MIKA 4:2 - Ombibeli Iyapuki

² Ndele oiwana ihapu otai ka ya, ndele tai ti: “Ileni, fye tu londeni komhunda yOmwene nokotembeli yaKalunga kaJakob, opo Ye e tu longe omalila aye, fye tu ende neendjila daye. Osheshi omhango otai di muSion nondjovo yOmwene muJerusalem.”

MIKA 4:2 ပူးပေါင်းရင်းမြစ်များ

OMAPSALOME 110:2

Odibopangelo yeenghono doye, Omwene ote i aneke, e li muSion; pangela mokati kovatondi voye.

OMAPSALOME 119:1

Ovanelao ovava, ve nondjila ya yuka, ndele tava ende pamhango yOmwene.

OMAPSALOME 119:171

Momilungu dange namu xunguke omahambelelo, Ove ngeenge to longo nge eenghedimhango doye.

OMAPSALOME 122:1

Osha hafifa nge, eshi nda lombwelwa: “Tu yeni kongulu yOmwene.”

OMAPSALOME 25:12

Ou ha tila Omwene, ye olyelye? Ye ote mu longo ondjila ei ye e nokuhoolola.

JESAJA 2:3

Noiwana ihapu oko tai ka ya, ndele tai ti: “Ileni tu ka londeni komhunda yOmwene, okongulu yaKalunga kaJakob, opo e tu longe eendjila daye, fye tu shiive okweenda momalila aye. Osheshi muSion otamu di omhango nomuJerusalem otamu di ondjovo yOmwene.”

JESAJA 54:13

Ndele ovana voye aveshe tava ka kala va longwa kOmwene, nombili yovamwoye otai ka kala inene.

JESAJA 56:7

ohandi ke va twala komhunda yange iyapuki, ndele handi ke va hafifa mongulu yange yeilikano, omaxwikiloyambo nomatomenoyambo otaa ka wapalela nge keyambelo lange, osheshi ongulu yange i nokwiifanwa ongulu yeilikano yoiwana aishe.”

JEREMIA 31:6

Osheshi efiku otali ke uya, ovanangeli otava ingida ve li keemhunda daEfraim ndele tava ti: ‘Fikameni tu yeni kuSion, kOmwene Kalunga ketu.’ ”

JEREMIA 42:3

Opo Omwene Kalunga koye ne tu ulikile ondjila ei hatu ka enda nayo, Ye ne tu shiivifile eshi tu nokuninga.”

HOSEA 6:3

Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

SAKARIA 14:16

Naaveshe ava va xupa koiwana ei ya homonene Jerusalem otave ke uya omudo nomudo va ilikane koshipala shOhamba, Omwene womatanga ovakwaita, nokudana oshivilo shomatwali.

SAKARIA 2:11

Mefiku tuu olo oiwana ihapu tai ke liameka kOmwene, ndele tava ka ninga ovanhu vaye, ndele ame ohandi ka kala muvo, opo nee ove to ka shiiva, nokutya Omwene womatanga ovakwaita a tuma nge kwoove.

SAKARIA 9:10

Ndele ota ka hanauna po omatemba oita omuEfraim neenghambe domuJerusalem, nouta woita tau ka teywa po; ndele ta udifile oiwana ombili. Nepangelo laye tali tu kefuta limwe fiyo okefuta likwao nomulonga waEufrat fiyo okominghulo dedu.

MARKUS 16:20

Ndele vo ova ya, ndele ova udifila akushe, ndele Omwene Jesus okwa li ta longo pamwe navo, ndele ta pameke eendjovo nomadidiliko tae di shikula.

LUKAS 24:47

ndele medina laye elidilululo nedimepo lomatimba oli nokuudifilwa oiwana aishe nokuhovela muJerusalem.

JOHANNES 6:45

Movaxunganeki mwa shangwa: ‘Ndele aveshe tava ningi va longwa kuKalunga.’ Keshe tuu ou e liudila kuTate ndele a longwa kuye, oye te uya kwaame.

JOHANNES 7:17

Ngeenge pe na ou a hala okulonga ehalo laye, ota ka shiiva elongo, ngeenge ola dja muKalunga, ile handi popi mwaame mwene.

OILONGA YOVAYAPOSTOLI 1:8

ndelenee nye otamu pewa eenghono, Omhepo Iyapuki ngeenge tai uya munye, ndele tamu ka ninga eendobwedi dange muJerusalem nomuJudea ashishe nomuSamaria nofiyo okominghulo dounyuni.”

OILONGA YOVAYAPOSTOLI 13:42

Ndele vo eshi va dja mo moshinagoga, ova indilwa va hepaulule eendjovo edi nomEshabata tali uya.

OVAROMA 15:19

okeenghono domadidiliko nodoinyengandunge, omeenghono dOmhepo yaKalunga, ngaashi ame nda wanifa eudifo levaengeli laKristus okudja kuJerusalem nomoushiinda fiyo okuIlliriko.

DEUTERONOMION 6:1

“Ei oyo hano omhango neenghedimhango nomalombwelo Omwene Kalunga keni a lombwela nge ndi i mu longe, opo mu shiive oku i wanifa medu olo tamu i mo, mu li nangale,