MIKA 4:6 - Ombibeli Iyapuki

⁶ Mefiku tuu olo, Omwene ta ti, onda hala okwoongela ovo tava shongola nokukombelela ava va halakanifwa, naava nde va ningila owii.

MIKA 4:6 ပူးပေါင်းရင်းမြစ်များ

OMAPSALOME 147:2

Omwene ota tungulula Jerusalem, Ye ota ongele ava, va halakanifwa vovana vaIsrael.

OMAPSALOME 38:17

Osheshi ondi li popepi nokuteyauka eenghono, nouyehame wange opo u li alushe.

JESAJA 56:8

Omwene Kalunga ou ta ongele Ovaisraeli va li ve lihana ota ti: “Navakwao vahapu ohandi va ongele natango kuye.”

JEREMIA 3:18

Pomafiku enya eumbo laJuda otali ende neumbo laIsrael, taa di pamwe kedu lokoumbangalanhu, tae uya kedu nde li pa ooxekulu yavo efyuululo.

JEREMIA 31:8

Tala, Ame ohandi ke va kufa medu lokoumbangalanhu nohandi va kongolola kominghulo dounyuni. Mokati kavo omu novapofi noingudu, ovafimba novamwali, ngaashi ve li, otava alukile apa ongudu inene.

HESEKIEL 36:24

Ndele Ame ohandi ke mu kufa mo moiwana ndele handi mu ongele kumwe moilongo aishe, ndele handi ke mu eta moshilongo sheni.

MIKA 2:12

Oshili, Ame nda hala oku ku ongela, ove Jakob! Oshili, ohandi ka ongela oshixupe shaIsrael noku va eta kumwe ngaashi eedi moshuunda, ngaashi ongudu youfita weedi moixwa yado, ndele tapa ka kala euyaano lovanhu vahapu.

SEFANIA 3:19

Tala, mefimbo tuu olo ame ohandi ka handukila ovahepeki voye aveshe. Ndelenee oingudu Ame ohandi ke va xupifa, naava va tewatewa ohandi va ongele. Ndele Ame ohandi ke va ninga ovahambelelwa novatumbalekifwa ava va li va fifwa ohoni kombada yedu alishe.

LUKAS 19:10

osheshi Omona wOmunhu e uya okukonga nokuxupifa eshi sha kana.”

JOHANNES 10:16

Ondi na yo eedi dihe fi domoshuunda eshi; naadinya ondi noku di eta mo, ndele tadi udu ondaka yange, ndele tapa ka kala oshuunda shimwe, nomufita umwe.