MIKA 2:12 - Ombibeli Iyapuki

¹² Oshili, Ame nda hala oku ku ongela, ove Jakob! Oshili, ohandi ka ongela oshixupe shaIsrael noku va eta kumwe ngaashi eedi moshuunda, ngaashi ongudu youfita weedi moixwa yado, ndele tapa ka kala euyaano lovanhu vahapu.

MIKA 2:12 ပူးပေါင်းရင်းမြစ်များ

GENESIS 36:33

Ndele konima yefyo laBela, Jobab yaSera wokuBosra okwa pangela ponhele yaye.

1 OMAFIMBO 1:44

Ndele Bela okwa fya. Ndele ponhele yaye Jobab yaSera wokuBosra a pangela.

JESAJA 11:11

Nomefiku tuu olo Omwene ota ka twalulula eke laye lutivali a kulile ovanhu vaye ovo va fyaala muAsiria nomuEgipiti nomuPatros nomuEtiopia nomuElam nomuSinear nomuHamat nomeenhunhu adishe defuta.

JESAJA 27:12

Ndele mefiku tuu olo, Omwene ota ka shopola oiimati okudja komulonga waEufrat fiyo okokamulonga kaEgipiti; akutu nye Ovaisraeli, otamu ka toolwa umwe naumwe.

JESAJA 34:6

Eongamukonda lOmwene ola nyika eehonde, la kuta omaadi, nohonde youdjona noyoikombo nokomakaadi eefiyo deedi. Osheshi Omwene e na etomenoyambo muBosra, omatomeno mahapu medu laEdom.

JESAJA 5:17

Ndele eedjona otadi ka lya ngaashi poulifilo wado vene novanailongo otava ka lifa poikulukuma yoipuna

JEREMIA 23:3

Ndele Ame mwene ohandi ka kongolola oshixupe sheedi dange koilongo noilongo, oko nda li nde di taataela ko, ndele handi ke di alulila moufita wado, di dale nodi hapupale.

JEREMIA 3:18

Pomafiku enya eumbo laJuda otali ende neumbo laIsrael, taa di pamwe kedu lokoumbangalanhu, tae uya kedu nde li pa ooxekulu yavo efyuululo.

HESEKIEL 34:11

“Osheshi Omwene Kalunga ta ti ngaha: Tala, Ame mwene opo ndi li, Ame ohandi ka konga eedi dange noku di kalela noshisho.

HESEKIEL 34:13

Ndele Ame ohandi ke di pitifa mo moiwana noku di ongela moilongo ndele handi ke di eta medu lado. Ndele handi ke di lifa keemhunda daIsrael nomomakololo nomeenhele adishe domoshilongo kwa kala ovanhu.

HESEKIEL 34:22

Onghee hano, Ame ohandi ka xupifa eedi dange, diha ninge vali oshihakanwa. Naame ohandi ka tokola pokati kodi nodi.”

HESEKIEL 34:31

Ndele nye eedi dange, eedi doulifilo wange, nye ovanhu. Aame Kalunga keni, Omwene Kalunga ta ti.”

HESEKIEL 36:37

Omwene Kalunga ota ti ngaha: “Noposhinima eshi handi shi itavelele eumbo laIsrael ouwa wange: Ame ohandi hapupalifa ovanhu vavo ngaashi eedi.

HESEKIEL 37:21

“Ndele tya kuvo: Omwene Kalunga ta ti ngaha: Tala, Ame ohandi ka kufa mo ovana vaIsrael moiwana muyo va elaela, nohandi ke va ongela keembinga adishe noku va eta moshilongo shavo.

HOSEA 1:11

Opo nee ovana vaJuda novana vaIsrael aveshe kumwe otava ka ongala, ndele tave lihoololele omukulunhu umwe; notava di mo moshilongo, osheshi efiku laJisreel otali kala linene.

AMOS 1:12

Onghee hano Ame ohandi ka tumina Teman omundilo, ndele tau ka lungwinifa eengulu daBosra doupuna.”

MIKA 2:13

Otava kokola ondjila yavo tave uya koshivelo ndele tava piti mo. Nohamba yavo tai va kwatele komesho nOmwene te va endifa.

MIKA 4:8

Ndelenee oove oshungo yeedi, oshikulundudu shomona okakadona kaSion! Kwoove otaku uya, heeno, epangelo loshitonale, tali ke uya, ouhamba womona okakadona kaJerusalem.

MIKA 5:7

Opo nee oshixupe shaJakob tashi ka kala mokati koiwana ihapu ngaashi omume hai di kOmwene, heeno, ngaashi oihomo yodula tai loko omwiidi; ihai teelele omunhu noihai dulika kovana vovanhu.

MIKA 5:8

Ndele ava va xupa muJakob mokati koiwana, tava ka kala mokati kovanhu vahapu ngaashi onghoshi mokati koifitukuti, ngaashi onghoshi onyasha mongudu yeedi. Ngeenge tai pumine mo, tai hakana notai nyanyaula, ndele kape na ou ta xupifa.

MIKA 7:14

Oshiwana shoye shi lifa nodibo yoye, ongudu youfita wefyuululo loye tai kala ya tongolwa moixwa yomuKarmel. Nai wandjele muBasan nomuGilead ngaashi pomafiku oshito.

MIKA 7:18

Olyelye ou e ku fa, Kalunga, ho dimi po owii, ndele to koya po omatauluko oshixupe shefyuululo loye? Ye ita handuka fiyo alushe, ndelenee Ye a hokwa ouwanghenda.

SEFANIA 3:20

Mefimbo tuu olo Ame ohandi ke mu alula, heeno, mefimbo tuu olo ohandi mu ongele. Osheshi Ame ohandi mu tumbalekifa noku mu fimanekifa moiwana aishe yokombada yedu, eshi handi lundulula okukala kweni moipafi yeni, Omwene osho ta ti.