MIKA 4:10 - Ombibeli Iyapuki

¹⁰ Lialangatifa, pitifa mo, ngaashi omudali, ove omona okakadona kaSion! Osheshi paife ove u nokudja moshilando nokukala moixwa. Ndele to ka fika kuBabilon. Oko tuu oko ove to ka xupifwa, heeno, oko tuu oko Omwene te ke ku kulila meke lovatondi voye.

MIKA 4:10 ပူးပေါင်းရင်းမြစ်များ

2 EEHAMBA 20:18

Ndele venya tava ka kufa ovana vomovana ovamati voye ovo to ka dala, ndele tava ka ninga ovapiya vomeumbo lohamba yaBabilon.”

2 EEHAMBA 25:4

oshilando sha puminwa, novakwaita aveshe va ya onhapo oufiku, va pita moshivelo pokati keehotekuma mbali di li poshikunino shohamba, fimbo Ovakaldea va dingilila oshilando. Nohamba ya ya nondjila yokoluhaela.

2 OMAFIMBO 33:11

Onghee hano Omwene a tuma ovakulunhu vomatanga novakwaita vohamba yaAsiria, ve va lwife. Ndele vo ova kwata Manasse neengona ndele ve mu manga nomalyenge oshikushu ndele ve mu twala kuBabilon.

2 OMAFIMBO 36:20

Ndele ava va xupa keongamukonda oye va twala kuBabilon moukwatwa ndele va ninga ovapiya vayo novovana vayo, fiyo oshilongo sha nangalwa kOvapersia.

2 OMAFIMBO 36:23

“Kores, ohamba yaPersia, tai ti ngaha: ‘Omwene, Kalunga komeulu, okwa yandja mepangelo lange oilongo aishe yokombada yedu, nokwa lombwela nge ndi mu tungile ongulu muJerusalem osho shi li muJuda. Keshe umwe womoshiwana shaye, Omwene Kalunga kaye na kale naye, ndele na ye ko.’ ”

OMAPSALOME 106:10

Osho nee ngaha okwe va xupifa momake ovataataai, ndele te va kulile meenghono domutondi.

JESAJA 43:14

Omwene, Omukulili weni, Omuyapuki waIsrael osho ta ti: “Omolweni ohandi tumu kuBabilon, handi va shingi ngaashi oonakufaduka po. Ovakaldea ohandi va undulile momawato oo ehafo lavo.

JESAJA 45:13

Ame onde mu pendulila mouyuki, ndele nda yelakanifa eendjila daye adishe. Ndele ye ota tungu oshilando shange, ndele ye ota efa ovapika vange, ite va efele oikulila ile ofuto”, Omwene womatanga ovakwaita osho ta ti.

JESAJA 48:20

Djeni mo muBabilon, tembukeni mo muKaldea, shi hepaululeni pombada, shi udifeni, shi twaleni fiyo okominghulo dedu! Tyeni: “Omwene okwa kulila omupiya waye Jakob.”

JEREMIA 13:4

“Kufa ekwamo we li lilandela, we li djala moshiya shoye, fikama u ye komulonga waEufrat, ove u ke li holeke kwinya mokakololo kemanya.”

JEREMIA 15:21

Ndele Ame ohandi ke ku xupifa momake ovadinikalunga nohandi ku pitifa mo meenyala dovakolokoshi.”

JEREMIA 29:20

Ndelenee onye ovapika amushe, pwilikineni eendjovo dOmwene, onye amushe ovo nde mu kufa muJerusalem nonde mu twala kuBabilon.

JEREMIA 4:31

Osheshi Ame onda uda okukema kwaumwe ngaashi okukema kwomufetwa, onghuwo ya fa yomunhu ta fetelwa oshiveli shaye, omona okakadona Sion ota lili mokule ndele te lihepeke nokukema. Omaoko aye otaa twala pombada nokwiilikana: Woo ame! Omwenyo wange tau pu mo kovadipai.

JEREMIA 48:41

Oilando oya tewa nomapopilongulu a nangalwa, nomitima dovaladi vaMoab otadi ka kala mefiku tuu olo ngaashi omutima womwalikadi ta fetelwa okudala.

JEREMIA 52:27

Ndelenee ohamba yaBabilon ye va dipaifa muRibla, moshilongo shaHamat. Osho hano Juda okwa kufwa mo medu lavo nokwa twalwa moupika.

HOSEA 1:10

Ndele omuvalu waIsrael tau ka ninga muhapu u fike peheke lopefuta, itali shiiva okuyelekwa ile okuvalwa. Nopoima opo va lombwelwa: “Kamu fi oshiwana shange,” otava ka lombwelwa: “Onye ovana vaKalunga omunamwenyo!”

HOSEA 13:13

Oye ta ka hangika kouyehame womudali. Oye okaana kehe neendunge, itaka piti medimo pefimbo lokudalwa.

HOSEA 2:14

Onghee tala, ohandi ke mu heka, ndi mu twale mofuka ndi mu hekeleke momutima.

MIKA 5:2

Ndele oove Betlehem Efrata, oove munini mokati komapata aJuda, mwoove tamu ka dja ou, ta ka ninga Omupangeli muIsrael. Nehovelo laye oloshitonale, heeno, olomoukwaalushe.

MIKA 5:3

Onghee hano Omwene te va efa fiyo okefimbo olo omudali a dala. Opo nee oshixupe shomovamwaxe otashi ka alukila kOvaisraeli.

EHOLOLO 12:14

Omukainhu okwa pewa omavava avali onhwa inya inene, a ka tukile kombuwa konhele yaye, oko ta ka palulwa efimbo limwe nomafimbo netatafimbo, a kale kokule noshipala sheyoka.