MIKA 3:12 - Ombibeli Iyapuki

¹² Onghee hano Sion tashi ka pululwa epya molweni naJerusalem tashi ka ninga onduba yomamanya, nomhunda yotembeli otai ka shituka oshikulundudu shi noixwa.

MIKA 3:12 ပူးပေါင်းရင်းမြစ်များ

OMAPSALOME 107:34

edilopya okwe li ninga edu loshimongwa, omolwoulunde wovanhu ava ve li mo.

OMAPSALOME 79:1

Akutu Kalunga, ovapaani ova pumina moinima yoye, va nyateka otembeli yoye iyapuki, Jerusalem ove shi ninga eputu loikulukuma.

JESAJA 32:14

Osheshi ongulu yohamba oya efiwa, nepiyaano loshilando ola mwena filu. Omhunda yaOfel nenangeloshungo loshilando ola ninga omakololo fiyo alushe, ola ninga ehafo leengolo nowandjelo woimuna.

JEREMIA 17:3

Omhunda yange mwene ei i li moixwa noinima yoye yo nomamona oye aeshe, ohandi i yandje oshihakanwa pamwe nomatunda oye eealtari medu loye alishe ohandi i yandja oshihakanwa omolwetimba loye.

JEREMIA 22:5

Ndelenee ngeenge itamu udu eendjovo odo, ohandi lianene mwaame mwene, Omwene osho ta ti, ongulu ei otai ka ninga onduba yomakuma.

JEREMIA 22:6

“Osheshi Omwene mokupopya ongulu youhamba wohamba yaJuda ota ti ngaha: Oove Gilead kwaame, oove oxulo yaLibanon. Oshili, Ame ohandi ke ku ninga ombuwa noilando kai novanhu.

JEREMIA 26:18

Pomafiku aHiskia, ohamba yaJuda, opa holoka Mika Omumoreset, a xunganeka nokwa lombwela oshiwana ashishe shaJuda, ndele ta ti ngaha: Omwene womatanga ovakwaita ota ti ngaha: “Sion otai limwa epya, Jerusalem otashi ningi oshala shoimbodi nomhunda yotembeli otai shituka oshikulundudu shi noixwa.”

JEREMIA 35:17

Onghee hano Omwene, Kalunga komatanga ovakwaita, Kalunga kaIsrael, ota ti: “Tala, kombada yoonakukalamo muJuda nomuJerusalem ohandi tumu oiponga ei aishe nde i va lombwela; osheshi Ame onde va lombwela, ndele vo inava hala okuuda nge, ndele Ame onde va ifana, ndelenee vo inava itavela nge.”

JEREMIA 44:2

Omwene womatanga ovakwaita, Kalunga kaIsrael ota ti ngaha: “Oiponga inya aishe nde i undulila Jerusalem noilando yaJuda aishe, onye vene omwe i mona. Ndele tala, nena oyo omakulukuma, omo muhe novanhu,

JEREMIA 52:13

nokwa xwika po ongulu yOmwene nouhamba. Nosho yo eengulu adishe domuJerusalem nakeshe eumbo lakula okwe li xwika po nomundilo.

JEREMIA 9:10

Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo.

JEREMIA 9:11

Ndele Jerusalem ohandi shi ningi onduba yomamanya shi ninge onhele yeembadje, noilando yaJuda ohandi i ningi omaputu.

OMAIMBILOKEMO 5:18

Omolwomhunda yaSion ya tokekwa, haku endwaendwa ashike kouvandje.

MIKA 1:6

Onghee hano Samaria ohandi ke shi ninga onduba yomamanya moixwa shi ninge onhele yokutwika mo omiviinyu. Nomamanya asho ohandi a alangatifile mefilu nomakanghameno asho ohandi a nyonauna po.

MATEUS 24:2

Ndele Ye okwa nyamukula ta ti kuvo: “Kamu a wete aeshe oo! Oshili handi mu lombwele: itapa fiwa apa emanya la tenhekwa kulikwao inali ngumaunwa po.”