MIKA 4:12 - Ombibeli Iyapuki

¹² Ndelenee vehe shii omadiladilo Omwene novehe udite omanunino aye, nokutya Ye ote ke va ongela kumwe ngaashi oilya tai ongelwa poshipale.

MIKA 4:12 ပူးပေါင်းရင်းမြစ်များ

OMAPSALOME 147:19

Ye okwa udifila Jakob eendjovo daye, naIsrael eemhango daye nomapangelo aye.

OMAPSALOME 147:20

Kape na nande oiwana yoilongo a ningila ngaha, onghee hano omapangelo aye inaa shiivika kuvo. Halleluya!

JESAJA 10:7

Ndelenee hasho Ye ta diladila ngaha, nohasho omutima waye otau dilonga; ndelenee ehalo laye olo okuhanauna po nokunyonauna po oiwana, hashimwe, oihapu.

JESAJA 21:10

Akutu ovanhu vange va xuwa ngaashi oilya, va lyatelwa poshi. Eshi nde shi uda kOmwene womatanga ovakwaita, kuKalunga kaIsrael, onde shi mu hololela!

JESAJA 29:7

Eengudu doiwana aishe odo tadi lwifa Ariel, heeno, aveshe ava otave shi lwifa nokukondjifa ohotemanya yasho, ndele tave shi fininike, otava kala ngaashi ondjodi, emoniko loufiku.

JESAJA 55:8

Osheshi omadiladilo ange hao eni, neendjila deni hado dange, Omwene osho ta ti.

JEREMIA 29:11

Osheshi omadiladilo ange nde e mu diladilila ondi a shii, Omwene osho ta ti, omadiladilo ombili, hao omupya. Ame ohandi mu pe efimbo lokomesho pamwe neteelelo liwa.

JEREMIA 51:20

Oove ohamala yange noshilwifo shange. Ohandi ku nyanyaulifa oiwana, ohandi ku tokekifa omauhamba.

JEREMIA 51:33

Osheshi Omwene womatanga ovakwaita, Kalunga kaIsrael ta ti: Omona okakadona Babilon okwa foshipale mefiku olo tashi palwa. Okafimbo kongaho natango, efimbo leteyo laye otali fiki kuye.

JOEL 3:2

ohandi ka ongela oiwana aishe nohandi i twala mefilu laJosafat (tashi ti: Omwene ta tokola), nde i tokolele kwinya omolwaIsrael, oshiwana shange nefyuululo lange. Osheshi ovo ve shi halakanifila moiwana ndele ve litaulila edu lange.

LUKAS 3:17

Ye oku na oshiyelifo meke laye ndele ta kombo oshipale shaye, oilya ote i tuvikile momaanda aye nolungu ote li xwike nomundilo ihau dimi.”