MIKA 3:9 - Ombibeli Iyapuki

⁹ Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka.

MIKA 3:9 ပူးပေါင်းရင်းမြစ်များ

NEHEMIA 13:17

Ndele nda twifa ovanamadina vomuJuda eemhata ndele handi ti kuvo: “Owii ou fike peni tamu u ningi, eshi tamu shekifa efiku lEshabata?

EXODUS 3:16

Inda ko u shivile ko ovakulunhu vOvaisraeli noku va lombwela: ‘Omwene, Kalunga kooxo okwe liholola kwaame, Kalunga kaAbraham, kaIsak nokaJakob.’ ” Ndele okwa tya: “Oshili Ame ohandi mu pashukile noku mu kalela noshisho nokutala eshi tashi mu ningilwa muEgipiti.

OMAYELETUMBULO 17:15

Ou ta yukipalifa omuhenakalunga ndele ta vele omuyuki ombedi, vo aveshe oixuna koshipala shOmwene.

OMAYELETUMBULO 17:23

Omuhenakalunga ta tambula ombubo konhulo yamukwao a pengife eendjila douyuki.

OMAYELETUMBULO 18:5

Okukala nokatongotongo nomuhenakalunga nokupengifa eendjovo daau ehe nombedi, itaku wapala.

OMAYELETUMBULO 21:7

Oukolokoshi wavo tau nakula po ovahenakalunga shaashi va anya okuninga osho sha yuka.

JESAJA 1:23

Ovakulunhu voye ova ninga ovanandubo novakwao vovalunga; keshe umwe womuvo e hole okupewa ombubo, ndele ta lovelele ondjabi. Eefiye itadi yakulwa, neendjovo dovafiyekadi itadi fiki ko kuvo.

JEREMIA 5:28

Ova ondoka, va ondokelela, va twima omaadi, ndele hava kungu eendjovo dii; vo ihava yukifa pashili eendjovo deefiye ihave di yukifa noku va popila. Eehepele yo ihave va popile va tokolwe nawa.

HESEKIEL 44:23

“Ndele vo ve nokulonga ovanhu vange va shiive okutongola pokati koinima iyapuki naai yongaho, nove noku va shiivifila eshi sha nyata, naashi sha koshoka.

HOSEA 5:1

Woo, nye ovapristeli, pwilikineni! Woo, oove eumbo laIsrael, didilika! Woo, eumbo lohamba, pwilikina nomatwi! Osheshi etokolo tali mu hange, osheshi nye omwa ninga omwiyo kuMispa, neendjadja da tandavelifwa, da telwa kuTabor.

LEVITIKUS 26:15

nongeenge tamu ekeleshi eenghedimhango dange nongeenge eemwenyo deni tadi nyonyodola omalombwelo ange, opo muha wanife oipango yange aishe, ndele tamu teya po ehangano letu nanye,

AMOS 5:7

Onye ava hamu lundulula etokolo oshimha, ndele ouyuki tamu u ekeleshi poshi!

MIKA 1:1

Ondjovo yOmwene oyo ya hanga Mika Omumoreset, pomafiku eehamba daJuda Jotam, Ahas naHiskia, ei okwe i monenene Samaria naJerusalem.

MIKA 3:1

Ame nda tile: Udeni ko, nye ovakulunhu vomuJakob nomalenga omeumbo laIsrael! Hanye tuu mu nokushiiva ouyuki hamba?

DEUTERONOMION 27:19

“ ‘Ou ta pengifa ouyuki womunailongo nowofiye nowomufiyekadi, na tulwe omutima.’ Novanhu aveshe nava tye: ‘Amen!’