MIKA 2:2 - Ombibeli Iyapuki

² Heeno, tava haluka omapya ndele tave a nyeka ko. Omaumbo yo have a kufa po. Osho ngaha hava fininike omulumenhu neumbo laye, nomunhu nefyuululo laye.

MIKA 2:2 ပူးပေါင်းရင်းမြစ်များ

1 EEHAMBA 21:1

Ndele konima yoinima ei pa ningwa, Nabot, Omujisreel, okwa li e noshikokola shomiviinyu muJisreel, sha shaama nongulu youhamba waAhab, ohamba yaSamaria.

2 EEHAMBA 9:26

‘Oshili, Ame nda mona onghela ohonde yaNabot noyovana vaye, Omwene ta ti, ndele mepya eli handi ke ku handukilila, Omwene ta ti.’ Onghee hano, mu kufa, u mu ekele mepya eli, pandjovo yOmwene.”

JOB 31:38

“Epya lange ngeenge la hokololifa nge neefola dalo adishe kumwe ngeenge da lila,

EXODUS 20:17

“Ino haluka eumbo lamukweni. Ino haluka omwalikadi womukweni, ile omupiya waye omulumenhu ile omukainhu ile ongobe yaye ile ondongi yaye ile keshe eshi shamukweni.”

JESAJA 3:14

Omwene ote uya ketokolo ndele ta tokola ovakulunhu novapangeli vovanhu vaye: “Nye omwa likifa oikunino yomiviinyu, neliko mwe li nyeka ohepele oli li momaumbo eni.

JESAJA 5:8

Woo, ovo tava shaameke eumbo neumbo, ndele tava tula kumwe epya nepya, po kape na vali onhele; osho ngaha tamu nangala oshilongo, onye amuke.

JEREMIA 22:17

Ndelenee omesho oye nomutima woye itau kongo shimwe shi lili, eliko tuu loye mwene nokutilashi ohonde ihe netimba nokuhepeka nokunyeka.

HESEKIEL 18:12

ta fininike omukwanaluhepo nohepele, ta nyeka, ita shunifa ombabyona, ndele ta yelula omesho aye koikalunga, ta longo oixuna,

HESEKIEL 22:12

Vo ova tambula mwoove eembubo dokutilashi ohonde. Oikolo nye mwe i kwatifa eliko, ndele tamu tambula oshishoshela, ndele mwa futifa mukweni moku mu fininika, ndelenee mwa dimbwa nge, Omwene Kalunga ta ti.”

HESEKIEL 22:13

“Tala, osho hano Ame ohandi denge omake ange kumwe molweliko loye loulunde, olo we li lilikolela, nomolwetimba loye lohonde li li mwoove.

HESEKIEL 33:26

Nye otamu lineekele eongamukonda leni, nye otamu longo oixuna ndele tamu nyateke keshe umwe, omukainhu womukwao, nye ngeno mu pewe nee oshilongo shi ninge sheni vene?

HESEKIEL 45:9

Omwene Kalunga ta ti ngaha: “Sha wana, nye eehamba daIsrael! Efeni enyeko nefininiko, diinineni etokolo la yuka nouyuki. Efeni okutaataa mo ovanhu vange momapya avo, Omwene Kalunga ta ti.

HESEKIEL 46:18

“Ndele ohamba ihe nokukufa omifyuululwamikunda dovanhu noku va ta mo momapya avo. Omepya layo mwene nai tukulile ovana oitukulwa, i ninge efyuululo lavo, paha kale omunhu womovanhu vange, a tewa mepya laye.”

HESEKIEL 8:17

Ndele Ye okwa lombwela nge: “Kaana komunhu, u shi wete tuu? Eshi inashi wanena mbela eumbo laJuda eshi tali ningi oixuna i fike apa, ei ve i ninga apa, osheshi otava yadifa oshilongo oukolokoshi, ndele tava hapupalifa ehandu lange? Ndele tala, nhumbi hava kwatele oshitai shomuviinyu pomayulu avo!

AMOS 2:7

Vo ohava lyatele mondwi yedu omutwe wohepele nohava ngolyola ondjila yepongo. Ndele omulumenhu naxe tava i komukainhu umwe auke, nosho ngaha hava sheke edina lange liyapuki.

AMOS 4:1

Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni!

AMOS 8:4

Udeni eshi nye ava hamu lyataula ovakwanaluhepo, ndele mwa hala okutaataa ovalininipiki vomoshilongo,

MIKA 3:9

Shi udeni tuu, nye ovakulunhu vomeumbo laJakob nomalenga omeumbo laIsrael! Onye ava tamu dini ouyuki, ndele tamu endameke ashishe eshi sha yuka.

MIKA 6:12

Osheshi oipuna yomoshilando oi yadi oukolokoshi noonakukalamo musho hava popi oipupulu, nelaka lavo li yadi ekengelelo momakanya avo.

MALAKIA 3:5

Ndele Ame ohandi ka ehena kunye ndi ninge etokolo, ndele Ame handi endelele okuninga ondobwedi ndi tokole eendudu novatei vohombo naava va ana moipupulu nohava fininike omulongeli wondjabi mokufuta, novafiyekadi neefiye. Naava hava ngolyola eendjovo domunailongo ndele itava tila nge. Omwene womatanga ovakwaita ta ti.

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

1 TIMOTEUS 6:10

Osheshi olwisho loimaliwa olo efina lowii aushe, nomoku li haluka vamwe va puka mo meitavelo, ve lityuulifa nomaudjuu mahapu.