10:11

Ndele otava ka tauluka noudjuu, ndele Omwene ta denge omakufikufi efuta, noule aushe womulonga Nil otau ka kukuta. Elinenepeko laAsiria tali natwa po nodibopangelo yaEgipiti tai di po.

SAKARIA 10:3

Ehandu lange ola xwamena ovafita novapangeli, Ame ohandi ke i handukila. Osheshi Omwene womatanga ovakwaita ota kalele oufita waye noshisho, nokutya eumbo laJuda, ndele te li ningi onghambe i nefimano moita.

SAKARIA 12:6

Mefiku tuu olo ovakulunhu vepata muJuda ohandi ke va ninga ngaashi oshikwatelwa shomundilo koshi yonduba yoikuni nongaashi onyika mokati koihati. Vo otava ka lungwinifa oiwana aishe yomoushiinda wavo kolulyo nokolumosho. Ndele Jerusalem otashi pewa okukala ponhele yasho shi novanhu alushelushe muJerusalem.

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

SAKARIA 9:13

Osheshi Juda Ame handi mu lukile ngaashi outa wofipa, naEfraim handi mu kulike ngaashi oshikuti. Novamati voye, Sion, Ame ohandi ke va puma mumwe novamati voye, Greka, ndele Ame ohandi ku ningi ngaashi eongamukonda lomuladi.

LUKAS 2:14

“Efimano olaKalunga mokombadambada nombili kombada yedu movanhu e va hokwa.”

JOHANNES 14:27

“Ombili ohandi i mu fiile, ombili yange ohandi i mu pe. Itandi mu pe ngaashi ounyuni tau yandje. Omitima deni inadi nyika oluhodi, nye inamu tila.

JOHANNES 16:33

Oinima ei onde i mu lombwela, mu kale mu nombili mwaame. Mounyuni omu li mo mu noudjuu, ndelenee kaleni nomwenyo muwa, Ame onda finda ounyuni.”

EHOLOLO 17:14

Do otadi kala nokulwifa Odjona, ndele Odjona pamwe novashikuli vayo, ovaifanwa novahoololwa novadiinini, otai di findi, osheshi oyo Omwene wo vene nOhamba yeehamba.”

EHOLOLO 19:14

Nomatanga ovakwaita vomeulu e mu shikula, va londa eenghambe ditoka, va djala oikutu yoliina itoka ya yela.