MIKA 5:1 - Ombibeli Iyapuki

¹ Ovanhu vaJerusalem, ongeleni omatanga eni. Otwa kondekwa! Otava ponhokele omwiiliki waIsrael.

MIKA 5:1 ပူးပေါင်းရင်းမြစ်များ

GENESIS 35:19

Osho hano Rakel okwa fya. Ndele ye okwa pakwa pondjila yokuya kuEfrat, nokutya Betlehem.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

1 EEHAMBA 22:24

Opo nee Sedekia a yambuka nokwa denga Mikaia enghava moshipala, nde ta ti: “Onaini hano Omhepo yOmwene ya dja mo mwaame i uye i popye mwoove?”

2 EEHAMBA 24:2

Opo nee Omwene ta tumu eemwiila dOvakaldea neemwiila dOvaarami neemwiila dOvamoab neemwiila dOvaammoni, di mu lwife Ye okwe di tuma okulwifa Juda, di shi hanaune po pandjovo yOmwene e i popififa ovapiya vaye ovaxunganeki.

JOB 16:10

“Vo ova makulila nge omakanya avo. Hava denge nge polupanda nokutuka nge. Ngaashi omunhu umwe vo otava ngudumanene nge.

OMAYELETUMBULO 8:23

Ye okwa ma nge moukwaalushe, opehoveloelela, komesho yomafimbo ounyuni,

JESAJA 10:6

Ame ohandi mu tumu, a ka lwife oshiwana shovahenakalunga, ndele handi mu lombwele a ka denge ovanhu voupyuhandu wange, a ka hakane noku ka likola nokunyeka, ye e va lyataule ngaashi onhata tai lyataulwa momapandavanda.

JESAJA 33:22

Osheshi Omwene Oye omutokoli wetu, Omwene Oye omukwateli komesho wetu, Omwene Oye ohamba yetu, Oye te ke tu xupifa.

JESAJA 8:9

Oiwana nye, handukeni nokundumbakana, ndele nye otamu ka hanaunwa po. Pwilikineni, onye eenhele adishe dokokule dedu! Lilongekideni, ndele otamu ka hanaunwa po, lilongekideni, ndele otamu ka hanaunwa po.

JESAJA 9:5

Osheshi keshe olukaku lomukwaita la lyatifwa meweelelo lolwoodi, noikutu ya nyatekwa kohonde, otai xwikwa po, ndele tai ningi eendja domundilo.

JEREMIA 25:9

onghee ohandi ifana ko nohandi ka eta ko oiwana aishe yokoumbangalanhu, Omwene ta ti, nomupiya wange Nebukadnesar, ohamba yaBabilon, ndele handi ke va pumifila moshilongo eshi noonakukalamo, noiwana aishe yomoushiinda. Ndele handi ke va yandja kokufingwa ndele tava ningi oshitilifa shongaho noiyolifa nonduba yomakulukuma fiyo alushe.

JEREMIA 4:7

Onghoshi otai shituluka momufitu wayo, nomuhanauni woiwana okwa fikama, a dja konhele yaye yokukala, a teye po oshilongo shoye shi ninge ombuwa. Oilando yoye otai ka ninga omaputu, itamu kala vali ovanhu.

OMAIMBILOKEMO 3:30

Oye na yandje olupandu kwaau te mu denge, oye na kale a wana omasheko.

HESEKIEL 21:32

Nye otamu ka ninga eendja domundilo. Ohonde yeni tai ka kala meni loshilongo; ove ito dimbulukiwa vali.’ ” Osheshi Ame Omwene nde shi tya.

HESEKIEL 24:2

“Kaana komunhu, lishangela membo edina lefiku, heeno, lefiku tuu eli. Mefiku tuu eli ohamba yaBabilon tai lotokele Jerusalem.

DANIEL 9:25

Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu.

JOEL 3:9

“Shi shiivifileni moiwana! Longekideni oita! Ladipikeni ovaladi! Ovakwaita aveshe nava ehene popepi ndee tamu katuka.

AMOS 2:3

Ndele Ame ohandi ka komba po omupangeli mokati kavo, ndele handi ka dipaa omalenga aye aeshe pamwe naye, Omwene ta ti.”

HABAKUK 1:6

Osheshi tala, ohandi ka pendula Ovakaldea, oshiwana osho shidjuu shihe nolukeno, tashi taulula oumbwalangadja wedu, ndele tashi nyeka eenhele deenghalelo dihe fi dasho.

HABAKUK 3:16

Onda uda eshi nolutu lange talu kakama. Onghuwo eshi tai kuu, omilungu dange tadi dedema. Otwila tai shiti momakipa ange. Ame nda kala ofika ponhele imwe nokukakama, osheshi ondi nokumwena nokuteelela efiku loudjuu, mulo oshiwana shange tashi ka totelwa.

MATEUS 26:67

Opo nee vo ve mu fiila omate moshipala ndele ove mu denga neengonyo; vamwe ove mu denga omanghava

MATEUS 27:30

Ndele ove mu fiila omate, ndele ova kufa oshihati ve mu denga komutwe.

MATEUS 5:39

Ndelenee Ame ohandi mu lombwele: Inamu kondjifa omunawii; ndele ngeenge ku na ou te ku denge kolupanda lokolulyo, mu alulila nalikwao;

JOHANNES 18:22

Ndele Jesus eshi a tonga eendjovo edi, omumati umwe ou a li ko ofika, okwa denga Jesus enghava, ndele ta ti: “Osho to nyamukula ngaho omupristeli omukulunhu?”

JOHANNES 19:3

Ndele vo ove uya kuye ndele tava ti: “Kundwa, Oove ohamba yOvajuda!” ndele tave mu denge omanghava.

OILONGA YOVAYAPOSTOLI 23:2

Ndele omupristeli omukulunhu Ananias okwa lombwela ava va li ofika, ve mu denge komulungu.

2 OVAKORINTO 11:20

Ohamu itavele nge tamu pikwa ovapika, ngeenge tamu nyekwa, nge tamu yulwa, nge pe na ou te linenepeke, nge pe na ou te mu denge moshipala.

DEUTERONOMION 28:49

Omwene ote ku tumine oshiwana shokokule, okomunghulo wedu, ngaashi onhwa tai tuka, oshiwana elaka lasho ku li udite,

DEUTERONOMION 33:27

Kalunga kaalushe Oye ehondameno loye, ndele koshi omaoko aye aalushe tae ku papata. Ndele Ye okwa taataa omutondadi komesho yoye nokwa tile, mu hanauna po!

OVATOKOLIPANGELI 17:7

Ndele muBetlehem shomuJuda mwa li omulumenhu omunyasha womepata laJuda. Ye okwa li Omulevi, ou a kala ko ngaashi omunailongo.