MIKA 4:3 - Ombibeli Iyapuki

³ Ndele Ye ta ka tokola pokati koiwana ihapu ndele ta ka yukifa oiwana i neenghono fiyo okoilongo yokokule. Ndele tava ka hambula omaongamukonda avo omatemo nomaonga avo oikashulifo. Oshiwana itashi yelulile vali eongamukonda oshiwana shikwao, ndele itave ke lilonga vali oukwaita.

MIKA 4:3 ပူးပေါင်းရင်းမြစ်များ

OMAPSALOME 46:10

Ota ti: “Ngungumaneni, nye dimbulukweni, nokutya Aame andike Kalunga, nda tumbala mokati koiwana yoilongo, nda tumbala kombada yedu.”

OMAPSALOME 46:9

Ou ta xulifa po oita fiyo okeengaba dedu, ndele ta teyaula omauta nomaonga, nomatemba oita te a xwike po nomundilo.

OMAPSALOME 72:3

Eemhunda nadi etele oshiwana ombili noikulundudu ouyuki.

OMAPSALOME 72:7

Momafiku ayo omuyuki ta kala a temuna, nombili oi yadi mo, fiyo ohani ya fya ko.

OMAPSALOME 82:8

Akutu Kalunga, fikama, u tokole edu; osheshi oiwana aishe oyoye.

OMAPSALOME 96:13

koshipala shOmwene, osheshi Ye ote uya, heeno, ote uya okutokola edu; ota ka tokola ongonga yedu mouyuki, noiwana yoilongo paudiinini waye.

OMAPSALOME 98:9

koshipala shOmwene, osheshi Ye ote uya okutokola edu. Ongonga yedu ote ke i tokola mouyuki, noiwana yoilongo ngaashi ye shi yukila.

JESAJA 2:4

Ndele Ye ota ka tokola pokati koiwana, ndele ta yukifa oiwana yomoilongo ihapu. Ndele vo otava ka hambula omaongamukonda omatemo, nomaonga avo oikashulifo; ndele itava ka lwifafana vali nongaashi itave lilongo vali oukwaita.

JESAJA 25:3

Opo nee oshiwana oshinaenghono otashi ke ku fimaneka, noilongo yovakolokoshi otai ku tila.

JESAJA 51:5

Ouyuki wange ou li popepi, nexupifo lange otali holoka, nomaoko ange otaa ka tokola oiwana, eenhunhu domefuta oda teelela nge, ndele tava ka tula elineekelo mokwooko kwange.

JESAJA 60:12

Osheshi keshe oshiwana nouhamba itau ke ku longela, otau xulu po, noiwana ei otai dimwa po sheke.

JESAJA 65:25

Embungu nodi otadi ka ombela pamwe, onghoshi otai li omwiidi ngaashi ongobe, neyoka otali li ondwi yedu; kombada yomhunda yange iyapuki itapa ningwa vali nande owii ile oshiponga, Omwene osho ta ti.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

HOSEA 2:18

Ndele mefiku olo ohandi ningi ehangano omolwavo noifitukuti yomofuka needila dokeulu noinamwenyo yopedu ei tai alangata; heeno, outa neongamukonda noita ohandi i kukifa moshilongo, ndele Ame handi va tulumukifa va kale nombili.

HOSEA 2:20

Ndele Ame ohandi ke ku valeka noudiinini, ndele ove oto ka shiiva Omwene.

JOEL 3:2

ohandi ka ongela oiwana aishe nohandi i twala mefilu laJosafat (tashi ti: Omwene ta tokola), nde i tokolele kwinya omolwaIsrael, oshiwana shange nefyuululo lange. Osheshi ovo ve shi halakanifila moiwana ndele ve litaulila edu lange.

MIKA 5:15

Ndele oiwana ei inai pwilikina, Ame ohandi ke i handukila nehandu noupyuhandu.

SAKARIA 14:3

Ndele Omwene ota ka fikama a lwife oiwana ei, ngaashi mefiku lolwoodi laye, mefiku loita.

SAKARIA 8:20

Omwene womatanga ovakwaita osho ta ti: “Natango taku ya oiwana noonakukalamo moilando ihapu,

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

OILONGA YOVAYAPOSTOLI 17:31

osheshi Ye e tu yukifila efiku lokutokola ounyuni, eshi te u tokolifa ouyuki komulumenhu tuu oo, Ye mwene okwe mu hoolola nokwe mu didilikila aveshe eshi e mu nyumuna koufi.”

EHOLOLO 19:11

Opo nee nda mona eulu la yeuluka, ndele tala, onghambe itoka, nomulondi wayo okwa lukwa Omudiinini nOmunashili, ndele ta tokola ndele ta lu mouyuki.

1 SAMUEL 2:10

Ava hava twifa Omwene eemhata tava ka teyaulwa po. Vo ote va ndundumine meulu. Omwene ta tokola omaxulilo ongonga yedu, ndele Ye ta yandje eenghono kohamba yaye ndele ta yelula oluvinga lomuvaekwa waye.”