MIKA 3:7 - Ombibeli Iyapuki

⁷ Ndele ovamonikokule otava ka kala nohoni, noipala yovaxunganeki tai ka pemba. Ndele vo aveshe otava ka futika eendjedi, osheshi kape na nande enyamukulo laKalunga.

MIKA 3:7 ပူးပေါင်းရင်းမြစ်များ

OMAPSALOME 74:9

Oiulikilifo yetu iyapuki itatu i mono vali; kape na vali omuxunganeki, ndele mufye kamu na umwe ta shiiva nokutya, fiyo onaini.

EXODUS 9:11

Neemhule inadi shiiva okuholoka koshipala shaMoses molwoidinda. Osheshi oidinda ya li yo meemhule nomOvaegipiti aveshe.

JESAJA 44:25

Ou, handi hanauna po omadidiliko ovaxunganeki voipupulu, ndele handi shimike eemhulile, handi shunifa ovanamayele konima, ndele handi shitukifa ounongo wavo oulai.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

HESEKIEL 24:17

Tula oshenyo poshi. Ino lila eefya. Djala embale loye loshivilo komutwe, djala eenghaku keemhadi. Ino uvika omilungu deni ndele ino lya omungome tau etwa kovanhu.”

HESEKIEL 24:22

Opo nee tamu ka ninga ngaashi Ame nda ningile: Nye itamu ka uvika omilungu deni noitamu ka lya omungome tau etwa kovanhu.

LEVITIKUS 13:45

Natango, oikutu yomunashilundu ou e noudu i nokukala ya pombaulwa, neexwiki daye dokomutwe di nokweendjelela. Ye e nokutuvika yo eendjedi daye nokwiingida: “Omunashilundu! Omunashilundu!”

AMOS 8:11

“Tala, omafiku tae uya, Omwene Kalunga osho ta ti, Ame ohandi tumine oshilongo ondjala, handjala yomungome, hanota lomeva, ndelenee ondjala yokuuda eendjovo daKalunga.

MIKA 3:4

Opo nee vo otava ka kuwila Omwene, ndelenee Ye ite ke va nyamukula. Ndelenee Ye ote ke va holeka oshipala shaye mefimbo tuu olo, molwaashi vo ova ninga eshi inashi yuka.

MIKA 7:16

Oiwana tai ke shi mona ndele tai fifwa ohoni meenghono davo adishe. Vo otave ke likwata komilungu, nomatwi avo otaa ka fita.

SAKARIA 13:4

Mefiku tuu olo keshe omuxunganeki ngeenge ta xunganeke ota fi ohoni molwemoniko laye. Vo itava ka djala vali oshikutu sholududi va fufye ovanhu.

1 SAMUEL 14:37

Opo nee Saul a pula kuKalunga: “Ohandi ka shikula tuu Ovafilisti? Ove to va yandje tuu momake Ovaisraeli?” Ndelenee Ye ine mu nyamukula sha efiku olo.

1 SAMUEL 28:15

Ndele Samuel ta ti kuSaul: “Omolwashike to lipyakidile nge, eshi wa mbadukififa nge mo?” Ndele Saul ta nyamukula: “Ame ondi li moudjuu muhapu unene, osheshi Ovafilisti va homona nge, ndele Kalunga okwa efa nge ndele ita nyamukula nge sha vali movaxunganeki ile meendjodi. Onghee hano nde ku ifana u shiivifile nge nhumbi ndi nokuninga?”

1 SAMUEL 28:6

Ndele Saul okwa pula kOmwene, ndelenee Omwene ine mu nyamukula sha, nande meendjodi ile muUrim ile movaxunganeki.

1 SAMUEL 9:9

Ovanhu vomuIsrael eshi va ya nale okupula kuKalunga tava ti: “Ila, tu ye komumonikokule. Osheshi ou ta ifanwa paife omuxunganeki, a ifanwa shito omumonikokule.”