MIKA 4:4 - Ombibeli Iyapuki

⁴ Ndelenee otava ka kala omutumba, keshe umwe, momudile womuviinyu waye nowomukwiyu waye, ndele kape na ou te va tilifa. Osheshi okanya kOmwene womatanga ovakwaita ke shi tya.

MIKA 4:4 ပူးပေါင်းရင်းမြစ်များ

1 EEHAMBA 4:25

Onghee hano Ovajuda nOvaisraeli va kala nawa, vehe na mbudi. Keshe umwe a kala pomuviinyu waye nopomukwiyu waye, okudja kuDan fiyo okuBerseba, omafiku aeshe aSalomo.

1 EEHAMBA 5:5

Ndele tala, ame nda hala okutungila edina lOmwene Kalunga kange ongulu ngaashi Omwene a lombwela tate David ndele ta ti: Omumwoye omumati, ou handi mu kaleke kolukalwapangelo loye ponhele yoye, ye ota ka tungila edina lange ongulu.

JOB 11:19

Ove oto ka nangala pehe na ou te ku tilifa, ndele vahapu tava ka konga oukaume naave.

OMAPSALOME 72:3

Eemhunda nadi etele oshiwana ombili noikulundudu ouyuki.

OMAYELETUMBULO 3:25

Ove, ito pumbwa okukala u noumbada molwehaluko tali uya divadiva, ile ehanauno tali kolokele ovahenakalunga.

JESAJA 1:20

Ndelenee ngeenge otamu anye ndele tamu, kala nokunangatela, otamu lika po keongamukonda; osheshi okanya kOmwene oke shi popya.”

JESAJA 17:2

Oilando yaAroer otai efiwa ndele tai ningi oulifilo woimuna, omo tai ombo, itai tewa mo.

JESAJA 22:25

Omwene womatanga ovakwaita ota ti: Mefiku tuu olo ondungu ei ya valelwa ponhele ya pama otai ka nyengana ndele tai teka, ndele tai u ko nonduba ya endjelela ko kuyo, otai xulu po, osheshi Omwene okwe shi tya.’ ”

JESAJA 26:16

Omwene moudjuu otave ku kongo, omailikano avo ove a tilashi, outekuhandu woye eshi we va hanga.

JESAJA 32:17

Ndele oshilonga shouyuki osho ombili neliko louyuki etulumuko, nokulimwenenena nomokulineekela fiyo alushe.

JESAJA 36:16

Inamu pwilikina Hiskia. Osheshi ohamba yaAsiria otai ti: “Tu ningeni oukaume, ofye nanye, nye mu liyandje, nye mu kale keshe umwe ota li omuviinyu waye mwene nomukwiyu waye mwene nakeshe omunhu na nwe omeva momufima waye mwene,

JESAJA 40:5

Ndele oshinge shOmwene otashi ke liholola, nombelela aishe otai ke shi mona, osheshi okanya kOmwene osho ka popya.”

JESAJA 54:14

Ove oto ka kala wa pama molwouyuki; to ka kala kokule nefininiko, osheshi ove ku nokutila sha; ndele to ka kala kokule nehalukifo, osheshi itali ke uya kwoove.

JESAJA 58:14

Opo nee ove to kala nokuhafela mOmwene, Ame ohandi ku endifa kombada yoikulundudu yopedu nonda hala ndi ku udife ounyenye wefyuululo laxokulu Jakob. Oshili, okanya kOmwene oka popya edi.

JEREMIA 23:4

Ndele Ame ohandi ke di kongela ovafita, vo ve di life, do itadi tila vali, do itadi haluka, ndele kamu na nande imwe ihe po, Omwene osho ta ti.

JEREMIA 30:10

“Ndelenee oove omupiya wange Jakob, ino tila, Omwene osho ta ti, naIsrael, ino kakama, osheshi tala, Ame ohandi ke ku xupifa medu lokokule, noludalo loye omedu olo wa li wa pongela mo. Ndele Jakob ota ka aluka nokukala nombili netulumuko, ehe na ou te mu tilifa.

HESEKIEL 34:25

Ndele Ame ohandi ka ninga ehangano lombili navo, noilyani ohandi ke i taataa mo moshilongo, ndele vo otava ka kala mofuka vehe na mbudi nokunangala momufitu.

HESEKIEL 34:28

Ndele vo itava ka ninga vali oshihakanwa shoshiwana, noilyani yomoshilongo itai va li po vali, ndele vo otava ka kala vehe na mbudi, nokape na ou te va halwifa.

HESEKIEL 38:11

ndele to ti: Ame ohandi ka totela oshilongo sha heva, ame ohandi ke uya kovanhu ve li mombili vehe nambudi. Vo aveshe hava kala moilando ihe nohotekuma noyiidilifo noivelo.

HESEKIEL 39:26

ndele vo otava ka dimbwa okushekwa kwavo neliteeko alishe lavo eshi ve liteeka nge, ngeenge tava ka kala vehe nambudi medu lavo, nokape na ou te va halukifa.

LEVITIKUS 26:6

Ame ohandi ka yandja yo ombili moshilongo, opo mu shiive okunangala nokutulumukwa paha kale sha tashi mu etele omahaluhalu. Naame ohandi ka taataa mo oilyani ii medu leni neongamukonda itali ka pumina mo.

MIKA 5:3

Onghee hano Omwene te va efa fiyo okefimbo olo omudali a dala. Opo nee oshixupe shomovamwaxe otashi ka alukila kOvaisraeli.

SEFANIA 3:13

Oixupe yaIsrael itai nyono vali, ndele itai popi vali oipupulu nomomakanya avo itamu kala elaka lokukengelelafana. Ndelenee vo otava ka kala nokulifa oimuna nokunangala ndele itava halukifwa nande kulyelye.

SAKARIA 3:10

Mefiku tuu olo nye otamu ka shiivafana momudile womuviinyu nowomukwiyu.”