MIKA 5:4 - Ombibeli Iyapuki

⁴ Ndele Ye ota ka holoka ndele te va lifa meenghono dOmwene, nomounene wedina lOmwene Kalunga kaye. Ndele vo tava ka kala netulumuko, osheshi paife Ye ota ka kala munene fiyo okominghulo dedu.

MIKA 5:4 ပူးပေါင်းရင်းမြစ်များ

OMAPSALOME 145:12

Ovana vovanhu va shiivifwe oilonga yoye yoixuna noshinge shouhamba woye.

OMAPSALOME 22:27

Fiyo okominghulo dounyuni otave ke shi shipulula, ve lialulukile kOmwene, noiwana aishe yovapaani otai ke linyongamena koshipala shoye,

OMAPSALOME 72:19

Edina laye liwa la fimana nali pandulwe fiyo alushe, nedu alishe nali yadifwe noshinge shaye! Amen, heeno, Amen.

OMAPSALOME 72:8

Oyo nai pangele kefuta limwe fiyo okulikwao, okomulonga waEufrat fiyo okexulilo ledu.

OMAPSALOME 93:1

Omwene Oye ohamba! Okwe lidika etumbalo; etumbalo Omwene e lidjala, ekwamo laye olo eenghono; nongonga yedu alishe owe i pameka yo, ihe linyengaanyenge.

OMAPSALOME 98:3

Eumbo laIsrael okwe li dimbulukila ouwanghenda waye noudiinini; fiyo okeexulo adishe dounyuni oda mona oshilonga shaKalunga shexupifo.

EXODUS 23:21

Kala wa lungama koshipala shaye nokupwilikina ondaka yaye. Ino kala u nondubo naye, osheshi ye ita ka dima po etauluko leni shaashi edina lange li li muye.

JESAJA 45:22

Alukeni, ileni kwaame, xupifweni, onye ominghulo adishe dedu, osheshi Aame andike Kalunga, kape na vali umwe.

JESAJA 49:5

Ndele paife Omwene Oye tuu ou a ma nge, nda ninga omupiya waye mokudja medimo lameme, Ye ota ti: Jakob, ndi mu alulile kuye naIsrael, ndi mu ongele puye, ndele ame handi ka fimanekwa momesho Omwene, naKalunga Oye eenghono dange.

JESAJA 52:10

Omwene okwa holola okwooko kwaye kuyapuki moipafi yoiwana aishe, nominghulo adishe dedu otadi ka mona exupifo laKalunga ketu.

JESAJA 52:13

Tala, omupiya wange ota ka kala e na elao, ota ka nenepekwa nokulengwa, ndele ta nenepala.

JESAJA 8:7

onghee tala, Omwene ta ka dimina omeva mahapu nomadjuu omulonga a kungulukile kombada; ohamba yaAsiria nefimano laye alishe; otau ka fula nokukoya ominghulo adishe dao nomakuma ao;

MIKA 7:14

Oshiwana shoye shi lifa nodibo yoye, ongudu youfita wefyuululo loye tai kala ya tongolwa moixwa yomuKarmel. Nai wandjele muBasan nomuGilead ngaashi pomafiku oshito.

SAKARIA 13:7

Eongamukonda, pendukila omufita wange, nomulumenhu wopwaamelela, Omwene womatanga ovakwaita ta ti! Denga omufita, eedi opo di lihane. Ndele Ame ohandi ka yambidida ava vaxupi nokwooko kwange.

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

MALAKIA 1:5

Ndele omesho eni otae ke shi tala, ndele tamu ka tya: Omwene Ye omunene kombada yeengaba daIsrael!

MATEUS 16:18

Naame yo ohandi ku lombwele: oove Petrus, nokemanya tuu eli handi tungile ko eongalo lange, ndele itali ka dulika koivelo yoshovafi.

MATEUS 2:6

‘Naave yo Betlehem medu laJuda, haave munininini mokati kovapangeli vomuJuda, osheshi mwoove tamu di Omwene ou ta lifa oshiwana shange shaIsrael.’ ”

MATEUS 25:31

“Ndele Omona wOmunhu eshi te uya moshinge shaye novaengeli vayapuki aveshe pamwe naye, opo nee ota kala omutumba kolukalwapangelo loshinge shaye.

LUKAS 1:32

Ye ota ningi omunene, ndele Ye e nokwiifanwa Omona waau wOkombadambada. Kalunga Omwene ote mu pe olukalwa louhamba waxe David;

JOHANNES 10:38

Ndelenee, ngeenge handi i longo, nande itamu itavele nge, itaveleni oilonga ei, opo mu shiive ndele mu ude ko nokutya, Tate oku li mwaame naame ondi li muTate.”

JOHANNES 20:17

Jesus okwe mu lombwela: “Ino kuma nge, osheshi inandi londa natango kuTate, ndelenee inda kovamwatate u ke va lombwele: Ohandi londo kuTate nokuXo yeni, kuKalunga kange nokuKalunga keni.”

OVAEFESO 1:3

Kalunga naXe yOmwene wetu Jesus Kristus na hambelelwe, Oye ou e tu nangeka noupuna nomapuniko aeshe opamhepo moikwaulu omuKristus,

1 PETRUS 1:5

ofye ava hatu amenwa keenghono daKalunga molweitavelo, tu mone exupifo eli la longekidwa li hololwe mefimbo laxuuninwa.

JUDAS 1:1

Judas, omupiya waJesus Kristus, omumwaina waJakob, kwaava va ifanwa ndele va yapulwa muKalunga Tate ndele va amenenwa Jesus Kristus.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”