MIKA 2:3 - Ombibeli Iyapuki

³ Onghee hano Omwene osho ta ti: Tala, Ame ohandi diladilile oludi eli omupya, muwo nye itamu ka dula okukufa mo eefingo deni, ndele itamu shiiva okweenda nolutu la yuka. Osheshi efimbo olo tali ka kala efimbo lomupya.

MIKA 2:3 ပူးပေါင်းရင်းမြစ်များ

JESAJA 29:20

Osheshi oimhulu kai po vali, novasheki ova xula po, naaveshe ava va diladila owii, ova hanaunwa po,

JESAJA 3:16

Omwene okwa popya ndele ta ti: “Osheshi ovana oukadona vaSion otava shishimana, hava ende neefingo da endekwa ndele tava keuka nomesho avo, hava ende tava ngungula, ndele tava kwelengedjifa eengodo dokomaulu avo,

JESAJA 5:19

ava tava ti: “Oshilonga shaye nashi endelele diva, opo tu shi mone; netokolo lOmuyapuki waIsrael nali ehene, tu li shiive!”

JEREMIA 18:11

Hano paife lombwela ovalumenhu vomuJuda noonakukalamo muJerusalem u tye: Omwene ota ti ngaha: ‘Oshili, Ame ohandi ke mu tumina oshiponga nohandi mu diladilile owii. Alukeni keshe umwe kondjila yaye ii, wapalekeni eendjila deni noilonga yeni!’

JEREMIA 27:12

Nohamba yaJuda Sedekia onde mu lombwela eendjovo odo tuu odo, ndele nda tya: “Ngeenge tamu eta eefingo deni mondjoko yohamba yaBabilon, notamu mu longele, oye mwene noshiwana shaye, otamu kala mu nomwenyo.

JEREMIA 34:17

Onghee hano Omwene ota ti ngaha: Nye omwa kala inamu uda nge ndele inamu ingidila keshe umwe komumwaina nokomukwao emangululo. Tala, ohandi mu ingidile emanguluko. Omwene osho ta ti, mu yandjelwe eongamukonda noudu wolutapo nondjala, nohandi mu ningi oshitilifa shomoilongo aishe yokombada yedu.

JEREMIA 36:23

Ndele shimha tuu Jehud a lesha omapandja atatu ile ane, ohamba otai a kwata ndele tai a tetaula po nokambele komushangi, ndele tai a ekele moshikwatelwa shomakala, fiyo omushangwatonywa aushe wa pya po moshikwatelwa shomakala.

JEREMIA 43:2

opo nee Asaria yaHosaja naJohanan yaKarea pamwe novalumenhu ovakukutu aveshe va lombwela Jeremia, ndele tava ti: Ove oto popi oipupulu. Omwene Kalunga ketu ine ku tuma u tye: Inamu ya kuEgipiti, mu kale ngeno ovanailongo kwinya.

JEREMIA 8:3

Efyo tali kala la halika komesho omwenyo kuvo aveshe va xupa vomoludalo eli lii, meenhele adishe odo handi ke va kandula mo, Omwene womatanga ovakwaita ta ti.

OMAIMBILOKEMO 1:14

Ondjoko yomatauluko ange oya mangwa keke laye, oo a pandelwa kumwe nde a twikwa kofingo. Eenghono dange da teka po. Omwene okwa yandja nge momake aau e dule eenghono dange.

OMAIMBILOKEMO 2:17

Omwene okwa shakenifa eshi Ye e shi nuninine. Ondjovo yaye okwe i wanifa, ei Ye e i tongele pomafiku onalenale; okwe shi ngumauna po ke nonghenda, nomutondadi okwe mu hafifa molwoye, nokwa yelulila pombada oluvinga lomunaita naave.

OMAIMBILOKEMO 5:5

Ovahepeki vetu ove li kofingo yetu, fye twa loloka, ndele ihatu pewa etulumuko.

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

AMOS 2:14

opo ou e nonhapo, ita dulu okuya onhapo, naau e neenghono, ita shiiva oku di longifa, nomunaenghono ita dulu okuxupifa omwenyo waye.

AMOS 3:1

Akutu, nye ovana vaIsrael, udeni ondjovo ei Omwene e i mu lombwela nokupopya epata alishe, Ame nde li kufa mo medu laEgipiti:

AMOS 3:2

“Onye amuke Ame nde mu hoolola momapata aeshe edu. Onghee hano Ame ohandi ke mu handukila molwowii weni aushe.”

AMOS 5:13

Onghee hano omunaendunge ota kala nokumwena mefimbo la tya ngaha, osheshi olo efimbo lii.

MIKA 2:1

Woo ava, hava diladila oulunde nohava longekida owii momitala davo. Ongula ngeenge kwa sha, ohave shi ningi. Osheshi vo ove neenghono momake avo.

OVAROMA 16:4

ava va yandja eefingo davo molwomwenyo wange, haame andike handi va pandula, ndelenee nomaongalo aeshe ovapaani;

OVAEFESO 5:16

longifeni nawa efimbo, osheshi omafiku omai.

DEUTERONOMION 28:48

u nokulongela omutondadi woye, ou te ku tuminwa kOmwene mondjala nomenota nolutu longaho nokuhepa ashishe; ndele ye ota ka tula ondjoko yoshivela kofingo yoye fiyo ye te ku mane po.

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.