MIKA 2:4 - Ombibeli Iyapuki

⁴ Mefiku olo tave ke mu yelulila eimbilosheko nokwiimba eimbilokemo, tali ti: “Sha twa.” Osho tava ka tya: “Fye otwa hanaunwa po sheke. Ye okwa lundulula oshitukulwa shoshiwana shange. Ngahelipi Ye te shi kufa nge! Omapya etu Ye te a tukulile oonakuliteeka.”

MIKA 2:4 ပူးပေါင်းရင်းမြစ်များ

2 SAMUEL 1:17

Opo nee David a tota eimbilokemo eli omolwaSaul nomolwomona waye Jonatan,

2 OMAFIMBO 35:25

Ndele Jeremia okwa tota eimbilokemo omolwaJosia. Novaimbi aveshe ovalumenhu novakainhu hava imbi Josia momaimbilokemo avo fiyo onena eli, ndele ve shi ninga onghedimhango muIsrael. Ndele tala, osho osha shangelwa mOmaimbilokemo.

JOB 27:1

Ndele Job okwa popya vali ndele ta ti:

JESAJA 14:4

opo nee oto ka imba ohamba yaBabilon neimbilo lokusheka, to ti: “Omulongifi okwa mwena ngahelipi nomahepeko a xula po.

JESAJA 24:3

Edu otali yelekwa filufilu, ndele tali ka tinhwa po osheshi Omwene Oye a popya ondjovo ei.

JESAJA 6:11

Opo nda tya: “Fiyo onaini Omwene?” Ye okwa nyamukula, ndele ta ti: “Fiyo oilando tai ningi omaputu muhe na ovanhu, nomaumbo muhe novanhu, nedu tali ka ninga ofuka;

JEREMIA 14:18

Ngeenge handi i moixwa, tala, ope noonakudipawa keongamukonda ngeenge handi uya moshilando, tala, omo omu noonakudinda ondjala. Heeno, novaxunganeki novapristeli vovene otava kala nokweelaela moshilongo inava shiiva sha.”

JEREMIA 4:13

Tala, ote uya ngaashi oshilemo nongaashi omhepo yoshikungulu, osho omatemba aye oita e li. Eenghambe daye odi nonhapo di dule eenhwa. Woo fye, osheshi fye ohatu hanaunwa po!

JEREMIA 6:12

Omaumbo avo otaa ningi ovanhu vamwe, omapya novakainhu vavo yo, osheshi Ame ohandi aneke eke lange nokuhanyena oonakukalamo moshilongo, Omwene osho ta ti.

JEREMIA 8:10

Onghee hano ovakainhu vavo ohandi ke va yandja kovanailongo nomapya avo okovanyeki vavo, osheshi aveshe, ovanyasha novakulunhu ova hokwa eliko loulunde, okovaxunganeki fiyo ovapristeli, aveshe ohava fufya nohava kengelele.

JEREMIA 9:10

Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo.

JEREMIA 9:16

Ndele handi va halakanifile moiwana inai shiivika kuvo noya li inai shiivika kooxekulu, ndele handi va shikulifile ko eongamukonda fiyo handi va mane po sheke.

HESEKIEL 16:44

“Tala, keshe umwe ou ta toto oitevo, ote shi ku ningile yo, nokutya: ‘Ngaashi ina nosho yo omona okakadona.’

HESEKIEL 2:10

Ndele Ye okwe u nyanununa koshipala shange. Ndele o wa li wa shangwa meni nokombada. Nomuwo mwa shangelwa omaimbilokemo, nomahekumuno nomalilaano.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:8

Kema ngaashi okakadona ka djala oshako molwomumati womounyasha waye.

AMOS 5:1

Eumbo laIsrael, uda ondjovo ei, Ame handi i yelula ngaashi eimbilokemo molweni!

AMOS 5:17

Nosho yo moikokola aishe yomiviinyu tamu ka kala ekemo, osheshi Ame handi ende mokati kayo, Omwene ta ti.”

MIKA 1:15

Ame natango tuu ohandi ke ku etela omufyuululi, oove onakukala kuMaresa. Efimano laIsrael tali ka fika fiyo okuAdullam.

MIKA 1:8

Omolwaashi ame nda hala okukema nokulila nokweenda ndihe neenghaku nondi li hamunghele. Ame nda hala okukwena ngaashi ouvandje nokunyika oluhodi ngaashi eemho.

MIKA 2:10

Fikameni, indeni! Osheshi apa kape nonhele yetulumuko molwonyata ei ya eta ehanauno, heeno, ehanauno kali shii kupolekwa.

HABAKUK 2:6

Vo aveshe itave ke mu ningila eyeletumbulo neimbilosheko neetumbutumbu, ndele tava ti: “Woo ou, te likongele oinima ihapu ihe fi yaye, fiyo onaini hano, ndele te litwike oshikolo shemona lombabyona.”

SEFANIA 1:2

“Ame ohandi ka komba po oinima aishe kombada yedu, Omwene ta ti.

NUMERI 23:18

Opo nee Bileam okwa tumbula etumbulo ndee ta ti: “Fikama Balak u ude! Pwilikine nge, omona waSippor!

NUMERI 23:7

Bileam okwa tumbula etumbulo laye, nde ta ti: “Balak okwe ilile nge muAram, Ohamba yaMoab okeemhunda dokoushilo: ‘Ila u lile nge Jakob Ila u lyangulile nge Israel.’

NUMERI 24:15

Opo nee ye a tumbula etumbulo ndee ta ti: “Bileam yaBeor osho ngaha ta popi, heeno, osho omulumenhu, omesho aye a pashukifwa ta popi.

NUMERI 24:3

Ndele ye okwa tumbula etumbulo laye ndee ta ti: “Bileam yaBeor osho ngaha ta popi, heeno, osho omulumenhu omesho aye a pashukifwa, ta popi.

MARKUS 12:12

Ndele ova diladila oku mu kwata, ndele ova tila ovanhu, shaashi ova koneka kutya, ovo e va popya mefaneko eli. Ove mu fiya po, ndele tava i.

DEUTERONOMION 28:29

ndele to ka enda nokupamhadala mokati komutenya ngaashi ovapofi hava ende nokupamhadala momulaulu, ndele ito ka mona elao meendjila doye. Ndele efimbo alishe to ka kala wa fininikwa nokunyekwa, ndele uhe na omupopili.