MIKA 4:1 - Ombibeli Iyapuki

¹ Ndele pexulilo lomafiku, omhunda yotembeli yOmwene otai ka kala ya pamenena koxulo yeemhunda, ndele tai lepala i dule oikulundudu aishe. Ndele oko taku ka tondokela oiwana.

MIKA 4:1 ပူးပေါင်းရင်းမြစ်များ

GENESIS 49:1

Opo nee Jakob okwa ifana ovana vaye ovamati ndele ta ti: “Ileni, liongeleni, opo ndi shiive oku mu shiivifila eshi tashi mu hange pexulilo lomafiku:

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

OMAPSALOME 110:3

Oshiwana shoye oshe lilongekidila nehalo liwa unene, mefiku lehomono loye: momidjalowapeko diyapuki ovanyasha voye tava iluka ngaashi omume mekolo leluwa.

OMAPSALOME 22:27

Fiyo okominghulo dounyuni otave ke shi shipulula, ve lialulukile kOmwene, noiwana aishe yovapaani otai ke linyongamena koshipala shoye,

OMAPSALOME 48:1

Omwene Oye omunene, oku nokufimanekwa shili moshilando shaKalunga ketu, omhunda yaye iyapuki.

OMAPSALOME 86:9

Oiwana aishe yovapaani, ngaashi we i shita, otai ke uya i linyongamene koshipala shoye, Omwene, nai fimaneke edina loye;

JESAJA 27:13

Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.

JESAJA 43:6

Ame ohandi ka lombwela oumbangalanhu: ‘Eta!’ Nombuwanhu: ‘Ino anyena!’ Eta oku ovamwange ovamati vokokulekule, novamwange oukadona vokominghulo dounyuni,

JESAJA 49:6

Ye okwa tya: “Itashi ku wanene, oove omupiya wange, ngeenge to pamekulula omapata aJakob ndele to alula oonakuxupa muIsrael, ndelenee ohandi ku tula po u kale ouyelele woiwana, exupifo lange opo li hange fiyo okominghulo dedu.”

JESAJA 54:2

Mbwalangadjifa onhele yetwali loye, neefaila domatwali oye di ehenifa kokule. Ino kelela! Eengodi doye nadi ninge dile, noiti yado i dengela mo, i pame.

JESAJA 56:7

ohandi ke va twala komhunda yange iyapuki, ndele handi ke va hafifa mongulu yange yeilikano, omaxwikiloyambo nomatomenoyambo otaa ka wapalela nge keyambelo lange, osheshi ongulu yange i nokwiifanwa ongulu yeilikano yoiwana aishe.”

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JEREMIA 26:18

Pomafiku aHiskia, ohamba yaJuda, opa holoka Mika Omumoreset, a xunganeka nokwa lombwela oshiwana ashishe shaJuda, ndele ta ti ngaha: Omwene womatanga ovakwaita ota ti ngaha: “Sion otai limwa epya, Jerusalem otashi ningi oshala shoimbodi nomhunda yotembeli otai shituka oshikulundudu shi noixwa.”

JEREMIA 3:17

Mefimbo linya Jerusalem otashi lukwa olukalwapangelo lOmwene. Noiwana aishe otai ka ongala kusho omolwedina lOmwene. Ndele vo itava ka kala vali nokushikula oukukutu womitima davo dii.

JEREMIA 31:12

Ndele tave uya ndele tava imbi nokunyakukwa komhunda yaSion, ndele tava tondokele kouwa wOmwene, koilya nokomaviinyu nokomaadi, keedi nokeengobe. Ndele eemwenyo davo otadi kala da fa oshikunino sha tekelwa nawa, noitava ka kala vali nokukema.

JEREMIA 48:47

Ndelenee pomafiku axuuninwa Ame ohandi ka lundulula okukala kwaMoab, Omwene osho ta ti. Omaxunganeko etokolo laMoab taa xulile apa.

HESEKIEL 38:16

Ndele ove oto ka totela oshiwana shange Israel ngaashi oshilemo okuuvika oshilongo. Pexulilo lomafimbo tashi ka ningwa. Ame ohandi ke ku efela u lotokele oshilongo shange, oiwana opo i shiive nge, Ame ngeenge handi liholola ouyapuki wange mwoove Gog, moipafi yayo.”

HESEKIEL 40:2

Memoniko laKalunga Ye okwa twala nge moshilongo shaIsrael, ndele okwa kaleka nge komhunda ile unene, ndele oko kwa li ngaashi oshilando sha tungwa langhele lwokoumbuwanhu.

HESEKIEL 43:12

Eshi omhango yotembeli: Koxulo yomhunda pe nokukala onhele aishe yayo iyapukielela keembinga adishe. Tala, omhango yotembeli ei.

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

DANIEL 2:28

Ndelenee ope na Kalunga komeulu, ou ha holola oiholekwa, ndele Oye a hololela ohamba Nebukadnesar eshi tashi ka ningwa pomafiku axuuninwa. Ondjodi yoye nomamoniko omomutwe woye momutala woye aa:

DANIEL 2:35

Ndele mokafimbo tuu oko oivela nelova noshikushu, oshisiliveli noshingoldo osha nyanyaulwa, sha kala ngaashi olungu poshipale mokufu eli tali i omhepo, ndele inashi monika vali nande. Ndelenee emanya olo la denga oshihongwafano ola shituka omhunda inene, ndele oya mana ko edu alishe.

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 7:14

Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:22

fiyo Omuxungu e uya ndele a yukifila ovayapuki vaau wOkombadambada fiyo efimbo la fika ovayapuki va pewa oshilongo.

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

MIKA 3:12

Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.

SAKARIA 14:10

Oshikandjo ashishe tashi ka kala sha lalakana okudja kuGeba fiyo okuRimmon, kombinga yokoumbuwanhu waJerusalem, ndelenee Jerusalem shoovene tashi ka kala she litumba ponhele yasho naava va tula musho okudja koshivelo shaBenjamin fiyo okonhele yoshivelo shonale fiyo okoshivelo shokolonela nokoshungo yaHananel, fiyo omakolelo omaviinyu ohamba.

SAKARIA 2:11

Mefiku tuu olo oiwana ihapu tai ke liameka kOmwene, ndele tava ka ninga ovanhu vaye, ndele ame ohandi ka kala muvo, opo nee ove to ka shiiva, nokutya Omwene womatanga ovakwaita a tuma nge kwoove.

SAKARIA 8:3

Omwene osho ta ti: Ame ohandi shuna kuSion, ndele handi ka kala meni laJerusalem. Ndele Jerusalem tashi ka ifanwa: Oshilando shidiinini, nomhunda yOmwene womatanga ovakwaita otai ka ifanwa: Omhunda iyapuki.

MALAKIA 1:11

Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.

OILONGA YOVAYAPOSTOLI 2:17

‘Omomafiku axuuninwa otaku ningwa, Kalunga osho ta ti: Ame ohandi tilile kombada yombelela aishe Omhepo yange, novana veni ovamati novana veni oukadona otava xunganeke, novanyasha veni tava ka mona omamoniko, novaxungu veni otava ka twa eendjodi.

OVAHEBERI 1:2

paife momafiku tuu aa opexulilo okwe tu popifa mOmona ou e mu tula omufyuululi waaishe, Oye tuu ou e mu shitifa yo omaunyuni, noinima aishe pexulilo otai ka ninga yaye.

2 PETRUS 3:3

Ndele kaleni mu shi shii tetetete nokutya, momafiku axuuninwa otamu ka holoka ovasheki tava shekaula, vo otava endifwa kouhalu wavo vene,

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 15:4

Olyelye ou ite ku tila, Omwene, ndele ita fimaneke edina loye? Osheshi Oove auke omuyapuki; osheshi oiwana aishe otai uya ndele tai ku linyongamene, osheshi omatokolo oye omayuki a holoka.”

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.